11/21/2018
Today from Hiiraan Online:  _
Wararka Maanta- Jimco, May 25, 2012
Madaxweynaha Soomaaliya oo dalka Koonfur Afirka u tagay ka qaygalka shir looga hadlayo Midnimada Qaaradda Afrika


Jimco, May 25, 2012 (HOL) — Madaxweynaha Soomaaliya, Sheekh Shariif Sheekh Axmed iyo wafdi uu hoggaaminayo ayaa xalay gaaray dalka Koonfur Afrika, halkaas oo ay kaga qaybgalyaan shir looga hadlayo minimada Qaaradda Afrika.

Wadigan Shariif ayaa si weyn loogu soo dhaweeyay magaalada Johannesberg ee dalka Koonfur Afrika, iyadoo isla xalay uu ka qaygalay xaflad casho ahayd oo loo sameeyay madaxda dalalka Afrika.

Booqashada madaxweynaha Soomaaliya uu ku tagay dalka Koonfur Afrika ayaa waxay noqonaysaa tii ugu horreysay oo madaxweyne Soomaaliyeed uu ku tago dalkaas tan iyo markii ay xorriyadooda qaateen sannadkii 1994-kii.

Dalka Koonfur Afrika ayaa wuxuu ka mid yahay dalalkii ay gacanta ka geysatay Soomaaliya sidii ay xorriyad u heli lahaayeen, iyadoo booqashadan ay imaanayso xillli ay mas'uuliyiin ka tirsan dowladda dalkaas booqashooyin ku yimaadeen dalka Soomaaliya.

Madaxweynaha ayaa lagu wadaa inta uu ku sugan yahay dalka Koonfur Afrika inuu kulammo la qaato madaxda dalkaas isagoo kala hadli doona dhibaatooyinka loo geysto Soomaalida magan-galyo ahaanta u jooga dalkaas.

Dhanka kale, mas'uuliyiinta jaaliyadda Soomaalida ee dalka Koonfur Afrika ayaa waxay sheegeen inay aad u daneynayaan inay la kulmaan madaxweynaha inta uu ku sugan yahay dalka Koonfur Afrika.

Maxamed Xaaji Xuseen, Hiiraan Online
[email protected]
Muqdisho, Soomaaliya







Click here
5/25/2012 9:54 AM EST
Jimco, May 25, 2012 (HOL) - Wararkii ugu dambeeyay ee ka imaanaya magaalada Afgooye oo ay hareereeyeen ciidamada AMISOM iyo kuwa Soomaaliya markii ay halkaas ka baxeen Alshabaab shalay ayaa sheegaya in haatan ay magaalada gudaha u galeen ciidamada is kaashanaya.

5/25/2012 9:31 AM EST
Ergayga gaarka ah ee xogyaha guud ee qaramada midoobay u qaabilsan arrimaha Soomaaliya Agustin Mahiga ayaa sheegay in shirkii ka dhacay magaalada Addis ababa uu ahaa mid guul ku dhammaaday heshiisna laga gaaray, waxyaabihii muranka dhaliyay ee ay isku fahmi waayeen hogaamiyayaasha Soomaalida.

5/25/2012 4:44 AM EST
Jimco, May 25, 2012 (HOL) — Ugu yaraan saddex qof ayaa ku dhintay sideed qof oo kalena way ku dhaawacmeen qaraxyo xalay iyo saakay ka kala dhacay degmada Gaalkacyo ee gobolka Mudug ee Soomaaliya iyo xeryaha Qoxootiga Dhadhaab ee dalka Kenya.

5/25/2012 4:16 AM EST
Jimco, May 25, 2012 (HOL) — Maxkamadda gobolka Banaadir ayaa ku xukuntay 30-sano oo xabsi ah, Axmed Salaad Xuseen horraantii sannadkan toogasho ku dilay laba shaqaaale ah oo ka tisranaa hay'adda MSF, kuwaasoo u kala dhasay dalalka Belgium iyo Indooniiisiya.

5/25/2012 3:43 AM EST
Jimco, May 25, 2012 (HOL) — Ugu yaraan shan qof oo barakacayaal ah ayaa lagu dilay madaafiic lagu garaaceen deegaannada u dhexeeya Muqdisho iyo Afgooye oo oo shalay oo dhan ay dadku ka barakacayeen.

5/25/2012 3:11 AM EST
Jimco, May 25, 2012 (HOL) — Wararka aan saakay oo Jimco ah ka helayno degmada Afgooye ee gobolka Shabeellada hoose ayaa sheegaya in ciidamada dowladda KMG ah iyo kuwa AMISOM ay ku sugan yihiin duleedka degmadaas, xillli ay xoogaggii Al-shabaab faarujiyeen.