3/29/2024
Today from Hiiraan Online:  _
Wararka Maanta- Axad, Jun 24, 2012
Madaxweyne Axmed Siilaanyo “Dadka ay abaartu saamaysay waxaa lagu qiyaasay in ay gaadhayaan ilaa 20,000 (labaatan kun) oo qoys”


Axad, Juun,24, 2012 (HOL)- Madaxweynaha Somaliland, ayaa baaq gurmad ah ujeediyey hay’adaha caalamiga, kuwa Qaramadda midoobay iyo kuwa Wadaniga ah inay si degdeg ah ugu gurmadaan abaar adag oo ka jirta qaar ka mid ah goboladda Somaliland ah, kuwaas oo uu sheegay inay labaatan kun oo qof saamayn ku yeelatay.

Madaxweynuhu waxa uu sidaas ka sheegay mar uu xafiiskiisa kula kulmay hay’adaha samafalka kuwa caalamiga ah iyo kuwa wadaniga ahba, waxaanu ka dalbaday inay gurmad degdeg ah gaadhsiiyaan dadkaasi, waxaanu tilmaamay in loo baahan yahay Biyo, cunto iyo dawooyin.

“Sidii la odorosay sanadkan horaantiisii roobkii gu’ga da’ay wuu ka yaraa guud ahaan intii la heli jiray mxiliga guga. wuxuu ahaa teel teel aan sinayn, meelo si wanaagsanbuu uga da’ay meelo wuu ku yaraa meelana maba helin, meelaha ugu daran ee roobku seegay waxa ka mid  jiida xeebaha  gobolada Awdal, Salal, Saaxil iyo Sanaag oo seddex sano oo isku xiga roob ka Di’in”ayuu yidhi madaxweyne Axmed Siillaanyo oo ka hadlayey meelaha ugu daran ee abaartu ka jirto.

“Warbixinaha naga soo gaadhaya Maamulada deegaanadaasi, dadweynaha, hay’addaha samafalka  iyo wasaaraduhuba waxay tilmaamayaan in deegaanadaasi ku suganyihiin xaalad aad u adag oo ay ka taagantahay abaar ba’an, xaaluf, biyo la,aan, iyo cunto yari”ayuu raaciyey, waxaanu intaas ku daray “Waxa la xaqiijinayaa inay xoolihii badankoodu baxeen, dadka nafaqo daro iyo macaluuuli hayso, in badana barakacday oo ay ku soo urureen tuulooyinka deegaanadaasi sida, Garbo dadar, Gargaara, Waraqa dhigta, Calixaydh , Ceel la helay,  Fadhi xun, Ceelgaal, Fiqi aadan, Geerisa, Bulaxaar, xagal, Berbera, Beeyo dhaadheer, Raarida buur, Laasdhuure iyo  tuulooyinka Huluul xaga xeebta ka xiga”


Madaxweynuhu waxa uu xusay in saamayn ku yeelatay labaatan kun oo qoys “Dadka ay abaartu saamaysay waxa lagu qiyaasay inay gaadhayaan ilaa 20,000 (labaatan kun) oo qoys, Dadkaasi waxay u baahanyihiin gurmad degdeg ah oo iskugu jira cunto, biyo, daawo iyo hoyba, haddii aan si degdeg ah loogu gurmana waxa jirta cabsi  in badani gaar ahaan dadka jilicsan, sida caruurta iyo waayeelku u dhintaan  gaajo iyo haraad”.

Madaxweynuhu waxa uu baaq u kala diray Haay’adaha Qaramada midoobay, Hay’adaha samafalka ee caalamiga ah, Hay’adaha wadaniga ah iyo dhamaan shacabka reer Somalilandba inay si degdeg ah ugu gurmadaan dadka ku tabaalaysan deegaanada ay abaarta iyo biyo la’aantu saameeyeen.


Barkhad-Ladiif  M. Cumar, Hiiraan Online 
[email protected]
Hargeysa, Somaliland













Click here
6/24/2012 5:13 PM EST
Axad, June 24, 2012 (HOL) - Malaayin masaari ah ayaa isugu soo baxay guud ahaanba magaalooyinka kala duwan ee waddanka Masar iyagoo u dabaal dagaya guusha u soo hooyatay Maxamed Mursi oo noqday madaxweynihii ugu horreeyay ee si dimuqraadi ah loo soo doorto.

6/24/2012 3:47 PM EST
Axad, June 24, 2012(HOL): Kooxda Jaaliyadda Isboortiga Soomaalida Vienna ee waddanka Austria waxa ay ka qeyb gashay tartan Isboorti oo sanadla ah oo loo qabto Jaaliyadaha Adduunka ee ku nool wadanka Austria gaar ahaan caasimada Vienna.

6/24/2012 8:28 AM EST
Axad, June 24, 2012 (HOL)- Dahabshiil Group, ayaa Mashaariic Khayriya Oo Iskugu Jira Deeqo Lacaga Iyo Dhisida Dhismayaal Ka Hirgaliyay Magaalada Boorama ee gobolka Awdal.

6/24/2012 8:22 AM EST
Axad, June 24, 2012 (HOL) — Hay'adda Norwegian Refugee Council (NRC) ayaa ugu baaqday dunida inay kordhiyaan gargaarka ay siiyaan carruurta Soomaaliyeed ee ka cararaya abaaraha iyo colaadaha ka jira Soomaaliya.

6/24/2012 8:05 AM EST
Axad, June 24, 2012 (HOL) — Hay'adda midowga dhalinyarada Soomaaliyed ee UYS ayaa maanta siminaar looga hadlayay sida qoysaska loogu saleyn dhaqanka suuban iyo caqiidada ugu qabatay Muqdisho odayaasha dhaqanka.

6/24/2012 6:52 AM EST
Axad, June 24, 2012 (HOL) — Madaxweynaha Soomaaliya, Sheekh Shariif Sheekh Axmed oo sheegay inuu yahay murashax u taagan xilka madaxnimo ee Soomaaliya ayaa soo dhaweeyay murashaxiinta fara badan ee isku soo taagaya ka qaybgalka doorashooyinka madaxweynenimo ee Soomaaliya.

6/24/2012 4:16 AM EST
Axad, June 24, 2012 (HOL) — Iyadoo mar kale deegaanno ka tirsan gobollada Galguduud iyo Mudug ay ka soo if baxeen dilal u dhaxeeya beelo halkaa wada dega oo marka danbana keeni kara dagaallo ka dhax qarxa labada beelood, ayaa waxaa arintaa u is taagay sidii looga hortagi lahaa guddi bilihii ugu danbeeyayba ku howlanaa sidii nabad looga dhalin lahaa deegaannada ay colaaduhu ka jiraan.

6/24/2012 4:04 AM EST
Axad, June 24, 2012 (HOL) — Xidhihbaan C/raxmaan C/shakuur Warsame ayaa isku soo taagay xilka madaxnimo ee Soomaaliya, isagoo kaga dhawaaqay inuu murashax yahay xaflad Sabtidii shalay ka dhacday Muqdisho.

6/24/2012 3:17 AM EST
Axad, June 24, 2012 (HOL) — Kooxo hubeysan ayaa xalay ku toogtay goob lagu fiirsanayay ciyaar ka tirsan horyaalka kubadda cagta ee Yurub oo u dhexeysay Faransiiska iyo Spain xeer ilaaliyihii maxkamadda gobolka Sool ee Somaliland, Axmed Maxamed Xaaji Cali.

6/24/2012 3:14 AM EST
Axad, June 24, 2012 (HOL) — Falalkan oo kala ahaa qarax ka dhacay degmada Madheera oo ay ku dhaawacmeen laba sarkaal oo booliiska dalkaas ka tirsan, qof Soomaali ah oo lagu dilay Dhadhaab iyo kooxo hubeysna oo afduubay gaari ayaa labadii maalmood ee ugu dambeysay ka dhacay dalka Kenya.