8/17/2019
Today from Hiiraan Online:  _
Wararka Maanta- Axad, Jun 24, 2012
Hay'adda Midowga Dhalinyarada Soomaaliyeed oo Odoayaasha dhaqaanka Siminnaar ugu qabtay Magaalada Muqdisho


Axad, June 24, 2012 (HOL) — Hay'adda midowga dhalinyarada Soomaaliyed ee UYS ayaa maanta siminaar looga hadlayay sida qoysaska loogu saleyn dhaqanka suuban iyo caqiidada ugu qabatay Muqdisho odayaasha dhaqanka.



Guddoomiyaha UYS Ciise Xasan Diinax oo hadal ku furay siminnaarka ayaa sheegay inuu ku faraxsan yahay inuu ka qayb-galo siminaarka odayaasha loo qabtay isagoo bogaadiyay ifafaalaha nabadeed ee ka jira Muqdisho.

"Waxaa sharaf ii ah inaan kasoo qayb-galo siminaarkan, odayaasha dhaqanka door wanaagsan ayay nabada ka qaadan karaan, dalka wuxuu ku jiraa marxalad kala guur ah, waxaa loo baahan yahay in la xasiliyo, nabaddana la xoojiyo," ayuu yiri Ciise Diinax oo sheegay in Muqdisho uu ka muuqdo isbedel weyn.

C/llaahi Cali Aadan (Baarbe) oo ka yimid magaalada Nashville ee gobolka Tennesee ee dalka Mareykanka ayaa sheegay in howlo wanaagsan ay saxaafaddu u hayso shacabka Soomaaliyeed ee dibadaha ku nool, isagoo xusay inuu soo dhaweynayo isbedelka ka dhacay Muqdisho.




"Waxaan la soconnaa is-bedelada dalka ka dhacay iyo nabadda sida loogu heelan yahay, jaaliyadda Nashville waxaa idinkaga sidaa salaan, qurbaha waxaa ka jira cariiri, waa meel qabow dadka u baahan cimilo wanaagsan dalkeena ayay taallaa, nabadda aan heysanno haddaan xoojino carruurteenna iyo innagaba dalka dib ayaa ugu soo laaban karnaa, marxalado kala duwan la soo maray," sidaa yiri Cabdullaahi Baarbe.

Xildhibaan Cali Seeko oo ka mid ah mudanayaasha baarlamaanka oo isaguna kulanka ka hadlay ayaa sheegay in xaaladaha dalka ka jira ay dhibaato badan kasoo gaartay haweenka iyo caruurta oo u nugul dhibaatada; waxaana intaa ku daray in sida kaliya ee looga hortegi karo ay tahay in xaqa ay leeyihiin dadkaas la muujiyo, dadkana wanaagga la faro.

Caaqil Xasan Cilmi Yaxye oo ka mid ah nabaddoonada ayaa sheegay in sida kaliya ee lagu xoojin karo dhaqamada bulshada ay tahay inay isku xirnaadaan qaybaha bulshada Soomaaliyed, gaar ahaan odayaasha dhaqankana ay hormuud u noqdaan.



Sidoo kale, waxaa ka hadlay siminaarka C/llaahi Cabdulle Wehliye, Xasan Maxamed Diirshe iyo nabaddoon Maxamed Jaamac oo ka mid ah guddiga odayaasha dhaqanka iyagoo ku baaqay in la xoojiyo isku xirka bulshada.

Ugu dambeyn, waxaa kulanka soo xiray Abuukar Sheekh Cusmaan (Abukar Ganey) isagoo sheegay inay uga mahad-celinayaan hay'adda UYS, siminaarrada iyo dood-cilmiyeedyada ay u qabtaan odayaasha, isagoo ugu baaqay ka qayb-galayaasha in waxyaabaha ay ka faa'ideystaan ay u gudbiyaan bulshada inteeda kale.

Maxamed Xaaji Xuseen, Hiiraan Online
[email protected]
Muqdisho, Soomaaliya









Click here
6/24/2012 5:13 PM EST
Axad, June 24, 2012 (HOL) - Malaayin masaari ah ayaa isugu soo baxay guud ahaanba magaalooyinka kala duwan ee waddanka Masar iyagoo u dabaal dagaya guusha u soo hooyatay Maxamed Mursi oo noqday madaxweynihii ugu horreeyay ee si dimuqraadi ah loo soo doorto.

6/24/2012 3:47 PM EST
Axad, June 24, 2012(HOL): Kooxda Jaaliyadda Isboortiga Soomaalida Vienna ee waddanka Austria waxa ay ka qeyb gashay tartan Isboorti oo sanadla ah oo loo qabto Jaaliyadaha Adduunka ee ku nool wadanka Austria gaar ahaan caasimada Vienna.

6/24/2012 8:29 AM EST
Axad, Juun,24, 2012 (HOL)- Madaxweynaha Somaliland, ayaa baaq gurmad ah ujeediyey hay’adaha caalamiga, kuwa Qaramadda midoobay iyo kuwa Wadaniga ah inay si degdeg ah ugu gurmadaan abaar adag oo ka jirta qaar ka mid ah goboladda Somaliland ah, kuwaas oo uu sheegay inay labaatan kun oo qof saamayn ku yeelatay.

6/24/2012 8:28 AM EST
Axad, June 24, 2012 (HOL)- Dahabshiil Group, ayaa Mashaariic Khayriya Oo Iskugu Jira Deeqo Lacaga Iyo Dhisida Dhismayaal Ka Hirgaliyay Magaalada Boorama ee gobolka Awdal.

6/24/2012 8:22 AM EST
Axad, June 24, 2012 (HOL) — Hay'adda Norwegian Refugee Council (NRC) ayaa ugu baaqday dunida inay kordhiyaan gargaarka ay siiyaan carruurta Soomaaliyeed ee ka cararaya abaaraha iyo colaadaha ka jira Soomaaliya.

6/24/2012 6:52 AM EST
Axad, June 24, 2012 (HOL) — Madaxweynaha Soomaaliya, Sheekh Shariif Sheekh Axmed oo sheegay inuu yahay murashax u taagan xilka madaxnimo ee Soomaaliya ayaa soo dhaweeyay murashaxiinta fara badan ee isku soo taagaya ka qaybgalka doorashooyinka madaxweynenimo ee Soomaaliya.

6/24/2012 4:16 AM EST
Axad, June 24, 2012 (HOL) — Iyadoo mar kale deegaanno ka tirsan gobollada Galguduud iyo Mudug ay ka soo if baxeen dilal u dhaxeeya beelo halkaa wada dega oo marka danbana keeni kara dagaallo ka dhax qarxa labada beelood, ayaa waxaa arintaa u is taagay sidii looga hortagi lahaa guddi bilihii ugu danbeeyayba ku howlanaa sidii nabad looga dhalin lahaa deegaannada ay colaaduhu ka jiraan.

6/24/2012 4:04 AM EST
Axad, June 24, 2012 (HOL) — Xidhihbaan C/raxmaan C/shakuur Warsame ayaa isku soo taagay xilka madaxnimo ee Soomaaliya, isagoo kaga dhawaaqay inuu murashax yahay xaflad Sabtidii shalay ka dhacday Muqdisho.

6/24/2012 3:17 AM EST
Axad, June 24, 2012 (HOL) — Kooxo hubeysan ayaa xalay ku toogtay goob lagu fiirsanayay ciyaar ka tirsan horyaalka kubadda cagta ee Yurub oo u dhexeysay Faransiiska iyo Spain xeer ilaaliyihii maxkamadda gobolka Sool ee Somaliland, Axmed Maxamed Xaaji Cali.

6/24/2012 3:14 AM EST
Axad, June 24, 2012 (HOL) — Falalkan oo kala ahaa qarax ka dhacay degmada Madheera oo ay ku dhaawacmeen laba sarkaal oo booliiska dalkaas ka tirsan, qof Soomaali ah oo lagu dilay Dhadhaab iyo kooxo hubeysna oo afduubay gaari ayaa labadii maalmood ee ugu dambeysay ka dhacay dalka Kenya.