8/21/2019
Today from Hiiraan Online:  _
Wararka Maanta- Axad, Jun 24, 2012
Falal ay ka mid yihiin Qarax, Afduub iyo dil Qorsheysan oo ka dhacay Deegaanno ka tirsan Gobolka Waqooyi-bari Kenya


Axad, June 24, 2012 (HOL) — Falalkan oo kala ahaa qarax ka dhacay degmada Madheera oo ay ku dhaawacmeen laba sarkaal oo booliiska dalkaas ka tirsan, qof Soomaali ah oo lagu dilay Dhadhaab iyo kooxo hubeysna oo afduubay gaari ayaa labadii maalmood ee ugu dambeysay ka dhacay dalka Kenya.

Taliye ku xigeenka ciidanka booliiska Kenya ee gobolka Waqooyi-bari, Philip Ndolo ayaa in labada sarkaal ee ka tirsan booliiska ay qabaan dhaawacyo halis ah, ayna miinadu la qaraxday mar ay lasoo laabteen xuduudda Kenya iyo Soomaaliya u dhexeysa.

"Saraakiisha waxay kasoo laabteen xuduudda, markii ay ku qaraxday miino lagu xiray geed dushiis," ayuu yiri Ndolo, isagoo sheegay in labada sarkaal la dhigay isbitaalka degmada Mandheera.

Weerarkan ayaa lagu eedeeyay Al-shabaab, iyadoo la sheegay inay ku dhaawacday 30-ruux qaraxyo noocan oo kale ah oo lagu xiray geedo, iyadoo booliiska Kenya ay qabqabteen 15-qof oo lagu eedeeyay inay qaraxan abaabuleen.

Kooxo hubeysan ayaa waxay habeenkii Jimcaha ka dhaceen deegaanka Libooyo oo ku dhow soohdinta ay wadaagaan Soomaaliya iyo Kenya gaari kuwa rakaabka ah, iyagoo ula baxsaday dhinaca Soomaaliya.

Rakaabkii gaariga la socday qaarkood ayaa laga soo xigtay in rag hubeysan ay ku joojiyeen gaariga meel ku dhow xadka ayna darawalkii iyo dadkii sarnaa ku amreen iyagoo markaas kaddib gaariga watay.

"Dhammaan falalka ka dhacaya gobolka waxaa geysanaya kooxo hubeysan oo ka tirsan Al-shabaab, dadka deegaanku aad ayay u baqayaan waayo khatar ayay ugu jiraan wax walba, mana jirto cid ilaalinaysa ammaankooda," ayuu saxaafadda u sheegay darawalkii gaariga laga dagsaday oo argagaxsan.

Sidoo kale, kooxo hubeysan ayaa isla habeenkii Jimcaha ku dilay xerada Dhagaxley oo ka mid ah xeryaha Dhadhaab ku yaalla dukaanle Soomaali ah, kaddib markii lagu weeraray dukaankiisa.

"Ganacsadaha waxaa toogtay shan ruux oo qoryo fudud ku hubeysan xilli habeen ah, wayna baxsadeen, ma garanayno cid ay ahaayeen, maydkana dadka xerada ku nool ayaa qaaday," ayuu yiri guddoomiyah xerada Dhagaxley, C/fitaax Ismaaciil.

Dilkan ayaa wuxuu imaanayaa iyadoo hay'adaha samafalka ee caalamiga ah ay ka dayriyeen xaaladda ammaan ee xeryaha qoxootiga Dhadhaab ee dalka Kenya oo ah xeryaha ugu weyn dunida, waxaana ku nool in ku dhow nus malyuun qof oo qoxooti Soomaaliyeed ah.

Maxamed Xaaji Xuseen, Hiiraan Online
[email protected]
Muqdisho, Soomaaliya









Click here
6/24/2012 5:13 PM EST
Axad, June 24, 2012 (HOL) - Malaayin masaari ah ayaa isugu soo baxay guud ahaanba magaalooyinka kala duwan ee waddanka Masar iyagoo u dabaal dagaya guusha u soo hooyatay Maxamed Mursi oo noqday madaxweynihii ugu horreeyay ee si dimuqraadi ah loo soo doorto.

6/24/2012 3:47 PM EST
Axad, June 24, 2012(HOL): Kooxda Jaaliyadda Isboortiga Soomaalida Vienna ee waddanka Austria waxa ay ka qeyb gashay tartan Isboorti oo sanadla ah oo loo qabto Jaaliyadaha Adduunka ee ku nool wadanka Austria gaar ahaan caasimada Vienna.

6/24/2012 8:29 AM EST
Axad, Juun,24, 2012 (HOL)- Madaxweynaha Somaliland, ayaa baaq gurmad ah ujeediyey hay’adaha caalamiga, kuwa Qaramadda midoobay iyo kuwa Wadaniga ah inay si degdeg ah ugu gurmadaan abaar adag oo ka jirta qaar ka mid ah goboladda Somaliland ah, kuwaas oo uu sheegay inay labaatan kun oo qof saamayn ku yeelatay.

6/24/2012 8:28 AM EST
Axad, June 24, 2012 (HOL)- Dahabshiil Group, ayaa Mashaariic Khayriya Oo Iskugu Jira Deeqo Lacaga Iyo Dhisida Dhismayaal Ka Hirgaliyay Magaalada Boorama ee gobolka Awdal.

6/24/2012 8:22 AM EST
Axad, June 24, 2012 (HOL) — Hay'adda Norwegian Refugee Council (NRC) ayaa ugu baaqday dunida inay kordhiyaan gargaarka ay siiyaan carruurta Soomaaliyeed ee ka cararaya abaaraha iyo colaadaha ka jira Soomaaliya.

6/24/2012 8:05 AM EST
Axad, June 24, 2012 (HOL) — Hay'adda midowga dhalinyarada Soomaaliyed ee UYS ayaa maanta siminaar looga hadlayay sida qoysaska loogu saleyn dhaqanka suuban iyo caqiidada ugu qabatay Muqdisho odayaasha dhaqanka.

6/24/2012 6:52 AM EST
Axad, June 24, 2012 (HOL) — Madaxweynaha Soomaaliya, Sheekh Shariif Sheekh Axmed oo sheegay inuu yahay murashax u taagan xilka madaxnimo ee Soomaaliya ayaa soo dhaweeyay murashaxiinta fara badan ee isku soo taagaya ka qaybgalka doorashooyinka madaxweynenimo ee Soomaaliya.

6/24/2012 4:16 AM EST
Axad, June 24, 2012 (HOL) — Iyadoo mar kale deegaanno ka tirsan gobollada Galguduud iyo Mudug ay ka soo if baxeen dilal u dhaxeeya beelo halkaa wada dega oo marka danbana keeni kara dagaallo ka dhax qarxa labada beelood, ayaa waxaa arintaa u is taagay sidii looga hortagi lahaa guddi bilihii ugu danbeeyayba ku howlanaa sidii nabad looga dhalin lahaa deegaannada ay colaaduhu ka jiraan.

6/24/2012 4:04 AM EST
Axad, June 24, 2012 (HOL) — Xidhihbaan C/raxmaan C/shakuur Warsame ayaa isku soo taagay xilka madaxnimo ee Soomaaliya, isagoo kaga dhawaaqay inuu murashax yahay xaflad Sabtidii shalay ka dhacday Muqdisho.

6/24/2012 3:17 AM EST
Axad, June 24, 2012 (HOL) — Kooxo hubeysan ayaa xalay ku toogtay goob lagu fiirsanayay ciyaar ka tirsan horyaalka kubadda cagta ee Yurub oo u dhexeysay Faransiiska iyo Spain xeer ilaaliyihii maxkamadda gobolka Sool ee Somaliland, Axmed Maxamed Xaaji Cali.