8/19/2019
Today from Hiiraan Online:  _
Wararka Maanta- Isniin, July 9 , 2012
Maamulka Gobolka Hiiraan oo u Mahad-celiyay Qaar ka mid ah hay’adaha Samafalka ee ka howlgala Gobolka


Isniin, July 09, 2012 (HOL) — Guddoomiye ku-xigeenka arrimaha bulshada maamulka gobollka Hiiraan Max’ed Macalin Yuusuf ‘’Garabey’’ oo warbaahinta kula hadllay magaalada Baladweyne ayaa uga mahad celiyay hay’addaha ICRC iyo Save The Childaren gargaarka ay siinayaan dadka ku dhibaateysan magaalada Baladweyne iyo deegaannada hoos taga.

"Hay’adda ICRC waxaa ay maalmihii aynu soo dhaafnayba si is daba joog ah u waday howlo lagu gargaarayo dadka dadka dhibaateysan ee  ku jira xeryaha barakacayaasha iyo kuwa ku dhaqan deegaannada hoos yimaada degmada Baladweyne,’’ ayuu yiri guddoomiye ku-xigeenka arrimaha bulshada gobollka.

Waxaa uu sheegay in dadkaasi u qeybisay hay’adda ICRC cuno tayo leh oo wax weyn ka tari kara baahiyaha la soo darsay, iyadoo dhinaca nabad-galyadana ay gacan ka siinayaan sida uu hadalka u dhigay ciidamada mamaulka gobollka Hiiraan.

Sidoo kale waxaa uu sheegay hay’adda Save The Childaren in ay magaalada ka wado barnaamij lagu kaalmeynayo dadka liita, iyadoo lacago siisa bil kasta qoysas ka badan 10,000, kuwaasoo toos ah lacagaha u qaata iyadoo aan gacan kale loo sii marin.

Waxaa uu shirkaasi Jaraa’id ku sheegay guddoomiye ku-xigeenka gobollka Hiiraan in ay magaalada ku soo jabeen dad kala yimid degmooyinka gobollka Hiiraan ee wali ku harsan gacanta xoogagga Al-shabaab, kuwaasoo doonaya ayuu yiri in ay ka faa’ideystaan kaalamada ay bixinayaan labada hay’addood.

"Waxaa maalin kasta magaalada soo galaya dad ka yimid degmooyinka Buula-burte iyo Jalalaqsi, kuwaasoo aad u liita, waxaana ay u baahan yihiin in ay helaan gargaar, sidaa daraadeed waxaa ugu baaqeynaa hay’addaha kale in ay kaalintooda qaataan ayuu yiri,’’ Max’ed Macalin Yuusuf.

Labada hay’addood ee shirka Jaraa’id lagu soo qaaday ayaa bilihii ugu danbeeyayba ka waday gobollka howlo lagu gargaarayo dadka dhibaateysan, walow haddana wali ay jirto cabashada dadka barakacayaasha ah u jeedinayaan hay’addaha samafalka.

Ugu danbeytii shirka Jaraa’id ayaae lagu soo qaaday wararka sheegaya in uu jiro khilaaf soo kala dhaxgalay mas’uuliyiinta maamulka gobollka, kaasoo lagu tilmaamay in uu yahay war aan sal laheyn, islamarkaana shaqsiyaadka ka hadllaya khilaafka yihiin kuwo ka soo bixi waayay waajibaadkii shaqo ee loo idmaday.

C/raxmaan Diini, Hiiraan Online
[email protected]
Baladweyne. Soomaaliya









Click here
7/9/2012 5:19 PM EST
Isniin, July 09, 2012 (HOL) Kooxda kubadda cagta ee SOMALI UNITED ayaa markii sedexaad ku guuleysatay koobkii SOMALI WEEK oo sannad kasta lagu qabto magaalada Toronto ee dalka kanada ka dib markii ay 2 iyo 1 kaga guuleystay kooxda HILAAC.

7/9/2012 3:32 PM EST
Isniin, July 09, 2012(HOL): Madaxweynaha Puntland Dr. Cabdiraxamaan Maxamed Maxamuud Faroole, ayaa maanta hortegey golaha baarlamaanka oo kalfadhigoodii 28aad uu magaalada Garoowe uga socdo. Madaxweynaha oo mudo labo bilood kudhow dalka dibadiisa safaro shaqo ugu maqnaa, wuxuu golaha uga warbixiyey waxyaabihii safaradaas uga soo qabsoomay iyo weliba halka uu marayo geedi socodka nabadda ee dalka.

7/9/2012 11:27 AM EST
General Cusmaan Faalko ayaa magaalada London kaga dhawaaqay in uu musharax u yahay tartanka doorashada madaxweyninimada dalka Soomaaliya

7/9/2012 9:11 AM EST
Isniin, July 09, 2012 (HOL) — Ciidammo Itoobiyaan ah oo wata gaadiid dagaal oo fara badan ayaa la sheegay inay maanta u dhaqaaqeen dhinaca degmada Buur-dhuubo ee gobolka Gedo, halkaasoo ay ka taliso Xarakada Al-shabaab.

7/9/2012 9:03 AM EST
Isniin, July 09, 2012 (HOL) — Ra'iisul waasaraha dowladda KMG Soomaaliya, C/weli Maxamed Cali oo maanta dib ugu soo laabtay dalka ayaa sheegay in shirkii kooxda ICG ee lagu qabtay dalka Talyaaniga looga hadlay sidii lagu taageeri lahaa DKMG ah gargaarka bani'aadamnimana loo gaarsiin lahaa goobaha laga saaray Al-shabaab.

7/9/2012 8:36 AM EST
Isniin, July 09, 2012 (HOL) — Jaamacadda Camuud ayaa sheegtay inay sanad Jaamacadeedkan bilaabi doonto waxbarashadda sare ee Master Degree iyo PHD, iyadoo soo bandhigtay qorshe cusub oo lagu horumarinayo jaamacadda.

7/9/2012 8:30 AM EST
Isniin, July 09, 2012 (HOL) — Wareegto kasoo baxday xafiiska madaxweynaha DKMG ah ee Soomaaliya, Sheekh Shariif Sheekh Axmed ayaa loogu magacaabay guddoomiyaha bankiga horumarinta ganacsiga Soomaaliya, Prof. C/llaahi Axmed Afrax.

7/9/2012 8:11 AM EST
Isniin, July 09, 2012 (HOL) — Dood-cilmiyeed looga hadlayay sida lagu xoojin karo ammaanka degmada Afgooye ayaa lagu qabtay degmadaas, gaar ahaan beerta Sheekh Zayed, kaasoo ay soo qabanqaabisay hay'adda CCD ayna ka qayb-galeen madax ka tirsan DKMG Soomaaliya, maamullada gobollada Banaadir iyo Shabeellada hoose, waxgaradka, culummo iyo shacabka degmada Afgooye.

7/9/2012 7:50 AM EST
Isniin, July 09, 2012 (HOL) — Xisbiga Hiil-Qaran oo ka mid ah asxaabta siyaasadeed ee ka jirta Soomaaliya ayaa maanta ku dhawaaqay in Prof. Axmed Ismaaciil Samatar oo ka mid ah mas'uuliyiinta xisbigaas uu yahay murashaxa uga qayb-galaya doorashada madaxnimo ee Soomaaliya oo dhacaysa bisha Ogoosto ee sannadkan.

7/9/2012 1:30 AM EST
Isniin, July 09, 2012 (HOL) — Xarakada Al-shabaab ayaa sheegay in lawado qorshe la doonayo in dastuurka cusub uu noqdo mid u siman diimaha masiixiga iyo Islaamka iyagoo shacabka Soomaaliyeed ugu baaqay inay ka hortagaan qorshahaas.