3/28/2024
Today from Hiiraan Online:  _
Wararka Maanta- Axad, July 29, 2012
Guddoomiyaha Gobolka Hiiraan oo Maanta kula kulmay Degmada Matabaan Odayaal iyo Waxgarad kasoo Jeeda Degmadaas
Axad, July 29, 2012 (HOL) — Guddoomiyaha maamulka gobolka Hiiraan, Cabdifitaax Xasan Afrax iyo xubno ka tirsan maamulka ayaa maanta gaaray degmada Matabaan ee gobolka Hiiraan.

Guddoomiyaha oo wehliynayeen cutubyo ka mid ah ciidamada maamulka gobollka Hiiraan oo kaabiyaan ciidamada Itoobiya ayaa waxaa socdaalkiisa ku wehliyay guddoomiyaha cusub ee degmada Matabaan Max'ed Warsame Xirsi.

Afhayeenka maamulka gobollka Hiiraan Max’ed Nuur Caga-joof oo la hadllay HOL isaga oo ku sugan degmada Matabaan waxaa uu sheegay in siweyn loogu soo dhaweeyay degmada mas’uuliyiinta uu horkacayay guddoomiyaha gobollka Hiiraan.

"Runtii shacabka oo ay wehliyaan odayaasha iyo waxgaradka degmada aad ayeey u soo dhaweyeen mas’uuliyiinta maamulka gobollka iyo guddoomiyaha cusub ee degmada Matabaan, waxaana ay balan-qaadeen in ay la shaqeyn doonaa dowladda KMG,’’ ayuu yiri Maxamed Nuur Caga-joof.

Waxaa uu intaa ku darray in odayaasha degmada Matabaan iyo guddoomiyaha gobollka Hiiraan C/fitaax Xassan Afrax ka wada hadlleen arrimaha nabad-galyada, gaar ahaan iskaashi laga sameeyo sidii gobollka intiisa kale dib loogu soo celin lahaa gacanta maamulka dowladda KMG.

"Odayaasha degmada iyo waxgaradka intaba waxaa ay balan qaadeen in ay kaalintooda ka qaadan doonaan sidii qeybaha dhiman ee gobollka looga saari lahaa Al-shabaab,’’ ayuu yiri afhayeenka gobolka Hiiraan.

Guddoomiyaha degmada Matabaan Max’ed Warsame Xirsi oo la hadllay HOL ayaa sheegay isaga oo jooga gudaha degmada in uu si nabad ah ku tagay halkaa, wixii hadda ka danbeeyna uu ka shaqeyn doono howlaha loo soo xilsaaray.

Mar ay HOL wax ka weydiisay wararka sheegaya in iska horimaad uu ka dhacay gudaha degmada, waxaa uu sheegay in wax dagaal ah uusan dhicin, laakiin ay maqlayeen rasaas meelaha qaar  ay ka ridayeen koox doonayay in ay wax arbushaan, kuwaasoo sida uu hadalka u dhigay markiiba ay ka hortageen dadka degmada.

"Maamulku si nabad ah ayuu ku tagay degmada Matabaan, sidaa daraadeed wax dhibaato ah oo ka dhacay gudaha degmada ma’jirto,’’ ayuu yiri Maxamed Warsame.

Mas’uuliyiinta maamulka gobollka ayaa sheegay in guud ahaan gobollka lagu balaarin doono maamulka dowladda KMG, islamarkaana sida ugu dhaqsiyaha badan u gaari doonan sida ay hadalka u dhigeen degmooyinka wali ku harsan gacanta xoogagga Al-shabaab.

C/raxmaan Diini, Hiiraan Online
[email protected]
Baladweyne, Soomaaliya












Click here
7/29/2012 3:39 PM EST
Axad, July 29, 2012 (HOL) - Dab baabi'iyay gabi ahaanba suuqii ugu waynaa ee xeryaha qaxootiga ee Dhadhaab ayaa galabta maqribkii halkaas ka bilowday.

7/29/2012 8:31 AM EST
Axad, July 29, 2012 (HOL) — Kooxo hubeysan ayaa maanta lidka diyaaradaha iyo madaafiic ku weeraray garoonka diyaaradaha ee Gaalkacyo oo ku yaalla dhinaca waqooyi-bari oo ay ka taliso maamulka Puntland, inkastoo aan la sheegin khasaare ay rasaastaasi geysatay.

7/29/2012 7:50 AM EST
Axad, July 29, 2012 (HOL) — Ra'iisul wasaaraha DKMG Soomaaliya C/weli Maxamed Cali ayaa maanta kulan kula yeeshay Muqdisho ra'iisul wasaare ku xigeenka dalka Ireland ahna wasiirka arrimaha dibadda iyo ganacsiga ee dalka Irland iyo wafdi uu hoggaaminayo oo booqasho ku yimid Muqdisho.

7/29/2012 7:24 AM EST
Axad, July 29, 2012 (HOL) — Warsaxafadeed ay hay'adda culummada Soomaaliyeed kasoo saartay Muqdisho maanta oo Axad ah ayay ku sheegtay in dastuurka ay ku jiraan qodobbo ka horimaanaya diinta Islaamka, iyadoo codsatay in lagu asmeeyo isbedel ka hor inta aan la ansixin.

7/29/2012 7:06 AM EST
Axad, July 29, 2012 (HOL) — Dagaal aad u xooggan ayaa xalay ka dhacay degmada Afmadow ee gobolka Jubada Hoose, iyadoona dagaalkaasi uu u dhexeeyay ciidamada dowladda KMG oo garab ka helaya kuwa Kenya iyo Xarakada Al-shabaab.

7/29/2012 3:40 AM EST
Axad, July 29, 2012 (HOL) — Hay'adda caafimaadka adduunka ee WHO ayaa salay oo Sabti ahayd sheegtay in cudurka halista ah ee Ebola uu k dillaacay dalka Uganda, uuna dilay 14-qof, tiro kale oo dad ahna ay isbitaallada u jiifaan.

7/29/2012 3:21 AM EST
Axad, July 29, 2012 (HOL) — Afhayeenka howgallada ee Xarakada Al-shabaab, Sheekh C/casiis Abu-Muscab ayaa sheegay inay ciidamadooda sida gaarka ah u tababaran toogasho ku dileen laba ka tirsan ciidamada AMISOM oo ku sugnaa garoonka diyaaradaha ee degmada Dayniile.

7/29/2012 2:59 AM EST
Axad, July 29, 2012 (HOL) — Ugu yaraan 10-qof oo dhinacyadii dagaalamay ka tirsan ayaa ku dhintay dagaal culus oo xalay duleedka deegaanka Yurkud ee gobolka Gedo ku dhexmaray ciidamada DKMG ah, kuwa Itoobiya iyo xoogagga Al-shabaab.