3/28/2024
Today from Hiiraan Online:  _
Wararka Maanta- Jimco, Aug 17, 2012
Xarrakada Al-shabaab oo la wareegtay gadiid siday raashin gargaar ah oo loo waday deegaanno ka tirsan Gobolka Hiiraan
Jimco, Ogoosto 17, 2012 (HOL) — Warar soo baxaya ayaa sheegaya in xoogag Xarrakada Al-shabaab ee gacanta  ku haya maamulka degmada Buula-burte ee gobollka Hiiraan la wareegeen gadiid siday raashin gargaar ah oo loogu talagalay dadka ku dhibateysan qeybo ka mid ah gobollka Hiiraan.

Gadiidka ay qafaasheen Xarrakada Al-shabaab oo u rarnaa NGO lagu magacaabo RDB ayaa ku sii jeeday deegaanno hoos taga degmada Maxaas ee gobollka Hiiraan oo ay ku nool yihiin dadkii ku xoolo beelay abaartii ugu danbeysay ee  ku dhuftay qeybo badan oo ka mid ah dalka Soomaaliya.

"Sagaal gaari ayeey ahaayeen gadiidka lala wareegay, waxaa ay Xarrakada Al-shabaab qafaasheen iyaga oo aan gaarin deegaannadii ay ku sii jeedeen," ayuu yiri qof ku sugan degmada Buula-burte.

Sidoo kale gacanta Al-shabaab ayaa waxaa ku jira tiro dad ah oo la sheegay in ay isugu jiraan shaqaalihii la socday gadiidka, sawir qaadayaal, iyo dad kale oo la ku sii jeedeen deegaannada uu raashinku u rarnaa.

Dhamaan gadiidka iyo dadkii la socday ayaa lagu waramayaa in la geeyay degmada Buula-burte ee gobollka Hiiraan, ilaa iyo haddana ma jiro wax war ah oo ka soo baxay dhinaca Al-shabaab oo la xiriira sababta keentay inay la wareegaan raashinka, iyadoo sidoo kalana aan la ogeyn wax ay ka yeeli doonaan dadka ay gacanta ku hayeen ee la socday gadiidka siday raashinka gargaarka ah.

Al-shabaab ayaa horay uga mamnuucday deegaannada ay ka gacanta ku hayaan ee dalka Soomaaliya in la geeyo gargaarka ay bixiyaan hay’addaha samafalka.

C/raxmaan Diini, Hiiraan Online
[email protected]
Baladweyne, Soomaaliya












Click here
8/17/2012 8:26 PM EST
Sabti, August 18, 2012(HOL): Xaflad si heer sare ah loo agaasimay oo lagu taageerayay musharraxa Dr. Cabdiraxmaan Macallin Cabdullaahi (Baadiyow) oo ay ka soo qeybgaleen dhammaan qeybaha kala duwan ee bulshada, aqoonyahanno, haween, siyaasiyiin, odayaal, culimo, dhallinyaro iyo ururrada bulshada rayidka oo ka kala yimid magaalooyin kala duwan ee dalka Sweden ayaa waxay dhacday Caasimadda dalka Sweden ee Stockholm.

8/17/2012 3:01 PM EST
Jimo, Agoosto 17, 2012 (2012)Guddiga Farsamada ee xulista Baarlamaanka Federaalka Soomaaliya ayaa maanta soo gudbiyey 202 xildhibaan, waxaana dhiman 73 xubnood oo laga sugayo in ay odayaal dhaqameedka u soo gudbiyaan guddiga farsamada. Beeshad Shanaad - 23 Digil iyo Mirifle - 49 Darood - 40 Hawiye - 37

8/17/2012 10:37 AM EST
Jimco, Ogoosto 17, 2012 (HOL) — Madaxweynaha dowladda KMG ah ee Soomaaliya Shariif Sheekh Axmed ayaa maanta ka hadlay shaqada guddiga farsamada iyo xulitaanka xildhibaannada baarlamaanka iyo weliba dhammeystirka marxaladda KMG ah, kaddib kulan uu la qaatay ergayga qaarka ah ee xoghayaha guud ee Qaramada Midoobay u qaabilsan arrimaha dalka Soomaaliya dajire Augustine Mahiga.

8/17/2012 10:06 AM EST
Jimco, Ogoosto 17, 2012 (HOL) — Dhallinyaro ka kala yimid dalalka UK iyo Canada oo maalmahan fasax ku joogay Soomaaliya ayaa hay’adda iskuxirka iyo horumarinta dhallinyarada Soomaliyeed ee SOYDEN fursad u siisay inay dhalinyaradaas ku boodaan xarunta lagu tababaro.

8/17/2012 9:50 AM EST
Jimco, Ogoosto 17, 2012 (HOL) — Xildhibaan Maxamed Ibraahim Xaabsade oo ka mid ahaa magacyada xubno dhawaan ay guddiga xulista xidlhibaannadu dib u soo celiyeen ayaa iska fogeeyay inuu ka mid yahay hoggaamiye kooxeedyada Soomaaliya.

8/17/2012 9:50 AM EST
Jimco, Ogoosto 17, 2012 (HOL) — Hay’adda Qalam oo ka mid ah hay'adaha dhinaca samafalka ka shaqeeya ayaa waxay maanta oo Jimco gaarsiisay boqolaal qoys oo ku nool gudaha iyo daafaha magaalada Baydhabo ee gobolka Bay raashin sakaatul Fidri ah.

8/17/2012 9:22 AM EST
Jimco, Ogoosto 17, 2012 (HOL) — Taliyaha ciidanka booliiska Soomaaliya, Jen. Shariif Sheekhunaa Maye ayaa la sheegay inuu bixiyay amar lagu soo xiray gacan-yaraha ugaaska Beesha Tunni oo ka mid ah beelaha Soomaaliyeed, kaasoo horay logoa saaray shirka odyaasha dhaqanku ay ku leeyihiin Muqdisho.

8/17/2012 8:26 AM EST
Jimco, Ogoosto 17, 2012 (HOL) — In ka badan 10-hay'adood oo ka mid ah kuwa samafalka Turkiga ayaa uga baxay Muqdisho sababo la xiriira xilliga kala guurka ah ee lagu jiro, balse waxaa weli ku sugan Muqdisho afar hay'adood oo ka shaqeynaya dib u dhiska iskuullada, xarumaha dowladda iyo caafimaadka.

8/17/2012 8:23 AM EST
Jimco, Ogoosto 17, 2012 (HOL) — Ciidamada booliiska AMISOM iyo kuwa DKMG ah ee Soomaaliya ayaa maanta dhoolatus ku sameeyay waddooyinka Muqdisho qaar ka mid ah, iyadoo ay noqonayso markii ugu horreysay oo booliiska AMISOM ay maraan waddooyinkaas.

8/17/2012 6:59 AM EST
Jimco, Ogoosto 17, 2012 (HOL) — Hay'adda caalamiga ah ee laan-qayrta cas (ICRC) ayaa warsaxaafadeed ay soo saartay ku sheegtay inay 420,000 qof oo ku nool Muqdisho ay u qaybisay gargaar bani'aadamnimo.

8/17/2012 4:48 AM EST
Jimco, Ogoosto 17, 2012 (HOL) — Ururka Midowga Afrika ayaa sheegtay in ciidamadooda ku sugan Soomaaliya aysan wax faragelin ah ku sameyn doorashada madaxnimo ee Soomaaliyaaa, taasoo lagu wado inay dhacdo maalinta Isniinta ah ee soo socota, inkastoo wararka qaarkood ay sheegayaan inay dib u dhici karto.

8/17/2012 4:46 AM EST
Jimco, Ogoosto 17, 2012 (HOL) — Saraakiil u hadashay xoogagga Al-shabaab iyo Kenya ayaa guulo ka kala sheegtay dagaal culus oo shalay ka dhacay deegaanka Faafaxdhuun ee gobolka Gedo.