3/28/2024
Today from Hiiraan Online:  _
Wararka Maanta- Sabti, Aug 11, 2012
Golaha Guurtidda oo fadhi aan caadi ahayn ku ansixiyey wax ka bedelka xeerka doorashooyinka Somaliland
Sabti, Ogoosto 11, 2012 (HOL) — Golaha Guurtidda oo fadhi aan caadi ahayn iskugu yimid ayaa maanta cod aqlabiyad ah ku meel mariyey wax ka bedelkii iyo kaabistii lagu sameeyey xeerka doorashooyinka Somaliland.

Fadhigan maanta oo uu shirgudoominayey gudoomiyaha golahaasi Md: Saleebaan Maxamuud Aadan ayaa golaha u sheegay in xeerkii ay hore u ansixiyeen ee madaxweynuhu saxeexay ay Komishanka doorashooyinku dalbadeen in wax laga bedelo, maadaama oo qaabkan ay doorashadu ku qabsoomi karin, sidaa darteed loo baahan yahay in wax ka bedelkan lagu sameeyey xeerka la ansixiyo.

Haseyeeshee, golaha Guurtidda ayaa qaarkood diideen inay ansixiyaan, iyagoo sheegay in xeer dejinta ay shaqadooddii tahay samaynta xeerarka, isla markana qaabka ay doonayaan guddidu doorashooyinku aanay shacabka anfaceen, sidaa darteed wax ka bedelka lagu sameeyey xeerkan aanay ogolayn.

Si kastaba ha ahaatee, Ansixintan xeerkan ayaa waxa ka dhashay muran iyo buuq muddo socday ka dibna waxa gudoomiyuhu ka codsaday golaha in mar kale aan la isku soo noqon Karin, maadaama  oo bil Ramadan lagu jiro, sidaa darteed cod loo qaado oo duuduub lagu ansixiyo, balse qaar mudanayaasha ka mid ayaa dalbaday in qodob qodob loo codeeyo, taasna gudoomiyihii ma yeelan waxaanu sheegay in goluhu gole guurti yahay  oo muran iyo buuq aan loo baahnayn,isla markaana xeerkan oo goluhu hore u diiday uu socon waayey oo uu mar labaad ku soo noqday, sidaa darteed wax ka bedelka lagu sameeyey ku ansixiyaan si doorashaddu u fududaato.

Ugu damabyntii gudoomiye Saleebaan ayaa cod u qaaday waxaana golaha joogay 58 mudane, waxaana 50 mudane ansixiyeen wax ka bedelkii xeerka lagu sameeyey, halka lix mudane diideen, hal mudanana ka aamusay, gudoomiyuhuna aanu codeyn.

Haseyeeshee, markii golaha laga soo baxay Xildhibaan  Dheeg Maxamed Yaasiin oo warbaahinta la hadlayey ayaa sheegay in ansixinta xeerkan uu yahay mid sharci daro ah, isla markaana guddidda doorashooyinku tiraddaba shan jeer wax ka bedel loogu sameeyey sharciga, waxaanu sheegay in wax ka bedelka xeerkaasi lagu sameeyey yahay mid sharci jabin ah oo wixii ka yimaadana ay masuuliyadeedda yeelan doonaan golaha Guurtiddu.

Xeerkan ayaa u gudbi doonna madaxweynaha marka uu madaxweynuhu saxeexana uu sidaas dhaqan gal ku noqon doona, waxaana ansixinta maanta ee golaha guurtidda ilgaar ah ku hayey guddida doorashooyinka iyo xisbiyadda tartamaya, maadama oo markii horaba wax ka bedelka xeerkan uu golaha guurtiddu diiday, iyagoo si weyn uga cabsi qabay in mar kale goluhu ka hor yimaado xeerkan.

Barkhad-Ladiif  M. Cumar, Hiiraan Online
[email protected]
Hargeysa, Somaliland











Click here
8/11/2012 7:35 PM EST
Sabti, Agoosto 11, 2012 (HOL) -Diyaarado aan la garaneyn cid iska leh ayaa Caawa salaadii maqrib kadib duqeymo xooggan ku bilaabay magaalada Kismaayo, iyadoona gantaallada ay tuurayaan diyaaradahaasi ay ku dhaceen xaafado katirsan magaalada Kismaayo.

8/11/2012 1:23 PM EST
Wasaarada waxbarashada Soomaaliya ayaa soo maanta soo bandhigtay makiinad casri ah oo loogu talagalay soo saarista shahaadooyinka asalka ah, si looga hortago shahaadooyinka faalsada ah ee aysan waxba ka ogayn dawlada Soomaaliya.

8/11/2012 9:06 AM EST
Sabti, Ogoosto 11, 2012 (HOL) — Wararka aynu ka heleyno magaalada Dhoobleey ee gobolka Jubada Hoose ayaa sheegaya in gudaha deegaankaasi ay israsaaseyn xooggan ku dhexmartay askar kawada tirsan ciidamada dowladda KMG ee gobolka Jubbada Hoose.

8/11/2012 8:57 AM EST
Sabti, Ogoosto 11, 2012 (HOL) — Guddiga xulista baarlamaanka cusub ee Soomaaliya ayaa sheegay maanta inay meel garbo-gabo ah u marayso liiska xildhibaannada baarlamaanka soo soo socda ee Soomaaliya, iyagoo sheegay inay xubnahan ku jiraan kuwo aan buuxin shuruudihii laga doonayay ayna dib ugu celin doonaan oday dhaqameedyadii soo xulay.

8/11/2012 8:43 AM EST
Sabti, Ogoosto 11, 2012 (HOL) — Ururka Midowga Afrika, Qaramada Midoobay iyo urur goboleedka IGAD ayaa warbixin ay si wadajir ah u soo saareen ayaa waxay ugu digeen siyaasiyiinta Soomaalida doonaya in lasoo xulo xubno iyaga taageersan.

8/11/2012 8:42 AM EST
Sabti, Ogoosto 11, 2012 (HOL) — Xukuumadda Somaliland iyo weftiga uu hogaaminayo gudoomiyaha SSC Saleebaan Ciise Xaglo Toosiye ayaa isku afgartay qodobo la sheegay in lagu nabadaynayo deegaanka Buuhoodle ee baryihii u dambeeyey colaaddu ka taagnayd.

8/11/2012 8:39 AM EST
Sabti, Ogoosto 11, 2012 (HOL) — Murashax ka mid ah kuwa u taagan doorashada madaxnimo ee Soomaaliya oo maanta shir jaraa'id ku qabtay magaalada Muqdisho ayaa ku hanjabay inay qaban doonaan dibadbaxyo ay uga horjeedaan qorshha ay madaxda dowaldda KMG ah ku doonayaan inay ku hagaan doorashooyinka.

8/11/2012 7:46 AM EST
Sabti, Ogoosto 11, 2012 (HOL) — Madaxweynaha Soomaaliya, Shariif Sheekh Axmed ayaa billad abaalmarin ah guddoonsiiyay madaxa haya'dda safamlka ah ee Kisme Yok Mu oo ka mid ah hay'adaha Turkiga ee ka howglala Muqdisho.

8/11/2012 7:20 AM EST
Sabti, Ogoosto 11, 2012 (HOL) — Ururka Midowga Yurub ayaa sheegay inay walaac xooggan ka qabaan habka lagu soo xulayo xildhibaannada cusub ee baarlamaanka Soomaaliya, iyagoo ka digay in la musuq-masuqo qaabka xulista xildhibaannada.

8/11/2012 6:53 AM EST
Sabti, Ogoosto 11, 2012 (HOL) — Labaatan qoys oo ah agoomaha ku dhaqan xaafadda Daami ee magaaladda Hargeysa ayaa loo qaybiyey laba kun ($2000) oo doollarka Maraykank ah si caruurtaasi looga farxiyo maalinta Iidda, isla markaana ay ula iidi lahaayeen dadweynaha islaamka.

8/11/2012 3:41 AM EST
Sabti, Ogoosto 11, 2012 (HOL) — Ugu yaraan shan ruux oo ka mid ah dhinacyadii dagaalamay ayaa ku dhintay dagaal muddo kooban socday oo ciidamada DKMG ah iyo kuwa Al-shabaab ku dhexmaray xalay deegaanka Ceelasha biyaha ee duleedka Muqdisho.

8/11/2012 3:36 AM EST
Sabti, Ogoosto 11, 2012 (HOL) — Iyadoo ay fooda nagu soo heyso ciidda barakeysan ee Ciidul Fidirga ayaa Diyaargarow aad u weyn oo ku aadan munaasabadaasi laga dareemayaa magaalada Kismaayo ee xarunta gobolka Jubada Hoose.