2014-09-22
Today from Hiiraan Online:  _
Wararka Maanta- Arbaco, Jan 16, 2013
Madaxweynaha Soomaaliya oo Magaalada Washington kula kulmay Xubno ka tirsan Congress-ka dalka Mareykanka (Sawiro)


Arbaco, Jannaayo 16, 2013 (HOL) — Madaxweynaha Soomaaliya, Xasan Sheekh Maxamuud iyo wafdi uu hoggaaminayo oo booqasho ku jooga dalka Mareykanka ayaa la kulmay 20 xubnood oo ka tirsan Congress-ka dalka Mareykanka oo uu ku jiray mudane keliya ee muslimka ah ee laga soo doorto gobolka Minnesota ee dalka Mareykanka, Keith Ellison.

Madaxweyne Xasan Sheekh ayaa uga warbixiyay mudanayasahan xaaladda dalka Soomaaliya iyo horumarka dhinaca nabadda ah ee lagu tallaabsaday, isagoo muujiyay sida uu u doonayo in mudanayaashan uu ku casuumo dalka Soomaaliya.

Xubnahan Congress-ka ka tirsan ayaa waxay madaxweynaha Soomaaliya weydiiyeen su’aalo ay ka mid yihiin xiriirka kala dhexeeya dalalka dariska la ah Soomaaliya. Madaxweyne Xasan Sheekh ayaa ku jawaabay in dalalka dariska ah sida Itoobiya, Kenya iyo Jabuuti uu kala dhexeeyo xiriir wanaagsan.

Soomaalida nool magaalada Washington iyo hareeraheeda ayaa wafdiga madaxweynaha kusoo booqanaya hoteelka ay deggen yihiin, iyadoo xubno ka mid ah jaaliyadda oo ay HOL la kulantay ay sheegeen in madaxweynuhu uu yahay mas’uul deggen oo rajo wanaagsan geilyay.

Madaxweyne Xasan Sheekh ayaa lagu wadaa in maalinta Khamiista ah ee berri uu la kulmo xoghayaha arrimaha dibadda ee Mareykanka Hillery Clinton, iyadoo warar hoose oo aan la xaqiijin ay sheegayaan in laga yaabo inuu la kulmo isla berri madaxweynaha dalka Mareykanka Barack Obama.

Sidoo kale, madaxweynaha iyo wafdigiisa oo ay ka mid yihiin, wasiirka warfaafinta iyo wasiirka arrimaha dibadda aya maalinta Jimcaha ah ee soo socta tegi doona magaalada Minneapolis ee gobolka Minnesota halkaas oo ay kula kulmi doonaan Soomaali fara badan.

Madaxweynaha Soomaaliya iyo wafdigiisa ayaa lagu wadaa inay booqdo ku tagaan dalka Sucuudi Carabiya marka ay soo dhameystaan booqashada uu ku joogo dalka Mareykanka.



Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-01-16 1:18 PM EST
Arbaco, Jannaayo 16, 2013 (HOL) — Guddoomiyaha baarlamaanka Soomaaliya, Prof. Maxamed Sheekh Cismaan (Jawaari) ayaa sheegay in dowladda Soomaaliya ay soo dhaweynayso wadahadallo walba oo nabadeed, isagoo ugu baaqay dhammaan dhinacyada Soomaalida inay kusoo biiraan qorshaha nabadeed ee dalka.

2013-01-16 11:58 AM EST
Arbaco, Jannaayo 16, 2013 (HOL) — Ururrada bulshada rayidka Somalia ayaa munaasabad ay soo qabanqaabiyeen oo ay ka qaybgaleen waxgarad fara badan oo matalayay qaybaha bulshada Soomaaliyeed iyo qaar ka mid ah fanaaniinta ayaa lagu soo dhaweeyay dhallinyaro dhawaan ku dhawaaqay inay ka tanaasuleen falalka burcadbadeednimada.

2013-01-16 8:33 AM EST
Arbaco, Jannaayo 16, 2013 (HOL) —Ciidamada maamulka KMG ee degmada Kismaayo ayaa xalay toogasho ku dilay mid kamid ah dadka rayidka, waxaana ilaa imika la garanayn sababta ka danbeeysay dilkiisa.

2013-01-16 8:24 AM EST
Arbaco, Jannaayo 16, 2013 (HOL) —Taliyaha ciidamada Booliska Soomaaliyeed Shariif Sheekhunaa Maye ayaa shir jaraa’id oo uu maanta ku qabtay xafiiskiisa magaalada Muqdisho uga warbixiyay sababaha loo xiray wariye C/casiis Cabdinuur Ibraahim Koronto oo maalmihii ugu danbeeyay ay isa soo tareeysay cambaareynta ku aadan xarigiisa.

2013-01-16 8:18 AM EST
Arbaco, Jannaayo 16, 2013 (HOL) — Xarakada Al-Shabaab ayaa bayaan ay soo saartay ku sheegtay in go'aan kama dambeys ah ay ku gaareen in dil toogasho ah ay ku fulinayso sarkaalka Faransiiska ee Dennis Allex kaasoo gacanta ay ku hayeen saddexdii sano ee ugu dambeeyay.

2013-01-16 7:57 AM EST
Arbaco, Jannaayo 16, 2013 (HOL) — Ciidamada Midowga Afrika ee AMISOM ayaa sheegay inay baaritaanno ku sameyn doonaan dhacdo dad rayid ay ku dhinteen oo shalay ka dhacday deegaanka Leego ee gobolka Shabeellada Hoose.

2013-01-16 7:39 AM EST
Arbaco, Jannaayo 16, 2013 (HOL) — Maxkamadda ciidamada dowladda qalabka sida ee dowladda Soomaaliya ayaa maanta xukunno dil ah ku fulisay laba askari oo ka tirsanaa ciidamada dowladda Soomaaliya kuwaasoo ku kala eedeysnaa dil iyo kufsi.

2013-01-16 7:38 AM EST
Arbaco, Jannaayo 16, 2013 (HOL) — Xarunta hay'adda wadahadalka bulshada ee CCD ayaa maanta lagu soo gaba-gabeeyay kulan wadatashi ahaa oo looga hadlayay qorshe-howleedka hay'adda ee sannadka 2013, kaasoo laga soo saaray qodobbo la xiriira yoolka hay'adda ay hiigsaneyso sannadkan.

2013-01-16 7:14 AM EST
Arbaco, Jannaayo 16, 2013 (HOL) — Wareegto kasoo baxday xafiiska madaxweynaha Soomaaliya, Xasan Sheekh Maxamuud ayaa wuxuu guddoomiyaha bankiga dhexe ee Qaranka u magacaabay, C/salaan Cumar Hadliye.

2013-01-16 6:40 AM EST
Arbaco, Jannaayo 16, 2013 (HOL) — Madaxweynaha Puntland iyo wefdi uu horkacayo oo maanta ka dhoofay garoonka diyaaradaha magaalada Boosaaso ee xarunta gobolka Bari, ayaa u kicitimay dalka Jabuuti.

2013-01-16 6:39 AM EST
Arbaco, Jannaayo 16, 2013 (HOL) — Madaxweyne ku-xigeenka Puntland Gen. C/samed Cali Shire ayaa maanta si rasmi ah u dhagax dhigay dhisme cusub oo ay yeelan doonto wasaaradda duulista hawada iyo garoomada ee Puntland.

2013-01-16 2:39 AM EST
Arbaco, Jannaayo 16, 2013 (HOL) — Qaylo-dhaan aad u xooggan ayaa bilihii u danbeeyey kasoo yeereysey kaluumaysatada Puntland, gaar ahaan kuwa gobolka Bari, waxayna la xiriirtaa maraakiibta shisheeyaha ee sida aan sharciga ahayn uga kaluumaysta xeebaha Soomaaliya.