2014-09-01
Today from Hiiraan Online:  _
Wararka Maanta- Arbaco, Jan 16, 2013
Taliyaha Ciidamada Booliiska Soomaaliyeed oo ka warbixiyay xarigga Wariye Cabdicasiis Koronto oo Dowladda u xiran


Arbaco, Jannaayo 16, 2013 (HOL) —Taliyaha ciidamada Booliska Soomaaliyeed Shariif Sheekhunaa Maye ayaa shir jaraa’id oo uu maanta ku qabtay xafiiskiisa magaalada Muqdisho uga warbixiyay sababaha loo xiray wariye C/casiis Cabdinuur Ibraahim Koronto oo maalmihii ugu danbeeyay ay isa-soo-tareysay cambaareynta ku aaddan xariggiisa.

Taliyaha ayaa sheegay in wariyahani uu baahiyay warbixin aan xaqiiq ahayn taas oo ah kufsi ay ciidamo katirsan booliska Soomaaliyeed u geysteen haweeney kamid ah kuwa ku dhaqan kaamamka barakacayaasha ee ku yaal magaalada Muqdisho.A.Shariif_Sheekhuna.jpg

Taliyaha ayaa sheegay in baaritaanno dheer oo ay sameeyeen kadib ay ku ogaadeen in warkani uusan ahayn mid xaqiiqda ku saleysan islamarkaasina gabadha la sheegay in la kufsaday loo ballanqaaday lacag si ay u matasho in la kufsaday.

Haweeneydan  ayaa markii hore ciidamadii baarista waday u sheegtay in kufsiga loo geeystay uu ahaa mid xaqiiqo ah islamarkaasina ay kufsadeen ciidamo katirsan Booliska, waxayna sidoo kale sheegtay in ay u dacwootay horjoogaha kaamka Buurdhuuba oo ah halka ay sheegtay in ay ciidamadu ka kaxeysteen, islamarkaasina uu u sheegay in uusan waxba ka qaban karin, waxayna sheegtay in ay u tagtay gudoomiyaha degmada Hodan, isaguna uu u gudbiyay saldhigga booliska degmadaasi, halkaas oo ay sheegtay in looga qoray dacwad.

Haweeneydan oo imika xiran ayuu taliyuhu sheegay in ay qiratay danbigeeda islamarkaasina ay cadeysay waxyaalaha ku kalifay in ay sameyso war been abuur ah, wuxuuna yiri “Mar labaad luul waxay codsaday in ay u baahantahay in ay arinta wax laga weeydiiyay runta ka sheegto, waxayna cadeyn labaad ku bixisay in aan weligeed la kufsan, arintanna ay u samaysay sabab dhaqaale ayna ku dhiiri geliyeen gabadha lagu magacaabo Xaawo Pesano iyo weriye C/casiis,” ayuu taliyuhu warsaxaafadeedkiisa ku yiri.

Masuulkani ayaa sheegay in haweeneydani loo ballan qaaday in lasiin doono Kaar Aqoonsi oo ay raashiin iyo dhaqaale ku heli doonto hadii ay sheegto in ay tahay dhibane la kufsaday

“Wariyaha waxaa laga rabaa in warka uu gudbinayo uu ahaado mid xaqiiqo ku salaysan, taas oo aan ula jeedo in wariyaha qudhsiisa uu baare yahay, waxkasta oo uu tabinayana uu hubaasheeda hayo ama ay ahaadaan biyo kama dhibcaan,” ayaa lagu warsaxafaadeedka.

Taliyaha ayaa sidoo kale war saxaafadeedkiisa ku sheegay in arinta la xiriirta kufsiga loo geeystay haweeneydan oo uu taliyuhu ku tilmaamay in ay tahay mid been abuur ah ay  ku lug yeesheen dad badan oo imika xiran, kuwaasoo ay ka mid yihiin;  Luul Cali Cismaan, Xaawo Xasan Cali, C/risaaq, Wariye C/casiis iyo Muniira Max’ed Jeylaani oo u shaqeeysa hay’adda (SFCC), kuwaasoo uu taliyuhu sheegay in dhamaantood loo heysto in ay gacan ka geysteen sidii loo baahin lahaa warka ku saabsan kufsiga lagu eedeeyay ciidamada booliska ee loo geeystay haweeneyda.

Maalmihii u danbeeyay waxaa isa soo tarayay cambaareeyn kasoo yeereeysay ururrada saxafiyiinta Soomaaliyeed iyo kuwa caalamiga ah iyo hay’adaha xuuqul insaanka u dooda, taasoo ku aadanayn xarigga ciidamada booliska iyo kuwa nabadsugidda u geysteen wariye C/casiis Koronto, kaasoo ilaa imika xiran islamarkaasina aan maxkamad lasoo taagin.

 Xasan Nuur, Hiiraan Online
hnur@hiiraan.com
Muqdisho, Soomaaliya





Post your comments

2013-01-16 1:18 PM EST
Arbaco, Jannaayo 16, 2013 (HOL) — Guddoomiyaha baarlamaanka Soomaaliya, Prof. Maxamed Sheekh Cismaan (Jawaari) ayaa sheegay in dowladda Soomaaliya ay soo dhaweynayso wadahadallo walba oo nabadeed, isagoo ugu baaqay dhammaan dhinacyada Soomaalida inay kusoo biiraan qorshaha nabadeed ee dalka.

2013-01-16 11:58 AM EST
Arbaco, Jannaayo 16, 2013 (HOL) — Ururrada bulshada rayidka Somalia ayaa munaasabad ay soo qabanqaabiyeen oo ay ka qaybgaleen waxgarad fara badan oo matalayay qaybaha bulshada Soomaaliyeed iyo qaar ka mid ah fanaaniinta ayaa lagu soo dhaweeyay dhallinyaro dhawaan ku dhawaaqay inay ka tanaasuleen falalka burcadbadeednimada.

2013-01-16 8:33 AM EST
Arbaco, Jannaayo 16, 2013 (HOL) —Ciidamada maamulka KMG ee degmada Kismaayo ayaa xalay toogasho ku dilay mid kamid ah dadka rayidka, waxaana ilaa imika la garanayn sababta ka danbeeysay dilkiisa.

2013-01-16 8:18 AM EST
Arbaco, Jannaayo 16, 2013 (HOL) — Xarakada Al-Shabaab ayaa bayaan ay soo saartay ku sheegtay in go'aan kama dambeys ah ay ku gaareen in dil toogasho ah ay ku fulinayso sarkaalka Faransiiska ee Dennis Allex kaasoo gacanta ay ku hayeen saddexdii sano ee ugu dambeeyay.

2013-01-16 7:57 AM EST
Arbaco, Jannaayo 16, 2013 (HOL) — Ciidamada Midowga Afrika ee AMISOM ayaa sheegay inay baaritaanno ku sameyn doonaan dhacdo dad rayid ay ku dhinteen oo shalay ka dhacday deegaanka Leego ee gobolka Shabeellada Hoose.

2013-01-16 7:39 AM EST
Arbaco, Jannaayo 16, 2013 (HOL) — Maxkamadda ciidamada dowladda qalabka sida ee dowladda Soomaaliya ayaa maanta xukunno dil ah ku fulisay laba askari oo ka tirsanaa ciidamada dowladda Soomaaliya kuwaasoo ku kala eedeysnaa dil iyo kufsi.

2013-01-16 7:38 AM EST
Arbaco, Jannaayo 16, 2013 (HOL) — Xarunta hay'adda wadahadalka bulshada ee CCD ayaa maanta lagu soo gaba-gabeeyay kulan wadatashi ahaa oo looga hadlayay qorshe-howleedka hay'adda ee sannadka 2013, kaasoo laga soo saaray qodobbo la xiriira yoolka hay'adda ay hiigsaneyso sannadkan.

2013-01-16 7:14 AM EST
Arbaco, Jannaayo 16, 2013 (HOL) — Wareegto kasoo baxday xafiiska madaxweynaha Soomaaliya, Xasan Sheekh Maxamuud ayaa wuxuu guddoomiyaha bankiga dhexe ee Qaranka u magacaabay, C/salaan Cumar Hadliye.

2013-01-16 6:40 AM EST
Arbaco, Jannaayo 16, 2013 (HOL) — Madaxweynaha Puntland iyo wefdi uu horkacayo oo maanta ka dhoofay garoonka diyaaradaha magaalada Boosaaso ee xarunta gobolka Bari, ayaa u kicitimay dalka Jabuuti.

2013-01-16 6:39 AM EST
Arbaco, Jannaayo 16, 2013 (HOL) — Madaxweyne ku-xigeenka Puntland Gen. C/samed Cali Shire ayaa maanta si rasmi ah u dhagax dhigay dhisme cusub oo ay yeelan doonto wasaaradda duulista hawada iyo garoomada ee Puntland.

2013-01-16 2:41 AM EST
Arbaco, Jannaayo 16, 2013 (HOL) — Madaxweynaha Soomaaliya, Xasan Sheekh Maxamuud iyo wafdi uu hoggaaminayo oo booqasho ku jooga dalka Mareykanka ayaa la kulmay 20 xubnood oo ka tirsan Congress-ka dalka Mareykanka oo uu ku jiray mudane keliya ee muslimka ah ee laga soo doorto gobolka Minnesota ee dalka Mareykanka, Keith Ellison.

2013-01-16 2:39 AM EST
Arbaco, Jannaayo 16, 2013 (HOL) — Qaylo-dhaan aad u xooggan ayaa bilihii u danbeeyey kasoo yeereysey kaluumaysatada Puntland, gaar ahaan kuwa gobolka Bari, waxayna la xiriirtaa maraakiibta shisheeyaha ee sida aan sharciga ahayn uga kaluumaysta xeebaha Soomaaliya.