3/29/2024
Today from Hiiraan Online:  _
Wararka Maanta- Arbaco, Mar 19, 2008
Xoghayah Guud ee Qaramada Midoobay oo shaaca ka qaaday Suurtagalnimada in Ciidamo ka socda UN-ka loo diro Soomaaliya

Arbaco, March 19, 2008(HOL): Xoghayaha Guud ee Qaramada Midoobay Mr. Ban Ki-Moon ayaa shaaca ka qaaday in ay suurtagal tahay in Ciidamo ka socda UN-ka loo diro dalka Soomaaliya oo muddo 17 sano ka badan ay xaaladdiisa tahay mid saldhigan la’.
 
Laakin Ban Ki-Moon waxaa uu sheegay in Ciidamo u dirista Soomaaliya ay horeyso shuruud ah in marka hore ay heshiis siyaasadeed gaaraan dhinacyada isku haya Soomaaliya, kaasi oo lagu joojinayo colaadda u dhaxeysa labada dhinac.

Xoghayah Guud ee Qaramada Midoobay  Mr. Ban Ki-Moon ayaa wuxuu hadalkan jeediyay kadib markii uu guddoomay warbixin ay Soomaaliya ka soo diyaariyeen guddi xaqiiqo raadin ah oo UN-ka ka socday, kaasi oo dhawaan booqasho ku tegay deegaano dhowr ah oo ka tirsan Soomaaliya.

Mr. Ban Ki-Moon waxaa uu sheegay in Ciidamada loo dirayo Soomaaliya oo tiradooda dhan tahay 28,500 askari oo isugu jira Mileteri iyo Boolis ay howsha nabad ilaalinta ah kala wareegi doonaan Ciidamada Amisom, kuwa Dowladda Federaalka iyo kuwa Itoobiya oo uu sheegay in ay xiligaas dalka Soomaaliya ka bixi doonaan ama sida uu yiri ay qeyb ka noqon doonaan howlgallada nabad ilaalinta ah iyagoo huwan magaca UN-ka.

Laakin su’aasha la is-weydiin karo ee ka soo dhex baxeysa Hadalka Xoghayaha Guud ee Qaramada Midoobay ayaa waxay tahay waxa looga baahan karo Ciidamo UN-ka ka socda haddiiba imaanshahooda uu ku soo hagaagayo kadib marka ay heshiis gaaraan dhinacyada isku Soomaaliya.

Si kastaba arrintu ha ahaatee, Dalka Soomaaliya ayaa haatan waxaa ku sugan Ciidamo Midowga Afrika ka socda oo magaca Amisom uga howlgelaya magaalada Muqdisho, walow Ciidamadaas oo tiradooda dhan tahay 2,300 ay ka yimaadeen kaliya dalalka Uganda iyo Burundi, iyadoo uu qorshuhu ahaa in ay Dalalka Midowga Afrika Soomaaliya u soo diraan Ciidamo tiradooda gaareyso 8,000 oo Askari.
 
Salaad Iidow Xasan (Xiis), Hiiraan Online
[email protected]
Mogadishu, Somalia













Click here
3/19/2008 11:06 AM EST
Arbaco, March 19, 2008(HOL): Shiikh Mukhtaar Roobow Abuu Mansuur oo ah Afhayeenka Dhaqdhaqaaqa Al-Shabaab oo u waramayay Laanta Afka Soomaaliga ee BBC-da, isla markaana wax laga weydiiyay sida uu u arkayo hadal ka soo yeeray Mareykanka oo ahaa in Ururkooda lagu daray Liiska Argagixisada ayaa wuxuu sheegay in ay aad ugu faraxsan yihiin hadalka ka soo yeeray Mareykanka.

3/19/2008 11:04 AM EST
Arbaco, March 19, 2008(HOL): Kadib dagaal socday muddo saacado ah ayaa Ciidamo Itoobiyaan ah oo ku sugnaa Xeradii Maslax ee Duleedka Suuqa Xoolaha waxaa lagala wareegay fariisin ay halkaas ku lahaayeen.

3/19/2008 11:03 AM EST
Arbaco, March 19, 2008(HOL): Guddoomiyaha Baarlamaanka Soomaaliya Shiikh Aadan Maxamed Nuur (Shiikh Aadan Madoobe ayaa maanta ku hanjabay mar uu la hadlayay Xildhibaannada Baarlamaanka in uu is-casili doono haddii aaney mudanayaasha bedelin qaab dhaqankooda.

3/19/2008 11:02 AM EST
Arbaco, March 19, 2008(HOL): Abaarihii 5tii galabnimo ee shalay ayay soo weerareen Tuugo Koofur African ah ganacsade Soomaliyeed oo Dukaan ku lahaa Tuulo lagu magacaabo Oronge Form oo hoos timada Magalada Vereenining oo ka tirsan Gobolka Gauteng.

3/19/2008 6:53 AM EST
Arbaco, March 19, 2008(HOL): Haddii aad ku taqiinay inuu wax badan kaa qosliyo, haatan ma jiro qosolkii aad ku tiqiin jilaaga C/llaahi Amiir Rooble(Ow Kuu-kuu) waxa uuna ku xanuunsan yahay hoygiisa ku yaala Ex-Fiyoore, kaasi oo uusan meelna uga dhaqaaqin tan iyo markii ay burburtay Dowladdii hore ee xanaaneyn jirtay Fannaaniinta Soomaaliyeed.

3/19/2008 6:47 AM EST
Arbaco, March 19, 2008(HOL): Dad ka careysan sicir barar maalmahan ka taagan magaalada Mqudisho ayaa waxay maanta boobeen Raashin u rarnaa Ganacsato Reer Muqdisho ah, kadib markii gaari uu Raashinkaas saarnaa ay Dadkaas ku qamaameen.

3/19/2008 5:16 AM EST
Arbaco, March 19, 2008(HOL): Dagaal xooggan oo la isugu adeegsanayo hubka noocyadiisa kala duwan ayaa sakaa waxaa uu ka dhacay Deegaanka Suuqa Xoolaha ee Degmada Huriwaa, iyadoo dagaalkaasina uu u dhaxeeyay Ciidamo Itoobiyaan ah iyo Kooxo hubeysan oo ka soo horjeeday.

3/19/2008 5:11 AM EST
Arbaco, March 19, 2008(HOL): Maamulka Gobalka Hiiraan ayaa Xabisgga dhigay in ka badan 6 Ruux oo qaar kood ka yimid dhinaca Gobaladda dhaxe kuwaa oo sidda uu maamulku sheegay lid ku ah Nabad-galyadda guud ee Gobalka Hiiraan kadib markii aysidda la sheegay Ciidamadu dabagal ku sameeyeen.

3/19/2008 5:02 AM EST
Arbaco, March 19, 2008(HOL): Warka ka soo baxay Xafiiska arrimaha dibedda ee dowladda Mareykanka oo loogu tala galay saxaafadda ayaa sheegay in Kooxda Al shabaab ee waddanka Somalia lagu daray liiska Ururada argagaxisada ee caalamka.