3/28/2024
Today from Hiiraan Online:  _
Wararka Maanta- Talaado, Jan 11, 2022
Maamulka Gobolka Banaadir oo sheegay in magaalada Muqdisho aysan xamili karin culeysyo hor leh
 

Talaado, Janaayo, 11, 2022 (HOL) - Guddoomiyaha maamulka gobolka Banaadir ahna duqa magaalada Muqdisho Cumar Maxamuud Maxamed ayaa maanta shir guddoomiyay kulan ay isugu yimaadeen guddoomiyaasha degmooyinka gobolka Banaadir iyo laamaha amniga gobolka Banaadir.

Kulanka ayaa looga hadlay xaalada guud ee Caasimadda dalka, waxaana guddoomiyaha gobolka uu warbixin ka siiyay masuuliyiintii kulanka goobjooga u aheyd, waxyaabahii kasoo baxay shirkii Golaha wadatashiga Qaranka dhawaan ugu soo gabagaboobay Muqdisho.

Duqa magaalada Muqdisho ayaa sidoo kale, kala hadlay guddoomiyaasha degmooyinka iyo madaxda laamaha amniga ineysan Muqdisho xamili karin culeysyo cusub, islamarkaana aysan aqbali doonin in magaalada Muqdisho ay ka dhacaan banaanbaxyo uusan la socon maamulka gobolka Banaadir.

"Maadaama la xalliyey dhamaan tabashooyinkii qeybaha kala duwanaa ee Siyaasiyiinta iyo Bulshada ay ka qabeen qaab socodka doorashada, gollaha wadatashiga Qarana uu iclaamiyey in muddo aad u kooban oo 45 berri ah lagu soo koobo doorashada Golaha shacabka, Xamarna ay ka mid tahay meelaha ay doorashadaas ka dhaceyso, waxaa muhiim in shacabka iyo guud ahaan cid walba ay nagala shaqeyso sugidda Amniga Caasimada oo ay ka fogaadaan kicinta dadka si ujeeddo la’aan ah" ayuu yiri Guddoomiye Cumar Finish.

Guddoomiye Cumar Finish ayaa ugu baaqay shacabka ku nool gobolka Banaadir iney ka shaqeeyaan amniga iyo nabadgalyada Caasamida dalka, waxaana kulankaan maanta ay yeesheen guddoomiyaha gobolka iyo kuwa degmooyinka iyo laamaha amaanka gobolka uu imaanaya xili magaalada Muqdisho ay ka socdaan abaabulka banaanbaxyo ka dhaca Muqdisho maalinta Khamiista ee taariiqdu ku beegan tahay 13-01-2022, kaasoo looga soo horjeedo madaxweynaha mudo xileedkiisa dhamaaday Maxamed Cabdullaahi Farmaajo.

Jamaal Cali Cabdi, Hiiraan Online












Click here
1/11/2022 3:17 PM EST
Talaado, Janaayo, 11, 2022 (HOL) - Qaar kamid ah Puntland oo uu horkacayo Boqor Burhaan Boqor Muuse ayaa go'aan kasoo saaray khilaafka madaxweynaha Puntland iyo hay'adda PSF.

1/11/2022 10:00 AM EST
Talaado, Janaayo, 11, 2022 (HOL) - Wasiirka Wasaaradda Ganacsiga iyo Warshadaha Xukuumadda xilgaarsiinta dowladda Soomaaliya ayaa wareegto uu soo saaray waxa uu ku sheegay inuu shaqada kaga joojiyay Maareeyaha guud ee hay'adda Tayo dhowrka Soomaaliyeed Aadan Xasan Barre.

1/11/2022 8:59 AM EST
Talaado, Janaayo, 11, 2022 (HOL) - Dowladda Soomaaliya ayaa maanta bilowday qeybinta gargaarkii dhawaan ka yimid dowladda Imaaraatka, waxaana loo daabulay magaalooyinka, Garbahaareey, Baladweyne iyo Xudur oo kamid ah meelaha ugu daran ee lagasoo sheegayo saamaynta abaaraha.

1/11/2022 8:50 AM EST
Talaado, January, 11, 2022 (HOL) - Wasiirka Arrimaha Dibadda Somaliland D.R Ciise Kayd Maxamuud, ayaa sheegay in madaxweyne Biixi uu safar ku tagi doono dalka Maraykanka bisha saddexaad ee sannadkan.

1/11/2022 7:28 AM EST
Talaado, January, 11, 2022 (HOL) - Waxa qarxay khilaaf u dhexeeya ganacsada wax kala soo degta Dekedda Berbera iyo shirkada DPworld ee gacanta ku haysta dib u dhiska iyo maamulka dekedda, kadib markii ay shirkadu kordhisay tacriifada ay ka qaado alaabaha dekedda kasoo daga.

1/11/2022 5:02 AM EST
Talaado, Janaayo, 11, 2022 (HOL) - Dowladda Kenya ayaa xoojisay howlihii shidaal baarista ee gobolka xeebta ee Lamu, ku dhawaad sanad kadib markii ay diiday go’aankii maxkamadda caddaalada adduunka ee la xiriirtay muranka ay galisay badda Soomaaliya.

1/11/2022 3:58 AM EST
Talaado, Janaayo, 11, 2022 (HOL) - Beesha caalamka ayaa soo dhoweysay shirkii golaha wadatashiga Qaran ee socday 3-9 Janaayo lagu gaaray is-afgarad ku saabsan wax ka bedelka iyo dib u habaynta habraaca iyo dedejinta waqtiga doorashada Golaha Shacabka.

1/11/2022 3:00 AM EST
Talaado, Janaayo, 11, 2022 (HOL) - Maxkamada ciidamada Qalabka Sida qeybta 27-aad ayaa maanta xukun dil toogasho ah ku fulisay askari ka tirsanaa ciidamada dowladda Soomaaliya oo horay u dilay qof shacab ah oo ka mid ah dadka reer Baled Xaawo.

1/11/2022 1:22 AM EST
Talaado, Janaayo, 11, 2022 (HOL) - Xamse Warfaa oo ahaa gudoomiye ku xigeenka waaxda shaqada iyo horumarinta dhaqaalaha ee gobolka Minnesota ayaa madaxweynaha dalka Maraykanka Joe Biden wuxuu u magacaabay lataliye sare oo ka tirsan wasaaradda arrimaha dibadda Maraykanka.

1/11/2022 1:12 AM EST
Talaado, Janaayo, 11, 2022 (HOL) - Wararka ka imaanaya deegaanka Qalimow ee gobolka Sh/dhexe ayaa sheegaya in goordhaw dagaalamayaal ka tirsan Al-shabaab ay si buuxda ula wareegeen gacan ku heynta deegaankaasi.

1/11/2022 12:06 AM EST
Talaado, Janaayo, 11, 2022 (HOL) - Madaxweynaha Soomaaliya Maxamed Cabdullaahi Farmaajo ayaa soo dhoweeyay shirka wadatashiga qaran iyo go'aannada kasoo baxay.