3/28/2024
Today from Hiiraan Online:  _
Wararka Maanta- Axad, Sept 18, 2022
Madaxweyne Biixi: Waxa soo baxday Xasan Sheekh wuxuu la aamusnaa
 

Axad, September, 18, 2022 (HOL) - Madaxweynaha Somaliland Muuse Biixi Cabdi, oo ka jawaabaya hadalkii madaxweynaha Soomaaliya ee ahaa "Ma ogoli gooni isutaaga Somaliland", ayaa sheegay in madaxbannaanida Somaliland tahay go'aan shacbi oo aan la badali karin.

"Qaranka Somaliland magaalada Burco eed caawa joogtaan oo layskugu yimid, wuxuu go'aansaday, in uu ka baxo midowgii uu ku khasaaray, markii ay burburtay wixii aynu ku heshiinay, oo uu qaranimadiisa gaar iskula taago, taana waxba laga waydiin maayo Xasan Sheekh iyo nin Xamar jooga"

Madaxdweynuhu waxa uu waxan horay loo arag ku tilmaamay erayga uu madaxweyne Xasan Sheekh isticmaalay ee odhanaya "ma ogolin madaxbannaanida Somaliland", waxa uu sheegay in hadalka Xasan uu yahay mid aan aqli fiican ka iman oo cadaawad abuuraya.

Mar kale, isaga oo ka jawaabaya hadalka madaxweyne Xasan ku sheegay in uu Somaliland u saxeexayo wixii mashaariic ah, si ay u noolaadaan, ayuu kaga jawaabay in Somaliland ay gobtahay, isla markaana aan xoriyadeeda lagu badalan karin gows, isaga oo madaxweyne Xasan u sheegay in uu marka hore barto cida reer Somaliland yihiin.

Hadalka uu madaxweyne Xasan ku sheegay in xadadkii isticmaarku anay kala qaybin doonin Somaliland iyo Soomaaliya, ayuu madaxweyne Biixi kaga jawaabay in Midowga Afrika ee Soomaaliya kamidtahay uu ku dhisanyahay xadadkii gumaystuhu jeexay, isla markaana aan la badali karin.

Waxa uu sheegay in markii hore la moodayay in madaxweyne Xasan uu yahay nin wax garad ah, lakiin ay hada soo baxday wuxuu la aamusnaa "Libaaxa kasoo ciya iyo ka aamusan, ka aamusan ayaa daran, waxa soo baxday Xasan Sheekh wuxuu la aamusnaa".

Abdilahi Geel-maal, Hiiraan Online
[email protected]












Click here
9/18/2022 4:29 PM EST
Axad, September, 18, 2022 (HOL) - Wasiirka Shaqada iyo Arrimaha Bulshada Xukuumadda Federaalka ah ee Soomaaliya , Xil. Biixi Iimaan Cige iyo wafdi uu hoggaaminayo ayaa ka qeybgalay furitaanka shir weynaha 48aad ee Shaqada Jaamacadda Carabta.

9/18/2022 3:10 PM EST
Axad, September, 18, 2022 (HOL) - Wasiirka Gaadiidka iyo Duulista Hawada Xukuumadda Federaalka Soomaaliya , Xil. Fardowsa Cusmaan Cigaal ayaa maanta xafiiska ku qaabishay Safiirka Dawladda Shiinaha u fadhiya Soomaaliya , Amb. Fei Shengchao.

9/18/2022 10:04 AM EST
Axad, September, 18, 2022 (HOL) - Guddoomiyaha xisbiga mucaaradka Somaliland ee UCID Faysal Cali Waraabe, ayaa afxumo ku tilmaamay hadalkii uu madaxweynaha Soomaaliya ku sheegay in aanu aqbalayn madaxbannaanida Somaliland.

9/18/2022 6:59 AM EST
Axad, September, 18, 2022 (HOL) - Madaxweynaha dowladda Soomaaliya Xasan Sheekh Maxamuud ayaa sheegay inay guulo ka soo hooyeen dagaalka ka dhanka ah kooxda Al-Shabaab.

9/18/2022 5:46 AM EST
Axad, September, 18, 2022 (HOL) - Wararka naga soo gaaraya deegaanka Ceel Jiqoow oo ka mid ah deegaanada hoostaga degmada Maxaas ee gobolka Hiiraan ayaa sheegaya in dagaalamayaal ka tirsan Al-shabaab ay goordhow oo Maanta ah gubeen dhamaan guryahii iyo Ceel biyoodkii ku yaalay deegaakaasi.

9/18/2022 5:39 AM EST
Axad, September, 18, 2022 (HOL) - Madaxweynaha dowladda Fedaraalka Soomaaliya Xasan Sheekh Maxamuud oo u jeedinaayay khudbad dhinacyo badan taabaneyso oo quseysa arrimaha Soomaaliya Jaaliyadda Soomaaliyeed ee ku nool magaalada Washington ee dalka Mareykanka ayaa ka dalbaday iney garab istaagaan Walaalahooda ku dhibaateysan gudaha Soomaaliya ee abaartu saameysay.

9/18/2022 5:35 AM EST
Axad, September, 18, 2022 (HOL) - Puntland ayaa maxkamad horkeentay wasiir ku xigeenkii hore ee kalluumeysiga Puntland Cabdirixmaan Salaad Jowle.

9/18/2022 2:07 AM EST
Axad, September, 18, 2022 (HOL) - Madaxweynaha dowladda federalka Soomaaliya, Xasan Sheikh Maxamuud ayaa sheegay inay dowladdiisa kasoo horjeedo wax kaste ah oo gacan ka geysanaya gooni isku taaggaa Somaliland.

9/18/2022 1:53 AM EST
Axad, September, 18, 2022 (HOL) - Ciidamada xoogga dalka Soomaaliyeed oo kaashanaya kuwa dib u xureynta deegaanka ee loo yaqaano Macawiisleey ayaa saacadahii lasoo dhaafay Al-shabaab kala wareegay deegaano dhowr ah oo hoostaga degmada Buulaburte ee gobolka Hiiraan.