3/28/2024
Today from Hiiraan Online:  _
Wararka Maanta- Arbaco, July 29, 2020
Agaasime ku xigeenka Warbaahinta Goobjoog oo lix bilood oo xarig ah iyo ganaax lacageed lagu riday
 

Arbaco, Luulyo 29, 2020 (HOL) - Maxkamadda Gobolka Banaadir ayaa waxay maanta xabsi dhan lix bil iyo ganaax lacageed oo gaaraya Shan milyan oo shilin Soomaalia ah Weriye Cabdicasiis Axmed Gurbiye oo ah agaasime ku xigeenka Warbaahinta Goobjoog ee magaalada Muqdisho.

Weriye Gurbiye ayaa waxaa lagusoo eedeeyay warbixin uu ka qoray dowladda Soomaaliya, gaar ahaan hannaanka ay ula tacaashay xanuunka COVID-19. Maxkamadda ayaa sheegtay in xukunka maanta lagu riday saxafigaasi laga qaadan karo racfaan.

Ehelada saxafiga iyo ururrada u dooda weriyayaasha ee Soomaaliya ayaa si adag uga soo horjeestay xukunkaas, iyagoo hoosta ka xariiqay iney aad uga soo horjeedaan.

Cabdalle Axmed Muumin oo ah xoghayaha ururka SJS, Maxamed Cabdiwahaab oo ah daladda SOMA iyo Maxamed Ibraahim Macallimuu oo ah xoghayaha FESOJ ayaa dhammaantood kasoo horjeestay xukunkii maanta ku dhacay Cabdicasiis Axmed Gurbiye, waxayna ku tilmaameen mid aan dhex-dhexaad ula muuqan.

Gurbiye ayaa waxa uu yahay saxafi aad wax uga qora xaaladda siyaasadda Soomaaliya, waxa uuna xariggiisa kusoo aadayaa xilli xaaladda xoriyadda hadalka ay aad uga deyriyeen hay'adaha Xuquuqda aadanaha ee Caalamka. horay ururro iyo hay'ado u dooda saxaafadda ayaa dowladda ka codsaday iney joojiso kiiska ka dhanka ah saxafigaasi.

Dhinaca kale waxaa weli xeran Tefaftirihii Idaacadda Hiigsi ee magaalada Muqdisho Maxamed Cabdiwahaab Abuuja tan iyo billowgii bishii Maarso ee sanadkaan, mana jirto illaa iyo hadda cid hor keentay cadaaladda.

Abdiaziz Ahmed Barrow, Hiiraan Online
[email protected]












Click here
7/29/2020 6:24 PM EST
Arbaco, Luulyo 29, 2020 (HOL) - Madaxweynaha Dowlad-gobolleedka Koonfurgalbeed, Cabdicasiis Xassan Maxamed (Laftagareen) ayaa maanta xafiiskiisa xarunta madaxtooyadda ee magaalada Baydhabo ku qaabbilay, wasiirka Shaqada iyo Arrimaha Bulshada Soomaaliya, Sadiq Xirsi Warfa iyo wafdi uu hoggaaminayay oo shalay halkaa gaaray.

7/29/2020 11:14 AM EST
Arbaco, Luulyo 29, 2020 (HOL) - Dadka ku dhaqan magaalada Baledweyne ee xarunta gobolka Hiiraan ayaa walaac xoogan ka muujinayo biyo aad u fara badan uu wado Wabiga Shabelle oo dhexmara magaalada Baledweyne.

7/29/2020 9:27 AM EST
Arbaco, Luulyo 29, 2020 (HOL) - Kullan la xiriira heerka howlgalka Barnaamijka Baxnaano ee Dowladda Soomaaliya ay ku taageerrayso Bulshada nugul iyo saameynta uu Ayaxa u geystay qoysaska Koonfurgalbeed ayaa maanta ka dhacay xarunta madaxtooyadda Dowlad-gobolleedka Koonfurgalbeed ee magaalada Baydhabo,ka dib markii uu galinkii dambe ee shalay gaaray Baydhabo wasiirka Shaqada iyo Arrimaha Bulshada Soomaaliya, Mudane Sadiq Xirsi Warfa.

7/29/2020 8:31 AM EST
Arbaco, Luulyo 29, 2020 (HOL) - Wasiirka dekedaha Puntland Maxamed Cabdi Cismaan (Majiino) ayaa maanta shaaciyay in shirkadda DP-world aysan wax shaqo ah ka qabanin tan iyo markii ay la wareegtay maamulka dekeda Bosaso sanadkii 2017.

7/29/2020 7:33 AM EST
Arbaco, Luulyo 29, 2020 (HOL) - Bangiga Horumarinta Afrika (AFDB) ayaa ansaxiyay $ 25M oo loogu tala galay Soomaaliya, si kor loogu qaado dadaalada miisaaniyadeed ee qaran si loo yareeyo saameynta qaranka ee masiibada Covd19.

7/29/2020 3:26 AM EST
Arbaco, Luulyo 29, 2020 (HOL) - Guddoomiyaha Baarlamanka Galmudug Dr.Maxamed Gacal iyo xildhibaanno kasoo horjeeday oo ka gadoodsanaa mushaar la'aan muddo dhowr bilood ah haaysatay ayaa xalay heshiis ku gaaray magaalada Dhuusamareeb.

7/29/2020 2:43 AM EST
Arbaco, Luulyo 29, 2020 (HOL) - Warar dheeraad ah ayaa kasoo baxaya kulan xalay ay ku yeesheen magaalada Muqdisho Guddoonka Baarlamanka dalka iyo hoggaamiyayaasha madasha xisbiyada qaran ee mucaaradka ah . Waxayna wararku sheegayaan in laga hadlay xaaladda kala guurka ah ee Soomaaliya iyo hannaankii loo maareyn lahaa.

7/29/2020 2:34 AM EST
Arbaco, Luulyo 29, 2020 (HOL) - Barlamaanka dowlad goboleedka Puntland ayaa maanta oo arbaco ah ka doodaya heshiiska shirkadda DP –world kula wareegtay dekeda magaalada Bosaso.

7/29/2020 2:29 AM EST
Arbaco, Luulyo 29, 2020 (HOL) - Maxkamadda Gobolka Banaadir ayaa waxay maanta go’aan ka gaareysaa kiiska weriye Cabdicasiis Axmed Gurbiye oo ah agaasime ku xigeenka warbaahinta Goobjoog ee magaalada Muqdisho.

7/29/2020 2:26 AM EST
Arbaco, Luulyo 29, 2020 (HOL) - Wasaaradda arrimaha gargaarka iyo maaraynta masiibooyinka ee dowladda Soomaaliya, ayaa shaacisay khasaare nafeed oo ka dhashay Roobab dabeylo watay oo ku dhuftay xeebaha koonfureed ee Soomaaliya.