1/18/2022
Today from Hiiraan Online:  _
Wararka Maanta- Sabti, Jan 4 , 2020
Wasiir Beyle iyo wafdi ka socda Bankiga Africa oo kulmay


Sabti, Janaayo, 04, 2020 (HOL)-Wasiirka Maaliyadda Xukuumadda Federaalka Soomaaliya Dr, Cabdiraxmaan Ducaale Beyle ayaa ku soo dhaweeyay xarunta Wasaaradda Maaliyadda xubno ka socday Bangiga Horumarinta Afrika.

Xubnaha wafdigan ka socday Bangiga Horumarinta Afrika (African Development Bank) oo uu hogaaminayey Sam Sakwa oo ah qabiir sare oo maamulka dhaqaalaha Bangiga ayaa ujeedka socdaalkoodu ahaa qiimeyn ay ku sameenayeen dib-u-habeynta Maaliyadda dalka iyo hubinta heerka isku haleynta hannaanka maaliyadda Soomaaliya oo sanadihii ugu danbeeyey isbadal la taaban karo laga sameeyey.

Wasiir Beyle ayaa kulan uu xafiiskiisa kula qaatay wafdigan ka socday Bangiga Horumarinta Africa u sharaxay habka shaqo ee hanaanka maaliyadda Soomaaliya iyo meelmarinta sharuucda hagta maamulka dhaqaalaha dalka.

Kulankan oo socday muddo laba maalmood ah, qeybna ay ka ahaayeen mas’uuliyiinta Wasaaradda Maaliyadda oo ay ka midyihiin Wasiirka ku xigeenka Cabdullaahi Sheekh Cali Qaloocow, Agaasimaha guud iyo Xisaabiyaha guud ayaa Wasaaradda waxaa ay kuanka kusoo bandhigtay horumarmaro dhinacyo badan oo ay dowladdu Soomaaliya sanadihii lasoo dhaafay ka gaartay maamulka Maaliyadda dalka iyo wada shaqeynta hay’adaha maaliyadda adduunka.

“Waxaa ay u yimaadeen in ay qiimeeyaan habka shaqo ee maaliyadda Soomaaliya, runtiina waxay garwaaqsadeen inaan gaarnay heerar aysan fileyn inaan gaarnay, waxaana filayaa inay la laabtaan warbixin wanaagsan ” ayuu yiri  Cabdullaahi Sheekh Cali Qaloocow Wasiir Ku-xigeenka Wasaaradda Maaliyada

Bangiga Horumarinta Africa ayaa ka mid ah hay’adaha caawiya Soomaaliya, kaas oo door fiican ku leh xoojinta iyo kor u qaadista dakhliga gudaha, kuwaas oo ay ugu dambeyso dib u dhiska xarumaha canshuuraha degmooyinka oo qaarkood dhawaan xariga laga jaray, sidoo kale Bangigu waxa uu ka mid yahay hay’adaha dhaqaalaha ee sida dhaw ugala shaqeeynaya Soomaaliya sidii ay ku gaari laheyd deyn cafiska. 

C/raxmaan Diini, Hiiraan Online
[email protected] 

 

 
 













Click here
1/4/2020 3:33 PM EST
Sabti, Janaayo, 04, 2020 (HOL)- Qaramada Midoobay ayaa dhaleeceeysay weerarkii cirka ee Mareykanka ku dilay Qassim Soleimani oo reer Iran ah, waxayna caddeysay in uu jabinayo sharciga xuquuqda aadanaha.

1/4/2020 1:19 PM EST
Sabti, Janaayo, 04, 2020 (HOL)- Madaxweynaha Dowlad gobolleedka Hirshabeelle Maxamed Cabdi Waare ayaa kulan la qaatay saraakiisha howlgalka midowga Africa ee ku sugan gobolka Hiiraan gaar ahaan magaalada Beledweyne.

1/4/2020 8:48 AM EST
Sabti, Janaayo, 04, 2020 (HOL)- Barlamaanka aqalka sare ee Soomaaliya ayaa guddi ka kooban 7 Xubnood ah u xil saaray inay kasoo talo bixiyaan sharciga doorashooyinka Qaran ee dalka.

1/4/2020 8:31 AM EST
Sabti, Janaayo, 04, 2020 (HOL)- Xildhibaan Ilhan Omar oo Congress-ka Maraykanka ku metasha gobolka Minnesota, ayaa kasoo horjeesatay in Maraynku dagaal la galo dalka Iiran.

1/4/2020 5:51 AM EST
Sabti, Janaayo, 04, 2020 (HOL)- Safaaradda Mareykanka ee Baqdaad ayaa ku boorisay dhammaan muwaadiniinteeda inay si deg deg ah uga baxaan Ciraaq.

1/4/2020 5:30 AM EST
Sabti, Janaayo, 04, 2020 (HOL)- Xafiiska Hantidhowraha guud ee Soomaaliya ayaa faafiyay warqad labo todobaad ka hor kasoo baxday oo lagu codsanayay in la hakiyo qarash bixinta Galmudug, taasoo loo diray wasaaradda maaliyadda, bangiga dhexe iyo xisaabiyaha guud.

1/4/2020 3:43 AM EST
Sabti,Janaayo,04, 2020 (HOL)-Wararka ka imanaya deegaanka Buq-Aqable ee gobolka Hiiraan ayaa sheegaya in xoogagga Al-shabaab meel fagaaro ah ku toogteen galinkii danbe ee shalay saddex ruux oo ay ku eedeeyeen in ay la shaqeynayeen dowladda Soomaaliya

1/4/2020 12:05 AM EST
Sabti, Janaayo, 04, 2020 (HOL)- Khilaaf hor leh ayaa muuqda in uu mar kale harreey-nayo qorshaha dhismaha dowlad gobolleedka Galmudug, kaddib markii madaxweyne Axmed Ducaale Geelle Xaaf uu magaalada Gaalkacyo kaga dhawaaqay guddi doorasho.

1/4/2020 12:01 AM EST
Sabti, Janaayo, 04, 2020 (HOL)- Qoraal ka soo baxay howlgalka Mareykanka ee Africom ayaa looga hadlay duqeyn Mareykanku ka fuliyay degaanno ku yaalla gobolka Shabeellaha Hoose.