11/28/2021
Today from Hiiraan Online:  _
Wararka Maanta- Talaado, Jun 26, 2018
Maxaa waqtigan ku soo beegay shaqo ka ceyrintii Col Gabre

 

Talaado, June, 26, 2018 (HOL)-Urur gobolleedka IGAD ayaa qoraal shalay ka soo baxay xilkii uu ka hayay Ururka ka ceyriyay Col Gabre oo ahaa la taliye sare oo dhinaca siyaasada ah, dhinaca kalana ahaa sarkaal saameyn weyn ku dhax lahaa siyaasada Soomaaliya.

Qoraalka ka soo baxay IGAD oo lagu baahiyay warbaahinta ayaa lagu wargaliyay sarkaalkan in sida ugu dhaqsiyaha badan uga tago shaqada, islamarkaana wareejiyo dhamaaba wixii qalab xafiiseed ah ee IGAD ay leedahay.

Haddaba waxaa soo baxaya su’aalo dhowr ah oo dul hogganaya xil ka qaadistan deg deg ah ee lagu sameeyay Col Gabre, iyadoo fasiraado kala duwan laga bixinayo.

Hasse ahaatee dadka sida weyn ugu dhuun-daloola arrimaha siyaasada ayaa qaba in arintan laga yaabo in ay xiriir la leedahay isbadallada siyaasadeed ee ka hergalay dalka Itoobiya iyo siyaasada ra’iisal wasaaraha cusub Abiy Ahmed oo u muuqda shaqsi raba in uu hagaajiyo xiriirka dalalka dariska la ah Itoobiya.

Col Gabre oo xiriirro kala duwan lahaa muddo dheer-ba dowladdihii isaga danbeeyay dalka Somaaliya, ayeey saameyntiisu keentay in si toos ah iyo si dadban uu ugu lug yeesho go’aamada siyaasadeed ee dalka, taasoo keentay in dalkiisa Itoobiya uu ka noqdo mid ka mid ah saraakiisha ugu caansan marka la soo hadal qaado arrimaha siyaasada Soomaaliya, waana tan kaliftay in markii danbe IGAD looga magacaabo  la-taliye sare oo dhinaca arrimaha siyaasada ah.

Laakiin haddana marka la eego dhowr iyo todobkii sano ee Gabre uu ku lug lahaa siyaasada Soomaaliya shacabka iyo qeybo kale oo ka mid ah isla siyaasiyiinta Soomaalida ayaa u arkayay tallaabooyinka uu qaadayay Col Gabre mid xitaa shaki–galin kartay madax-bannaanida iyo in Soomaalidu qaadan karto go’aammadeeda masiiriga ah.

Safarkii uu dhawaan ra’iisal wasaaraha Itoobiya Abiy Ahmed uu ku yimid magaalada Muqdisho iyo kulankii uu la qaatay madaxweyne Farmaajo ayaa laftirkeeda la oran karaa in labada mas’uul uga wada hadleen arintan inkastoo aan la hubin, haddana dadka rogroga arrimaha siyaasada ayaa qaba in si loo hagaajiyo siyaasada labada dal dowlada Itoobiya go’aan ku gaartay in meesha laga saaro Korneelka oo muddo dheer ay ka qeylinayeen shacabka Soomaaliyeed.

Marka laga soo tago arrimaha Soomaaliya dhinaca kale waxaa soo baxaya warar sheegaya in Abiy Ahmed iyo xukuumadiisa qorsheynayaan in ay meesha ka saaraan saraakiishii iyo siyaasiyiintii saameynta weyn leh ee ka tirsan xisbiga EPRDF haddii ay ahaan lahaayeen kuwa gudaha iyo dibeda intaba  madaama loo malenayo in IGAD la tashi kala sameysay tallaabadan ay xilka uga qaadeen Col Gabre dowladda Itoobiya.

Dhawaan ayeey aheyd markii ku dhawaad 30 ruux oo ay ka mid yihiin saraakiil loo xirxiray Qaraxii ka dhacay magaalada Addis Ababa ee lagu bartilmaameedsaday dibadbixii lagu taageerayay ra’iisal wasaare Abiy.

Dadka qaar ayaa u arka tallaabadan  shaqada  looga saaray Gabre mid hagaajin karta xiriirka labada dowladdood Soomaaliya iyo Itoobiya, waxaase si gaar ah isha loogu hayaa shaqsiga lagu badali doono.

Sidoo kale tallaabadan ayaa lagu micneyn karaa mid qeyb ka ah qorshayaasha iyo isbadallada siyaasadeed ee ka hana-qaaday dalka Itoobiya iyo ra’iisal wasaaraha cusub ee tallaada dalka la wareegay oo doonaya in uu nabad ku soo dabaallo Itoobiya iyo in uu hagaajiyo xiriirka dowladdaha dariska la ah.

C/raxmaan Diini, Hiiraan Online
[email protected]













Click here
6/26/2018 12:47 PM EST
Talaado, June, 26. 2018 (HOL)-Hay’adda Socdaalka iyo Jinsiyadaha oo markii ugu horeysay ka hergalisay degmada Buula-burte xarun cusub ayaa laga bilaabay bixinta Basaboorka Soomaaliga oo markii hore dadka degmada u aadi jireen magaalada Muqdisho.

6/26/2018 8:28 AM EST
Talaado, June, 26, 2018 (HOL)–Madaxweynaha Puntland, Cabdiweli Maxamed Cali (Gaas) ayaa ugu hambalyeeyay shacabka Soomaaliyeed sanad guuradii 58 aad ee ka soo wareegatay maalintii ugu horreeysay ee calanka laga taagay dhul Soomaaliyeed.

6/26/2018 8:05 AM EST
Talaado, June, 26, 2018 (HOL) – Wararka ka imanaya magaalada Addis Ababa ee dalka Itoobiya ayaa sheegaya in wufuud ka socota Eritrea ay goor-dhaw ka dageen garoonka diyaaradaha caalamiga ee Bole halkaas oo u ku soo dhaweeyay Ra'iisal wasaaraha Itoobiya Abiy Axmed.

6/26/2018 3:29 AM EST
Talaado, June, 26. 2018 (HOL)-Madaxweynaha jamhuuriyadda federaalka ah ee Soomaaliya Mudane Max'ed C/laahi Farmaajo ayaa sheegay in dowladdiisu ay diyaar u tahay in ay qaaddo tallaabo kasta oo lagu qancinayo shacabka Somalialnd.

6/26/2018 12:50 AM EST
Talaado, June, 26. 2018 (HOL)-Wararka ka imanaya dalka Koonfur Africa ayaa sheegaya in koox burcad ah ku dileen meel aan ka fogeyn goobtiisa ganacsi deegaan ku dhaw magaalada Derban ganacsade Soomaaliyeed oo lagu magacaabi jiray Sheekh Xusseen.

6/26/2018 12:39 AM EST
Talaado, June, 26. 2018 (HOL)-Madaxweynaha maamulka Somaliland Muuse Biixi Cabdi oo xalay khudbad ka jeedinayay munaasabad lagu maamuusayay 26 Jun oo beegneyd markii ay gobollada Waqooyi ka xuroobeen gumeystihii Ingariiska, ayaa eedeyn kulul u jeediyay dowladda Soomaaliya.

6/26/2018 12:19 AM EST
Talaado, June, 26. 2018 (HOL)- Itoobiya ayaa sheegtay in wafti ka socda dalka ay deriska yihiin ee Eritrea ay toddobaadkan magaalada Addis Ababa u iman doonaan wada-hadallo soo afjari kara mid ka mid ah dagaalladii ugu dheeraa ee qaaradda Afrika.

6/26/2018 12:14 AM EST
Talaado, June, 26. 2018 (HOL)-Ra’iisal Wasaaraha xukuummadda Federaalka Soomaaliya Mudane Xasan Cali Khayre iyo wafdi uu hogaaminayo oo soo gebagebeeyay booqasho hal maalin qaadatay oo dalka Rwanda uu ku joogay, ayaa magaalada Kigali ee caasimadda dalkaas kulan kula qaatay madaxweynaha Rwanda ahna gudoomiyaha Midawga Afrika, Paul Kagame.

6/26/2018 12:02 AM EST
Talaado, June, 26. 2018 (HOL)-Madaxweynaha Jamhuuriyadda Federaalka Soomaaliya Maxamed Cabdullaahi Farmaajo ayaa hambalyo ku aaddan sannad guurada 58-aad ee ka soo wareegatay maalintii xorriyadda gobollada Waqooyi ee dalka, islmarkaana dhul Soomaaliyeed oo xor ah laga taagay calan Soomaaliyeed, u diray guud ahaan shacabka Soomaaliyeed.