5/12/2021
Today from Hiiraan Online:  _
Wararka Maanta- Arbaco, Jun 27, 2018
Ururka Al-shabaab oo beeniyay in uu geeriyooday hogaamiyahoodii Abu Cubeyda


 

Arbaco, June, 27, 2018 (HOL) – Ururka Al-shabaab ayaa waxba kama jiraan ku sheegay in uu geeriyooday hogaamiyahoodii Axmed Diiriye Abu-Cubeyda sida ay baahiyeen saacadihii ugu danbeeyay warbaahinta Soomaaliya.

Sarkaal u hadlay Al-shabaab ayaa sheegay in wararka sheegaya in Axmed Diiriye uu geeriyooday ay yihiin been abuur oo ay buunbuuniyeen sida uu sheegay warbaahinta maxaliga ah.

Warka ku saabsan in uu geeriyooday hogaamiyihii Al-shabaab ayaa waxaa xaqiijiyay oo laga soo xigtay sarkaal ka tirsan sirdoonka Soomaliya oo magaciisa qariyay, kaa oo sheegay in deegaan ka tirsan Koonfur Soomaaliya uu ku geeriyooday Abu Cubeyda.

Warka arinta ku saabsan ayaa ka danbeeyay kaddib weerar todobaadyadii ugu danbeeyayba leysla dhaxmarayay oo ka hadlayay in hogaamiyaha Al-shabaab uu la xanuusanayo cudurka Kansarka.

Hasse ahaatee Al-shabaab kama aysan hadal xitaa warkan ku saabsan xannuunka la sheegay in uu la soo darsay hogaamiyahooda.

Axmed Diiriye Abu Cubeyda ayaa noqday hoggaamiyaha Al Shabab kaddib markii Mareykanka uu duqayn cirka ah ku dilay hogaamiyihii isaga ka horreeyay ee Axmed Godane.

C/raxmaan Diini, Hiiraan Online
[email protected]












Click here
6/27/2018 1:17 PM EST
Arbaco, June, 27, 2018 (HOL)–Wasiiru-dowlaha Wasaaradda Boostada iyo Isgaarsiinta C/llaahi Bile Nuur ayaa ka horyimid magacaabida Guddiga Isgaarsiinta Qaranka oo uu dhowaan qoraal ku soo saaray Wasiirka Boostada iyo Isgaarsiinta Cabdi Canshuur Xasan.

6/27/2018 10:55 AM EST
Arbaco, June, 27. 2018 (HOL)–Madaxweyne ku xigeenka Somaliland C/raxmaan Saylici ayaa maanta xadhiga ka jaray cisbitaalka Casriga ah ee Haldoor oo uu sameeyey Dr Gaboose oo ku yaalla magaaladda Hargeysa.

6/27/2018 5:21 AM EST
Arbaco, June, 27, 2018 (HOL)–Kaddib Qaraxii uu ka badbaaday madaxweynaha dalka Zimbabwe Emmerson Mnangagwa, ayuu ku eedeeyay in Qaraxaasi ay ka danbeysay sida uu hadalka u dhigay Grace Mugabe oo ah xaaska madaxweynihii hore ee dalkaasi.

6/27/2018 2:02 AM EST
Arbaco, June, 27. 2018 (HOL) – Sida Idaacada VOA uu u sheegay sarkaal ka gaabsaday magaciisa kana tirsan ciidamada Sirdoonka Soomaaliya Isniintii aynu soo dhaafnay deegaan ka tirsan Koonfur Soomaaliya uu ku geeriyooday hogaamiyihii ururka Al-shabaab Ahmed Diriye (Abu Cubeyda)

6/27/2018 1:38 AM EST
Arbaco, June, 27. 2018 (HOL)-Warar dheeraad ah ayaa ka soo baxaya Qarax ciidamo ka tirsan militariga Soomaaliya lagula eegtay meel wax-yar u jirta degmada Wanlaweyn ee gobolka Shabeellaha Hoose.

6/27/2018 1:23 AM EST
Arbaco, June, 27. 2018 (HOL)-Dalka Jabuutii xalay waxaa lagu qabtay munaasabad loogu dabaal degayay sanad guuradii 41-aad ee ka soo wareegatay markii Jabuuti uu ka xuroobay gumeystihii Faransiiska.

6/27/2018 1:15 AM EST
Arbaco, June, 27. 2018 (HOL)-Ra’iisal wasaare ku xigeenka xukuumadda Soomaaliya Mahdi Maxamed Guuleed (Khadar) ayaa ka hadlay arrimaha la xiriira Dowladda Federaalka Soomaaliya iyo Somaliland.