3/29/2024
Today from Hiiraan Online:  _
Wararka Maanta- Jimco, Jun 22, 2018
Koonfur Galbeed oo sheegtay in ay dishay xubno ka tirsan Al-shabaab

 

Jimco, June, 22, 2018 (HOL)-Saraakiisha ciidamada dowladda ee Koonfur Galbeed ayaa sheegay hawlgal ka dhacay deegaanka Kanaana oo hoos-yimaada degmada Diinsoor in ay ku dileen saddex dagaalame oo ka tirsanaa ururka Al-shabaab.

Guddoomiyaha degmada Diinsoor Ibraahim Maxamed Nuur Shig-shigow oo la hadlay warbaahinta ayaa wuxuu sheegay in hawlgalka raggan lagu dilay in sidoo kale ay ciidamada ku soo furteen hub ay lahaayeen dagaalamayaasha Al-shabaab.

“Ciidamnada Koonfur Galbeed ayaa weerar ku qaaday deegaanka Kanaana oo ay ku sugnaayeen xubno ka tirsan Shabaab, halkaasi waxaan ku dilnay saddex Al-shabaab ah oo watay Mooto, hubkii ay wateena waan ka soo qaadnay, dadka shacabka ah ayay u geysanayeen dhac, xogtooda horey ayaa loo hayay, ciidamada wey ku guuleysteen hawlgalkan.” ayuu yiri guddoomiye Shigshigow.

Wuxuu kaloo sheegay guddoomiyaha degmada Diinsoor Ibraahim Maxamed Nuur Shigshigow Shababaka la dilay in ay dhibaato iyo dhac u geysanayeen shacabka ku sugan degmada iyo deegaanada hoosyimaada.

Dhinaca kale ehelada raggaasi la dilay ayaa waxa ay sheegeen dadka la dilay in aysan aheyn Shabaab oo waligood aysan ka mid noqon, balse ka mid ahaayeen dadka degaanka.

C/raxmaan Diini, Hiiraan Online
[email protected]













Click here
6/22/2018 10:21 AM EST
Jimco, June, 22, 2018 (HOL)-Ciidamada xoogga dalka soomaaliya oo taageero ka helayo ciidamo Maraynkan ah ayaa duleedka deegaanka Araare ee Gobolka Jubbada Hoose waxaa ay ku dileen horjoogihii Al-shabaab u qaabilsanaa Jubboyinka.

6/22/2018 7:22 AM EST
Jimco, June, 22, 2018 (HOL)- Ra’iisal Wasaaraha xukuumadda Federaalka Soomaaliya Xasan Cali Kheyre, ayaa maanta dalka dib ugu soo laabtay, kadib markii uu ka soo qayb galay shirkii Oslo Forum ee looga hadlayay xaaladda dhaqaale iyo dib u habaynta Maaliyadda Soomaaliya.

6/22/2018 7:08 AM EST
Jimco, June, 22, 2018 (HOL)-Ciidamada Badda ee Dalka Liibiya ayaa shalay oo Khamiis ahayd badbaadiyay Laba Doomood oo ay saarnaayeen 301 Qof oo tahriibayaal Afrikaan ah, xilli ay ku guda jireen howlo gaafmeer ah.

6/22/2018 6:11 AM EST
Jimco, June, 22, 2018 (HOL)-Maxkamadda ciidamada qalabka sida ee Jubbaland ayaa maanta xukun dil toogasho ah ku fulisay sedex nin oo ku eedeysnaa in ay magaalada Kismaayo ka geysteen dilal.

6/22/2018 2:26 AM EST
Jimco, June, 22, 2018 (HOL)-Ninka ugu cadcad dadka madaxweynaha Turkiga kula loolamaya doorashada madaxtinimada ee Axadda dhici doonta ayaa fagaare dad badani iskugu soo baxeen kala hadlay taageerayaashiisa magaalada xeebta ku taal ee Izmir.

6/22/2018 2:15 AM EST
Jimco, June, 22, 2018 (HOL)-Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo ayaa ka qeybgalay Shirka 32-aad ee Madaxda Urur Goboleedka IGAD kaas oo lagu dhexdhexaadinayo dhinacyada isku haya South Sudan.