3/29/2024
Today from Hiiraan Online:  _
Wararka Maanta- Isniin, July 16, 2018
Siyaasi Buubaa oo ka hadlay kulan gaar ah oo uu la yeeshay madaxweyne Muuse Biixi

 

Isniin, July, 16, 2018 (HOL) - Siyaasi Ismaaciil Hure Buubaa ayaa ka hadlay kulan gaar ah oo dhexmaray isaga iyo madaxweynaha Somaliland, waxaanu sheegay in shan qodob ka wada hadleen.

“Maalin dhaweyd madaxweynaha Somaliland Muuse Biixi waanu is aragnay arrimo badan waanu ka wada hadalnay, qodobada ka wada hadalnay waxay ahaayeen shan qodob oo kala ah.

1- Isbaddalka Itoobiya,2- Wada-hadallada Somaliland iyo Soomaliya,3- Xaaladda Tukaraq,4- Xaaladda Ceel-Afwayn,5- Shirkii Beesha Garxajis, su’aaluhu waxay ka imanayeen madaxweynaha anigana jawaabo ayey u badnaayeen.”ayuu yidhi Buubaa oo ka hadlayey shir ay wada galeen isaga iyo madaxweyne Biixi.

“Madaxweynaha waanu isla soo qaadnay in aan dawlada Somaliland dagaal rabin, waxaanu iga dalbaday in aan gaadhsiiyo beesha Majeerteen ee reer puntland oo aan dad badan ka aqaano in loo sheego in aanan dagaal iyo dhibaato la rabin ee arrimaha la isku hayo lagu dhameeyo wada hadal, dadkii aan u sheegayna way soo dhoweeyeen wayna ila qaateen waana ku gudda jiraa”ayuu hadalkiisa raaciyey. 

Sidoo kale, waxa la waydiiyey inay ka wada hadleen khilaafkii mudadda dheer ka dhexeeyey isaga iyo madaxweynaha inay ka wada hadleen iyo in kale, waxaanu sheegay in wakhtigi halganka iyo intii dib loo soo noqday ay jireen inay arrimo badan ku kala aragti duwanaayeen, balse aanay jirin imika wax dhexdoodda yaalla oo xurguf ah, haseyeeshee loo baahan yahay in hore loo sii socdo.

Barkhad-ladiif M. Cumar, Hiiraan Online

[email protected]

Hargeysa, Somaliland.













Click here
7/16/2018 4:09 PM EST
Isniin, July, 16, 2018 (HOL) – Ku-simaha Guddoomiyaha Gobolka Banaadir ah-na Ku-xigeenkiisa ee Arrimaha Maamulka iyo Maaliyadda Mudane Xuseen Maxamed Nuur ayaa xarigga ka jaray xafiiska Amniga Gobolka Banaadir oo qeyb ka ah qorsheyaasha ku qotoma dhammeystirka qaab-dhismeedka Amniga Qaranka.

7/16/2018 9:46 AM EST
Isniin, July, 16, 2018 (HOL)–War Qoraal ah oo ka soo baxay agaasimaha hay’adda Nabad-sugida Qaranka ee NISA ayaa lagu sheegay in shaqadii laga joojiyay laba sarkaal oo sare oo ka tirsanaa hay’adda.

7/16/2018 7:04 AM EST
Isniin, July, 16, 2018 (HOL) – Waa isku soo dhawaasho iyo xiriir mar kale dib loo yagleelayo oo dhaxmara labada dowladood ee Itoobiya iyo Eritrea oo ka badan 20 sano ay dhax taallay colaad galaafatay nolasha dad badan oo ka soo kala jeeda labada dal, kaddib markii dib boorka looga jafay safaaraddii Eritrea e magaalada Addis Ababa.

7/16/2018 5:15 AM EST
Tartankii Quraanka Kariimka ee Imam Shatiba ee ka socday Masjidka Karmel ayaa la soo gabagabeeyey tartankaan oo soo bilowday bishaan July 7 mar kay aheed

7/16/2018 4:44 AM EST
Isniin, July, 16, 2018 (HOL)–Waxaa goor dhaw magaalada Brussels ee dalka Belgium-ka si rasmi ah uga furmay shir heer caalami ah oo loogu eegayo xaalada Soomaaliya iyo wax-yaabihii u qabsoomay dowladda hadda jirta.

7/16/2018 4:09 AM EST
Isniin, July, 16, 2018 (HOL)–Jaaliyadda Somaliland ee Mareykanka ayaa taageero buuxda u muujiyay shirka aayo ka tashiga ee dhawaan ka dhacay deegaanka Gacan libaax

7/16/2018 1:34 AM EST
Isniin, July, 16, 2018 (HOL)–Wefti iskugu jiray madax dhaqameed iyo ganacsato reer Somaliland oo afar cisho joogay Garoowe ayaaa dib ugu soo laabtay magaalada Hargeysa, waxaanay ka warbixiyeen ujeedadda safarkoodda oo ay ku sheegeen mid nabadeed.

7/16/2018 12:54 AM EST
Isniin, July, 16, 2018 (HOL)–Senator Ayuub Ismaaciil Yuusuf oo ka tirsan Aqalka Sare ee Baarlamaanka Soomaaliya ayaa la kulmay jaaliyadda Soomaaliyeed ee magaaladda Columbus Ohio.

7/16/2018 12:37 AM EST
Isniin, July, 16, 2018 (HOL) – Maalmahaan waxaa magaalada Garoowe ee xarunta Puntland hawlo nabadeyn ah u joogey Isimo ka yimid maagaalada Hargeysa, joogitaankoodana aysan saxaafaddu u dhuundaloolin. Isimadaan ka yimid magaalooyinka Hargeysa iyo Burco ayaa kulamo la qaatay qaar ka mid ah isimadda Puntland.

7/16/2018 12:26 AM EST
Isniin, July, 16, 2018 (HOL)–Magaalada Brussels ee dalka Belgium-ka ayaa lagu wadaa in uu maanta ka furmo shirka Somali Partnership Forum looga hadlayo xaalada Soomaaliya.