3/28/2024
Today from Hiiraan Online:  _
Wararka Maanta- Jimco, July 13, 2018
Cabdi Maxamuud Cumar : Jabhadaha Mucaaradka waxaan ugu baaqeynaa in ay nabada qaataan

 

Jimco, July, 13, 2018 (HOL) – Madaxweynaha dowlad deegaanka Soomaalida Itoobiya Cabdi Max’uud Cumar ayaa u soo jeediyay Ururrada Mucaaradka ah in ay nabada qaataan, iyaga oo ka faa’ideysanaya isbadalka siyaasadeed ee guud ahaan ka hana-qaaday dalka Itoobiya.

Laakiin dhinaca kale waxaa uu sheegay in maamulka deegaanka ee uu madaxweynaha ka yahay laga yaabo in ay jiraan qaladaad ay sameeyeen muddadii uu jiray, isaga oo intaa ku daray in dhinacooda ay saxayaan wixii qaladaad ah ee ka dhacay.

‘’ Khaladaadkii horay u dhacay mas'uuliyaddooda waxaa qaadaya xukumadda deegaanka iyo xisbiga talada haya, waxaan cafis weydiisaneynaa Shacabka deegaanka’’ ayuu yiri Cabdi Max’uud Cumar.

Ra’iisal wasaare Abiy ayaa markii loo doortay tallada dalka waxaa uu dalka Itoobiya u jiheeyay dariiq cusub oo nabadeed, isaga oo markii ugu horeysayba ka saaray liiska Argagixisada Ururrada mucaaradka ku ah dowladda Itoobiya oo ONLF ka mid tahay.

"Hoggaanka jabhaddu colaaddii iyo naceybkii hore ee ay sannado badan waddanka u hayeen intey dhinac iska dhigaan, dadaallada nabadeed ee dalka ka socda waa iney qayb ka noqdaan" ayuu yiri Cabdi Maxamuud Cumar.

Cabdi Maxamuud Cumar ayaa sidoo kale yiri’’ Dhammaan maxaabiistii u xirneyd deegaanka ee jabhadda ONLF waa la sii wada daayey, wakhti xaadirkan hal qof oo jabhadda ONLF darteed u xiran ma jiro" ayuu sii raaciyey.

C/raxmaan Diini, Hiiraan Online
[email protected]

 

 













Click here
7/13/2018 12:24 PM EST
Jimco, July, 13, 2018 (HOL) – Dowladda Norway ayaa maanta ku dhawaaqday in ay aqoonsatay baasaboorka Soomaaliya, ayada oo ku biiraysa dalalka Yurub ee horay u aqoonsaday sida Faransiiska, Talyaaniga iyo kuwo kale.

7/13/2018 10:13 AM EST
Jimco, July, 13, 2018 (HOL)–Fatuma Axmed ayaa maanta loo dhaariyay haweeneeydii ugu horeysay oo daraja Janaraal ka gaarta ciidamada qalabka sida ee dalka Kenya.

7/13/2018 10:05 AM EST
Jimco, July, 13, 2018 (HOL)–Madaxweynaha Soomaaliya Maxamed C/llaahi Farmaajo ayaa bogaadiyay is-fahamka ay gaareen Mas’uuliyiinta maamulka Galmudug oo maalmahan u joogay magaalada Muqdisho xal u helida khilaafaadka siyaasadeed ee ka dhex jiray.

7/13/2018 7:56 AM EST
Jimco, July, 13, 2018 (HOL)–Madaxweyne kuxigeenka 1-aad ee Jubbaland Mudane Max'uud Sayid Aadan oo shir jaraa'id ku qabtay xarunta madaxtooyada Jubbaland ee magaalada Kismaayo ayaa ka hadlay sababtay ay Jubbaland...

7/13/2018 6:55 AM EST
Jimco, July, 13, 2018 (HOL)–Warar goor dhaw naga soo gaaray dulleedka magaalada Muqdisho gaar ahaan deegaanka Tabeellaha Sheekh Ibraahim ayaa sheegaya in rag hubeysan ku dileen Sheekh Cabdullaahi Maxamed Roobe oo da’diisa lagu sheegay 85 sano jir.

7/13/2018 4:48 AM EST
Khamiis, July, 12, 2018 (HOL)–Wafdigan oo uu horkacayay taliyaha cusub ee saldhigga qeybta 43-aad ee ciidanka xoogga dalka Soomaaliya ee fadhigoodu yahay magaalada Kismaayo Sarreeye Guuto Cali Bogmadoow ayaa dib looga celiyay garoonka diyaaradaha magaalada Kismaayo.

7/13/2018 2:32 AM EST
Jimco, July, 13, 2018 (HOL)–Dowladda Soomaaliya ayaa sheegtay in ay dib u howlgalin doonto xiryihii waaa-weynaa ciidamadu lahaan jireen, gaar ahaan xerada Hiil-Weyne oo ku taala dulleedka degmada Balcad ee gobolka Shabeellaha Dhexe.

7/13/2018 2:16 AM EST
Jimco, July, 13, 2018 (HOL)–Taliska hay’adda Nabad-sugida maamul gobolleedka Jubbaland ayaa magaalada Kismaayo ku soo bandhigay sarkaal ka soo goostay Al-shabaab oo magaciisa lagu sheegay Aadan Hudow Cabdi.

7/13/2018 12:47 AM EST
Jimco, July, 13, 2018 (HOL) - Ku simaha Wasiirka Awqaafta iyo Arrimaha Diinta ahna Wasiiru Dowlaha Wasaaradda C/xakiin Xasan Ibraahim Ashkir oo waraysi siiyay warbaahinta dowladda, isaga oo ku sugan wadanka Sacuudiga ayaa wuxuu ka warbixiyay kulamo uu halkaasi kula qaatay masuuliyiin ka tirsan Wasaaradda Xajka ee dalka Sacuudiga.