9/25/2018
Today from Hiiraan Online:  _
Wararka Maanta- Arbaco, Aug 22, 2018
Madaxweynaha Soomaaliya oo ciidamada kula dardaarmay in ay labo jibaaraan dagaaalka ka dhanka ah Al-shabaab


 

Arbaco, August, 22, 2018 (HOL)–Madaxweynaha dowladda Soomaaliya Maxamed Cabdullaahi Farmaajo ayaa ku boorinaya ciidamada qalabka sida in ay laba-jibaaraan dagaalka ka dhanka ah sida uu hadalka u dhigay koooxaha argagixisada.

Madaxweyne Farmaajo oo shalay la hadlay cutubyo ka tirsan ciidamada qalabka sida ayaa ku tilmaamay Al-shabaab iyo kooxaha kale ee argagixisada shisheeye dalka ku soo duullaan ay oo ay tahay sida uu hadalka u dhigay meel looga soo wada jeesto.

‘’ Kooxaha Argagaxisada waa shisheeye ku soo duulay dalkee-na Soomaaliya oo u taagan gumeynta iyo gumaysiga shacabka Soomaaliyeed, iyaga oo ugu soo gabbanaya diinta Islaamka.

Taliyaha ciidamada xoogga dalka Soomaaliyeed Cabduwali Jaamac Gorod oo dhawaan xilka laga qaaday laakiin wali aan wareejin ayaa sheegay in uu socdo qorshe lagu hormarinayo ciidamada xoogga dalka Soomaaliyeed si loo gaaro isku fiilnaasho dhinaca ciidamada ah.

Madaxweye Farmaajo ayaa ugu danbeyntii ciidamada ugu hambalyeeyy munaasabadda Ciidul Adxaa, oo ka mid ah ciiddaha ugu waaweyn dadka muslimka ah.

C/raxmaan Diini, Hiiraan Online
[email protected]







Click here
8/22/2018 11:44 PM EST
Arbaco, August, 22, 2018 (HOL) - Boqolaal ruux oo dadka reer Muqdisho ah ayaa isugu tagay xaafadda Daarusalaam ee magaalada Muqdisho halkaa oo inta badan munaasabadaha Ciidda dadku u dabaa-maashaad tagaan.

8/22/2018 3:41 PM EST
Arbaco, August, 22, 2018 (HOL) – Dowladda Soomaaliya ayaa ilaa dhamaadka sanadkan ku bixin doonta lacag dhan Sh40 million ($400,000) oo dollar howlgalinta shaqaaleysiinta shirkad Mareykan ah oo lagu magacaabo Sonoran Policy Group (SPG) taa oo ka shaqeyn doonta sidii uu Mareykanka cunaqabateynta uga qaadi lahaa ciidamada qalab-ka sida ee Soomaaliya.

8/22/2018 12:44 PM EST
Arbaco, August, 22, 2018 (HOL)-War goor dhaw naga soo gaaray magalada Addis Ababa ee dalka Itoobiya ayaa sheegaya guddiga fulinta xisbiga dimuquraadiga dowlad deegaanka Soomaalida Itoobiya madaxweyne u doorteen Mustafe Maxamuud Cumar Cagjar.

8/22/2018 10:20 AM EST
Arbaco, August, 22, 2018 (HOL)– Ururka Al-shabaab ayaa Ciddii shalay degmooyinka Saaakow iyo Jilib oo ka wada tirsan gobolka Jubbada dhexe Soomaaliya ku soo bandhigay cutubyo ka tirsan xooggagooda oo ku labisan dareyskii ugu danbeeyay ee ciidamada militer-ga Soomaaliya.

8/22/2018 9:02 AM EST
Arbaco, August, 22, 2018 (HOL)– Koox bastoolado ku hubeysnaa ayaa goor dhaw ku toogtay Isgoyska Bakaaraha ee magaalada Muqdisho labo ruux oo dhalinyaro ah sida ay warbaahinta u sheegeen dad goobjogayaal ahaa.

8/22/2018 7:45 AM EST
Arbaco, August, 22, 2018 (HOL)–Taliska Mareykanka Africom ayaa qoraal uu soo saaray ku sheegay in duqeyn maalintii shalay ay ka fuliyeen dulleedka magaalada Kismaayo ee gobolka Jubbada Hoose lagu dilay labo xubnood oo ka tirsanaa Al-shabaab.

8/22/2018 7:02 AM EST
Arbaco, August, 22, 2018 (HOL)– Getachew Assefa wuxuu ahaa madaxii ugu sareeyay hay’adda sirdoonka Itoobiya, waxaa amar lagu bixiyay in la soo xiro isaga oo ku eedeysan in uu galay danbi-yo kala duwan muddadii uu xilka hayay.

8/22/2018 3:05 AM EST
Arbaco, August, 22, 2018 (HOL)–Wararka naga soo gaaraya degmada Marka ee xarunta gobolka Shabeellaha Hoose ayaa sheegaya in weerar bar bar socday duqeyn xooggan ay xalay Al-shabaab ku soo qaadeen demada.

8/22/2018 2:22 AM EST
Arbaco, August, 22, 2018 (HOL)–Wararka naga soo gaaray degmooyinka Dhuusa-Mareeb iyo Guri-Ceel ayaa sheegaya in maanta ay u tahay maalintii koowaad ee Ciidul-Axda oo siweyn looga dabaal-degay guud ahaanba dunida muslim-ka maalintii shalay.

8/22/2018 1:33 AM EST
Arbaco, August, 22, 2018 (HOL)–Madaxweynaha Maraykanka D. Trump ayaa ka niyad xun dambi lagu helay madaxii hore ee ololihiisii doorashada, Paul Manafort, kaas oo la kulmi kara xarig tobanaan sano gaaraya.