3/29/2024
Today from Hiiraan Online:  _
Wararka Maanta- Isniin, Mar 11, 2013
Jaamacadda HOPE oo Shahaadada Master-ka ah guddoonsiisay arday wax ka bartay kulliyada Jaamacaddaas (SAWIRRO)


Isniin, Maarso 11, 2013 (HOL) — Jaamacadda Hope ayaa maanta 19-arday guddoonsiisay shahaadada Master-ka ah, kuwaasoo sagaal ka mid ah ay ku suganayeen magaaladaMuqdisho, halka 10-ka kalena ay joogeen magaalada Hargeysa ee xarunta Somaliland, iyadoo munaasabaddii Muqdisho ay kasoo qaybgaleen mas’uuliyiin uu ka mid ahaa guddoomiyaha baarlamaanka Soomaaliya, Prof. Maxamed Cismaan Jawaari.

Kulanka ayaa waxaa sidoo kale ku sugnaa xildhibaanno ka tirsan golaha shacbaka iyo wasiiro iyo wasiir u dowlaha wasaaradda horumarinta iyo adeegga bulshada xukuumadda Soomaaliya.

Hormuudka jaamacadda Hope University, Prof. Najiib Sheekh Cabdikariin oo munaasabada furay  ayaa sheegay in ardaydan ay wax ka barteen Kampala University iyagoo ku sugan Muqdisho, iyadoo ardayda oo dhan ay ahaayeen rag.

“Tani waa markii ugu horreysay oo arayd Soomaaliyeed shahaadada Master-ka ku qaataan Muqdisho, runtii aad ayaan ugu faraxsannahay, waayo tani waa howl dhib badan loosoo maray,” ayuu yiri Prof. Najiib. “Ardayda guud ee ka qallinjabinaysa sannadkan jaamacadda Kampala waa 120 arday, waxaana Soomaali ka ah 19-arday oo 10-ka mid ah isla maanta shahaadada Master-ka lagu guuddoonsiinayo Hargeysa.”

Guddoomiyaha baarlamaanka Soomaaliya, Prof. Jawaari oo isaguna hadal dheer ka jeediyay munaasabadda ayaa sheegay inuu si weyn ugu faraxsan yahay inuu kasoo qaybgalo munaasabad ay arday Soomaaliyeed lagu guddoonsiinayo shahaadooyin sare.

“Baarlamaanka wuxuu u baahan yahay cilmi-baaraal, waxaana naga go’an inaan ka dhigano cilmi-baarayaashaas ardayda kasoo baxay jaamadaha kala duwan ee dalka,” ayuu yiri Prof. Jawaari oo intasa ku daray inay dowladda ku qasbi doonaan inta uu baarlamaanku jiro in lasoo celiyo iskuulladii iyo jaamacadihii lacag la’aanta lagu dhigan jiray, si ay jiilka Soomaaliyeed u dareemaan raaxada waxbarashada.

Sagaalkii arday ee maanta shahaadooyinka lagu guddoonsiiyay Muqdisho oo isugu jiray dhallinyaro iyo dad waaweyn ayaa waxay magacyadoodu kala ahaayeen:

  1. Maxamuud Maxamed Ibraahim
  2. Jamaaluddiin Mustafe Cumar (Qunsulka Itoobiya ee Soomaaliya)
  3. Dhaqane Sheekh Xuseen
  4. Xuseen Sheekh Maxamed
  5. Caddoow Cali Cabdulle
  6. Xasan Maxamed Xuseen
  7. Maxamed Cabdi Maxamed
  8. Maxamed Faroole Maxamed
  9. C/qaadir Xaashi Xirsi

Prof. Najiib ayaa ugu dambeyn sheegay in jaamacaddua y bixinayso wixii ka dambeeya sannadkan inay 10 arday oo kuwa danta yar ah ay wax ku barto si lacag la’aan ah, isagoo xusay in mashruucaas loogu magic-darayo Prof. Jawaari.

Wasiirradii ka socday wasaaradda horumarinta iyo adeegga bulshada ayaa ka sheegay goobta in wasaaraddoodu ay gacan ka geysanayso sidii ay u taageeri lahayd ardayda Soomaaliyeed ee wax ka baranaya gudaha dalka.

Ugu dambeyn, waxaa ardaydii qalin-jabinaysay la guddoonsiiyay mid walba shahaadadiisii, iyagoo si toos ah uga yimid dalka Uganda, waxayna ardaydu muujiyeen farxad weyn, iyadoo halkaas suugaan ka tiriyay fannaanka weyn ee Farxaan Xiddig.













Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
3/11/2013 7:32 PM EST
Monday, March 11, 2013(HOL): Munaasabad lagu maamuusayey isbedelka cusub ee dalka Soomaaliya kaddib markii kumeelgaarnimada laga baxay, isla markaana ay soo muuqatay yididiillada nabadeed ayaa lagu qabtay Magaalada London ee dalka Britain, iyadoo munaasabaddanna ay soo qabanqaabisay Dhalinyarada Kacdoonka Kasoo horjeedka qabyaaladsa (Anti Tribalism Movement).

3/11/2013 2:14 PM EST
Isniin, Maarso 11, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) iyo wafdi uu hoggaaminayo ayaa gellinkii dambe ee maanta gaaray magaalada Gaalkacyo ee xarunta gobolka Mudug, gaar ahaan deegaannada uu ka taliyo maamulka Galmudug.

3/11/2013 1:39 PM EST
Isniin, Maarso 11, 2013 (HOL) — Dhawaan ayay ahayd markii guddiga daneeyayaasha caafimaadka ee golaha wakiillada Somaliland ay kormeer xaqiiqo raadis ah ku yimaadeen magaalada Booarme ee xarunta gobolka gobolka Awdal, halkaasoo ay kulan kula qaateen qaar ka mid bulshada rayidka.

3/11/2013 1:10 PM EST
Isniin, Maarso 11, 2013 (HOL) — Taliska ciidanka Asluubta Soomaaliyeed ayaa sheegay in cudurka shuban biyoodka uu ka dilaacay xabsiga dhexe ee magaalada Muqdisho iyadoo uu u geeriyooday maxbuus ka mid ah kuwa ku jira xabsiga dhexe iyo kuwo kale oo la il-daran cudurkan.

3/11/2013 11:18 AM EST
Isniin, Maarso 11, 2013 (HOL) — Dowladda Soomaaliya iyo Puntland ayaa heshiis iskaashi ku kala saxiixday magaalada Garoowe ee xarunta Puntland oo uu ra’iisul wasaare, Cabdi Faarax Shirdoon iyo wafdi uu hoggaaminayo ay saddexdii maalmood ee lasoo dhaafay booqasho ku joogeen.

3/11/2013 10:54 AM EST
Isniin, Maarso 11, 2013 (HOL) — Dowladda Soomaaliya ayaa sheegtay inay dalka keenayso lacago cusub oo wax looga bedelayo shillin Soomaaliga oo aan qiimo badan lahayn, sida uu saxaafadda u sheegay maanta wasiir ku xigeenka wasaaradda maaliyadda iyo qorsheynta, Maxamed Xasan Aadan.

3/11/2013 8:08 AM EST
Isniin, Maarso 11, 2013 (HOL) — Ra'iisal wasaaraha Soomaaliya , Cabdi Faarax Shirdoon Saacid iyo wafdigii uu hoggaaminayay oo labadii maalmood ee lasoo dhaafay ku sugnaa Puntland ayaa saaka booqday xerada 54-aad ee ciidamada xooga Puntland, halkaasoo ahayd xarun ciidan malateriga dowladdii dhexe ee Soomaaliya.

3/11/2013 7:44 AM EST
Isniin, Maarso 11, 2013 (HOL) — Waxaa maanta sheybaarka dugsiga sare ee degmada Badhan ee xarunta gobolka Sanaag ku sumoobey 6-gabdhood oo kamid ah ardeyda wax ka barta fasalka 3-aad ee dugsiga sare ee Badhan.

3/11/2013 7:26 AM EST
Isniin, Maarso 11, 2013 (HOL) — Kulankaan oo loogu magacdaray fagaaraha ayaa bishiiba mar lagu qabtaa gobolka Minnesota, iyadoo lagu marti-gelinayo dad ehel u ah ama xog-buuxda ka haysta mamduuca lagu jeex-jeexayo oo inta badan loo xusho mid markaasi taagan ama si dhab ah u taabanaya nolosha bulshada Soomaaliyeed ee ku dhaqan wadamada qurbaha ama gudaha dalka.

3/11/2013 7:16 AM EST
Isniin, Maarso 11, 2013 (HOL) — Wararka naga soo gaaray deegaannka Halgan ee gobollka Hiiraan ayaa sheegaya in xarakada Al-shabaab xabsiga ka sii deysay ilaa sideed macalin dugsi Qur’aan oo todobaad ka hor ay ku xiraan deegaannka.

3/11/2013 12:27 AM EST
Isniin, Maarso 11, 2013 (HOL) — Guddoomiyaha gobolka Gedo, Maxamed Cabdi Kaliil ayaa ka hadlay boqollaal ciidammo oo dhawaan gaaray degmada Kismaayo ee xarunta gobolka Jubbada Hoose, kuwaasoo cabsi badan ka dhaliyay degmadaas.