3/27/2023
Today from Hiiraan Online:  _
Wararka Maanta- Isniin, Mar 11, 2013
Waxqabadka Dhalinyarada Kacdoonka La-dagaalanka Qabyaaladda oo London lagu soo bandhigay (SAWIRRO)


Monday, March 11, 2013(HOL): Munaasabad lagu maamuusayey isbedelka cusub ee dalka Soomaaliya kaddib markii kumeelgaarnimada laga baxay, isla markaana ay soo muuqatay yididiillada nabadeed ayaa lagu qabtay Magaalada London ee dalka Britain, iyadoo munaasabaddanna ay  soo qabanqaabisay Dhalinyarada Kacdoonka Kasoo horjeedka qabyaaladsa (Anti Tribalism Movement ).

 

Munaasabaddan ayaa ujeedkeedu ahaa  Dhiirrigelinta Dhalinyarada Soomaaaliyeed, Taageerida isbedelka kajira Soomaaliya, taageerida nabadda Soomaaliya & la-dagalanka qabyaaladda iyo qoriga .

 

Xafladdan waxaa ka soo qeybgalay qeybaha kala duwan ee bulshada Soomaaliyeed ee ku dhaqan London sida, Bahda Isboortiga, Bahda Saxaafadda, Bahda Fanka iyo Suugaanta, Hooyooyinka  UK, Ardada wax ka barata Uk, Aqoonyahanno,Siyaasiin iyo waxgarad kale

 

Sidoo kale waxaa xaflada ka soo qeybgalay wasiir kuxigeenka  Warfaafinta C/shakuur Mire iyo Ra’iisal wasaarihii hore ee  Soomaaliya Dr. C/weli Maxamed Cali Gaas, diblumaasiyiin iyo marti sharaf kale oo munaasabadda lagu casuumay.

 


Dhammaan dadkii ka hadlay goobta ayaa waxa ay dhalinyarada ATM ugu mahadceliyeen kaalinta ay ka soo baxeen ee ku aaddan sidii loo ciribtiri lahaa Qabyaaladda oo dalka Soomaaliya in ka badan 20 sano dib u dhac ku keentay, isla markaana abuurtay in dad badan ay u naf waayaan colaado qabyaaladeysan.

 

Afhayeenka ATM Cabdifataax oo ka warbixiyey safar ay ku tageen Muqdisho ayuu jaaliyaddu u sheegay in dalka Soomaaliya uu yahay mid aan daqiiqad laga maqnaan karin kheyraadka ka buuxa, wuxuuna ku dhiirrigeliyey dadka soomaaliyeed meel kasta oo ay joogaan iney ka qeybqaataan la-dagaallanka qabyaaladda si uu cagihiisa isu taago qaranka soomaaliyeed.

 


Wasiir ku xigeenka warfaafinta Soomaaliya  Cabdishakuur Cali Mire oo isna aad ugu ammaanay dallinyadarada ATM, isla markaana sheegay in isaga shaqsi ahaan uu taagersanyahay fikrada dhalinta ATM, waxa sidoo kale goobta kahadlay Ra’isalwasaarihii hore ee TFG mudane cabdi wali gaas oo isna kamid ahaa madaxdii ATM xamar ku soo dhaweysay isla markaana kala qeybgalay furitaankii xafiiskooda ugu horreeyay ee Muqdisho.

Si kastaba  ha ahaatee ururka ATM ayaa 3 sano jirsaday iminka tan iyo markii dhidibada loo taagey waxaana ururka howlihiisa wada dhalinyaro dhalinyaro da’dooda ka hooseyso 40 sano.






Ibrahim Omar Baafo, Hiiraan Online

[email protected]

London, UK

 













Click here
Ra’iisul Wasaaraha Somalia iyo wafdigii uu Horkacayay oo Gellintii Dambe ee Maanta Gaaray Gaalkacyo (SAWIRRO)
3/11/2013 2:14 PM EST
Isniin, Maarso 11, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) iyo wafdi uu hoggaaminayo ayaa gellinkii dambe ee maanta gaaray magaalada Gaalkacyo ee xarunta gobolka Mudug, gaar ahaan deegaannada uu ka taliyo maamulka Galmudug.

Ururka CDA oo ka dalbaday Guddiga Daneeyayaasha Caafimaadka ee Golaha Wakiilada Somaliland in xeer laga soo saaro Kufsiga (SAWIRRO)
3/11/2013 1:39 PM EST
Isniin, Maarso 11, 2013 (HOL) — Dhawaan ayay ahayd markii guddiga daneeyayaasha caafimaadka ee golaha wakiillada Somaliland ay kormeer xaqiiqo raadis ah ku yimaadeen magaalada Booarme ee xarunta gobolka gobolka Awdal, halkaasoo ay kulan kula qaateen qaar ka mid bulshada rayidka.

Maxbuus u dhintay Cudurka Shuban Biyoodka oo ka dillaacay Xabsiga Dhexe (Gaalshire) ee Magaalada Muqdisho
3/11/2013 1:10 PM EST
Isniin, Maarso 11, 2013 (HOL) — Taliska ciidanka Asluubta Soomaaliyeed ayaa sheegay in cudurka shuban biyoodka uu ka dilaacay xabsiga dhexe ee magaalada Muqdisho iyadoo uu u geeriyooday maxbuus ka mid ah kuwa ku jira xabsiga dhexe iyo kuwo kale oo la il-daran cudurkan.

Dowladda Federaalka Soomaaliya iyo Maamulka Puntland oo Heshiis ku kala saxiixday Xarunta Puntland ee Garoowe
3/11/2013 11:18 AM EST
Isniin, Maarso 11, 2013 (HOL) — Dowladda Soomaaliya iyo Puntland ayaa heshiis iskaashi ku kala saxiixday magaalada Garoowe ee xarunta Puntland oo uu ra’iisul wasaare, Cabdi Faarax Shirdoon iyo wafdi uu hoggaaminayo ay saddexdii maalmood ee lasoo dhaafay booqasho ku joogeen.

Xukuumadda Soomaaliya oo Shaacisay inay Keenayso lacago cusub oo ay ku bedelayso Lacagta Shillin Soomaaliga
3/11/2013 10:54 AM EST
Isniin, Maarso 11, 2013 (HOL) — Dowladda Soomaaliya ayaa sheegtay inay dalka keenayso lacago cusub oo wax looga bedelayo shillin Soomaaliga oo aan qiimo badan lahayn, sida uu saxaafadda u sheegay maanta wasiir ku xigeenka wasaaradda maaliyadda iyo qorsheynta, Maxamed Xasan Aadan.

Jaamacadda HOPE oo Shahaadada Master-ka ah guddoonsiisay arday wax ka bartay kulliyada Jaamacaddaas (SAWIRRO)
3/11/2013 10:13 AM EST
Isniin, Maarso 11, 2013 (HOL) — Jaamacadda Hope ayaa maanta 19-arday guddoonsiisay shahaadada Master-ka ah, kuwaasoo sagaal ka mid ah ay ku suganayeen magaaladaMuqdisho, halka 10-ka kalena ay joogeen magaalada Hargeysa ee xarunta Somaliland, iyadoo munaasabaddii Muqdisho ay kasoo qaybgaleen mas’uuliyiin uu ka mid ahaa guddoomiyaha baarlamaanka Soomaaliya, Prof. Maxamed Cismaan Jawaari.

Ra'iisal Wasaaraha Xukuumadda Somalia oo saakay booqday Xerada 54-aad ee Ciidamada Xoogga Puntland (SAWIRRO)
3/11/2013 8:08 AM EST
Isniin, Maarso 11, 2013 (HOL) — Ra'iisal wasaaraha Soomaaliya , Cabdi Faarax Shirdoon Saacid iyo wafdigii uu hoggaaminayay oo labadii maalmood ee lasoo dhaafay ku sugnaa Puntland ayaa saaka booqday xerada 54-aad ee ciidamada xooga Puntland, halkaasoo ahayd xarun ciidan malateriga dowladdii dhexe ee Soomaaliya.

Lix Gabdhood oo ku Summoobey Sheybaarka Dugsiga Sare Degmada Badhan ee Gobolka Sanaag
3/11/2013 7:44 AM EST
Isniin, Maarso 11, 2013 (HOL) — Waxaa maanta sheybaarka dugsiga sare ee degmada Badhan ee xarunta gobolka Sanaag ku sumoobey 6-gabdhood oo kamid ah ardeyda wax ka barta fasalka 3-aad ee dugsiga sare ee Badhan.

Kulan looga hadlayo doorka Culummada ay ku leeyihiin Dib-u-dhiska Dalka oo Gobolka Minnesota lagu Qabtay (SAWIRRO)
3/11/2013 7:26 AM EST
Isniin, Maarso 11, 2013 (HOL) — Kulankaan oo loogu magacdaray fagaaraha ayaa bishiiba mar lagu qabtaa gobolka Minnesota, iyadoo lagu marti-gelinayo dad ehel u ah ama xog-buuxda ka haysta mamduuca lagu jeex-jeexayo oo inta badan loo xusho mid markaasi taagan ama si dhab ah u taabanaya nolosha bulshada Soomaaliyeed ee ku dhaqan wadamada qurbaha ama gudaha dalka.

Al-shabaab oo sii daysay Macallimiin dugsi Qur’aan oo in mudo ah ugu xirnaa Deegaanka Halgan ee Gobolka Hiiraan
3/11/2013 7:16 AM EST
Isniin, Maarso 11, 2013 (HOL) — Wararka naga soo gaaray deegaannka Halgan ee gobollka Hiiraan ayaa sheegaya in xarakada Al-shabaab xabsiga ka sii deysay ilaa sideed macalin dugsi Qur’aan oo todobaad ka hor ay ku xiraan deegaannka.

Guddoomiyaha Gobolka Gedo oo ka hadlay Boqolaal Ciidammo ah oo dhawaan gaaray Magaalo Xeebeedda Kismaayo
3/11/2013 12:27 AM EST
Isniin, Maarso 11, 2013 (HOL) — Guddoomiyaha gobolka Gedo, Maxamed Cabdi Kaliil ayaa ka hadlay boqollaal ciidammo oo dhawaan gaaray degmada Kismaayo ee xarunta gobolka Jubbada Hoose, kuwaasoo cabsi badan ka dhaliyay degmadaas.