12/11/2019
Today from Hiiraan Online:  _
Wararka Maanta- Arbaco, Jun 12, 2013
Soomaali ku hor Mudahaaradday Safaaradda Koonfur Afrika ay ku leedahay Caasimadda Dalka Sweden (SAWIRRO)



Arbaco, June 12, 2013(HOL)—Waxaa maalintii shalay aheyd ka dhacay  magaalada Stockholm ee dalka Sweden mudaharaad ay dadka Soomaaliyeed ku sameeyey safaaradda South Africa. Mudaraadkaas oo ay ka soo qeybgaleen dad aad u badan oo isugu jira rag iyo dumar, caruur iyo dhallinyaro waxaa lagu muujinaayey sida ay dadka Soomaaliyeed ee magaalada Stockholm uga xun yihiin dilalka loo geystay Soomaalida deggan dalka South Africa oo gaar ahaan maalmihii ugu dambeeyey la kulmay dilal iyo dhac loo geystay ganacsigooda.

 

Muharaadkaas waxaa soo abaabulay dhallinyaro rag iyo dumar leh oo deggan magaaladan Stockholm oo maalmihii ugu dambeeyey waday abaabul aad u weyn si ay u muujiyaan dareenkooda ku aaddan dilalka loo geysto Soomaalida South Africa. Halkaas oo lagu soo bandhigay qudbado iyo suugaan ku wajahan sidii ay Soomaalidu uga qeyb qaadatay xoreynta dadka reer South Africa beryihii ay ku jireen dhibaatooyinkii ay kala kulmeen maamulkii Midab-takoorka ee dowladdii ay talada u hayeen caddaanka tirade yare e South Africa. Waxaa goobta mudaharaadka ka hadlay dumar qiireysan, rag badan iyo culumo Soomaaliyeed. Waxaa sidoo kale goobta joogay carruur badan  oo heesaayey Soomaaliyeey toosooy.

 


Waxaa goobta mudaharaadka lagu soo bandhigay sawirro muujinaaya dilkii loo geystay Soomaalida ku nool South Africa, ayada oo tirada dadka Soomaaliyeed ee lagu dilay dalkaas lagu sheegay 700, ayada oo aysan jirin hal qof oo maxkamad loo soo taagay dilalkaas mid ka mid ah.

 

Waxaa mudaharaadka intii uu socday banaanka u soo baxay oo lala kulmay qunsulka dalka South Africa si loogu gudbiyo warqad cabasho ah oo la soo diyaariyey. Ururka haweenka Soomaaliyeed ee Somaliska Kvinnor Ideella Förening Husby ayaa suurtageliyay qabashada mudaharaadkan. 


Waxaa dareenka dadkii mudaharaadaayey ka muuqday cushuur waddanimo iyo in dadka Soomaaliyeed ay ka baxaan dhibaatooyinka ka jira dalka gudihiisa. Waxayna iskula dardaarmeen in loo midoobo xallinta Soomaaliya iyo nabad ku soo celinta dalka Soomaaliyeed.





 

C/laahi Cilmi M. (Asad) Hiiraan Online

[email protected]

Stockholm, Sweden

 










Click here
6/12/2013 4:38 PM EST
Arbaco, Juun 12, 2013 (HOL) — Madaxweynaha Soomaaliya, Xasan Sheekh Maxamuud ayaa maanta xaflad sagootin ah ugu sameeyay Villa Soomaaliya dajirihii hore ee Britain u joogay Soomaaliya, Matt Baugh kaddib markii ay u dhamaatay howshiisii shaqo ee Soomaaliya.

6/12/2013 12:15 PM EST
Arbaco, June 12, 2013 (HOL) - Tan iyo markii loo doortay inuu madaxweyne ka noqdo maamulka Jubbaland Sheekh Maxamed Islaan (Axmed Madoobe) ayaa waxaa kala qaybsanaani ay ka dhex jirtay dhinacyada Soomaalida oo kala taageeray madaxweynayaal dhowr ah oo halkaas looga dhawaaqay, iyadoo dawlada federaalka ah ee Soomaaliyana ay sharci darro ku tilmaantay dhammaan maamullada looga dhawaaqay Jubbooyinka.

6/12/2013 12:06 PM EST
Arbaco, Juun 12, 2013 (HOL) — Shir ay soo qabanqaabisay AMISOM oo gun-dhig u ah sidii loo sameyn lahaa sharciga horumarinta jingsiga (Ragga iyo Dumar Soomaalida) ayaa maanta ka furmay magaalada xarunta dalka Uganad, waxaana shirkaas kasoo qaybgalay dad ka socday dalal badan oo Afrikaan ah.

6/12/2013 9:54 AM EST
Arbaco, June 12, 2013(HOL)—Magaalada Geneva ee dalka Switzerland ayaa waxaa ka soconaya fadhigii 23aad ee Golaha Xuquuqul Insaanka ee QM waxaana si aad ah looga dareemayaa xaalada is badalaysa ee dalka Soomaaliya gaar ahaan midda Xuquuqul Insaanka.

6/12/2013 9:19 AM EST
Arbaco, Juun 12, 2013 (HOL) — Maayirka magaalada Hargeysa, C/iraxmaan Maxamuud Caydiid, ayaa xalay casho sharaf u sameeyey ciyaartoyga u ciyaarayey gobolka Maroodi jeex, kuwaas oo iskugu jiray ciyaartoyga kubadda cagta, kolayga iyo Orodadda.

6/12/2013 8:44 AM EST
Arbaco, Juun 12, 2013 (HOL) — Kulan aqoon korodhsi ah oo ay ka soo qaybgaleen ururadda maxaliga ah ee Soomaaliya iyo Somaliland, ayaa lagu qabtay hotel Maansoor ee magaaladda Hargeysa, kaas oo ay iskugu yeedhay Hay’adda Sweden u qaabilsan mucaawimooyinka ee magceedda la yidha Forum SYD.

6/12/2013 8:25 AM EST
Arbaco, Juun 12, 2013 (HOL) — Dibadbax looga soo horjeedo tacadiyada isugu jira dilalka, dhaca iyo boobka joogta ah ee lagu hayo Soomaalida ku dhaqan dalka Koonfur Africa ayaa maanta ka dhacay magaalada Baladweyne ee xarunta gobolka Hiiraan.

6/12/2013 7:55 AM EST
Arbaco, Juun 12, 2013 (HOL) — Afar qof ayaa lagu dilay laba kalena waa la dhaawacay iyadoo la la’yahay toddoba ruux oo kale, kaddib markii gaari ay dadkaan la socdeen ay kooxo hubeysan ku weerareen deegaanka Qooqe oo ka tirsan degmada Mandheera ee dalka Kenya.

6/12/2013 7:32 AM EST
Arbaco, Juun 12, 2013 (HOL) — Madaxweynaha Soomaaliya, Xasan Sheekh Maxamuud ayaa maanta kula kulmay xerada Xalane ee Muqdisho wafdi ka socday ururka Midowga Yurub, kuwaasoo uu kala hadlay xaaladda dalka Soomaaliya iyo kaalmada Midowga Yurub.

6/12/2013 7:31 AM EST
Arbaco, June 12, 2013Waxaa maanta magaalada Kismaayo soo gaaray wafdi uu horkacayay madaxweeynaha maamul goboleedka Jubbaland Sheekh Axmed Max’ed Islaam (Axmed Madoobe) oo mudooyinkii u danbeeyay ku maqnaa magaalada Nairobi ee dalka Kenya.

6/12/2013 3:17 AM EST
Arbaco, Juun 12, 2013 (HOL) — Xoogagga Al-shabaab ayaa xalay saqdii dhexe abbaare 11:00 habeenimo waxay weerar ku qaadeen degmada Baydhabo ee xarunta gobolka Bay.

6/12/2013 3:03 AM EST
Arbaco, Juun 12, 2013 (HOL) — Jaaliyadaha Soomaaliyeed ee ku kala nool dalalka Britain iyo Malaysia ayaa shalay iyo xalay sameeyay dibadbax iyo kulan baroor-diiq ah oo ay kaga horjeedeen dhibaatooyinka Soomaalida loogu geysnayo dalka Koonfur Afrika.