3/28/2024
Today from Hiiraan Online:  _
Wararka Maanta- Sabti, Jun 12, 2013
Aqoon-Korodhsi lagaga Hadlayo Maamulka iyo Qorsheynta Mashaariicda oo lagu qabtay Magaalada Hargeysa (SAWIRRO)


Arbaco, Juun 12, 2013 (HOL) — Kulan aqoon korodhsi ah oo ay ka soo qaybgaleen ururadda maxaliga ah ee Soomaaliya iyo Somaliland, ayaa lagu qabtay hotel Maansoor ee magaaladda Hargeysa, kaas oo ay iskugu yeedhay Hay’adda Sweden u qaabilsan mucaawimooyinka ee magceedda la yidha Forum SYD.

Aqoon korodhsigan oo  socon doonno saddex cisho, ayaa lagaga hadlayey Maamuladda iyo qorshaynta mashaariicdda ay bixinayso Hay’adan iyo baahiyaha ka jira deegaanadda Soomaalida iyo urur waliba  inuu soo diyaariyo meelaha uu is leeyahay wax baad ka qaban kartaa.

Kulankan waxa ka soo qaybgalay wasiirka Qorsheynta Qaranka Somaliland Dr:Sacad Cali shire, Wasiirka Deegaanka iyo Miyiga Prof:Maxamuud Siciid Muxumed (Gacamey), Maayarka magaaladda Hargeysa, Cabdiraxmaan Maxamuud Caydiid, xoghayaha guud ee golaha Guurtidda Cabdilaahi Dheere, maayarkii hore ee Gabiley Khadra Xaaji Gaydh iyo Wakiilka Somaliland u qaabilsan dalka Sweden Marwo Roodda Jaamac.

Madaxa mashaariicda SYD Mr:Musie Ephrem ayaa sheegay inay hay’adoodu ka hawlgasho koonfurta iyo bariga afrika, isla markaana ay doonayaan sdiii ay ula shaqayn lahaayeen ururada ka jira Soomaaliya iyo Somaliland, kuwaas oo saddexda cisho ee aqoon korodhsiga ka faa’iidi doonaan qaabka ugu haboon ee horumarka magaalooyinka ay ka hawlgalaan u samaysan lahaayeen iyo baahiyaha ka jira sidii wax looga qaban lahaa.

Wasiirka Qorsheynta Qaranka Dr:Sacad Cali Shire, ayaa sheegay in loo baahan yahay in si fiican loogu fiirsado mashaariicda la qoranayo si ay ugu guulaystaan, waxaanu tilmamay in mashaariic dhowaan bangiga aduunku bixinayey ay soo codsadeen 1,750 qof, balse ay ku guulaysteen mashaariicdaasi 80 qof, halka ay waayeen 1,670 qof, waxaanu tilmaamay inay samaystaan weekii ay wax ku shuban lahaayeen, isla markaana ay  ay hay’aduhu qiimeeyaan baahidda jirta, qaabka loo soo qortay iyo xisaab celinta kuwii hore, sidaa darteed ay fahmaan qaababka loo mamaulo mashaariicdda si ay ugu guulaystaan.

Wasiirka deegaanka  iyo horumarinta reer Miyiga Prof:Maxamuud Siciid Muxumed (Gacamey) ayaa sheegay in loo baahan yahay sidii loo samaysan lahaa qorshe cad oo wax lagaga qaban karayo miyi iyo magaalo, sidoo kale waxay ugu baaqay ururada ka qaybgalaya siminaarka inay ka faa’iidaystaan kuna dadaalaan inay qortaan mashariic lagu ilaalinayo deegaanka.

Maayarka magaaladda Hargeysa C/raxman Soltelko ayaa isna soo jeediyey inay mashaariicda ay qoran doonaan ku darsadaan waxyaalaha dawladda hoose ka wada shaqayn karaan, maadaama oo dawlada hoose baahi weyn u qabto arrimo badan oo lagala shaqeeyo sidii magaaladdu u noqon lahayd mid horumarsan.

Sidoo kale waxa fanaaniinta Qaranku madasha ku soo bandhigeen heeso iyo majaalo wacyigelin ah oo ka hadlaysay sidii deegaanka loo ilaalin lahaa iyo sidiii qashinka iyo xaalufka lagu waddo dhirta si wada jir ah loo wadda ilaalin lahaa, taas oo madaxdii kulanka ka soo qaybgashay iyo dadweynihii joogay aad u guubaabisay.




Barkhad-ladiif M. Cumar, Hiiraan online
[email protected]
Hargeysa, Somaliland













Click here
6/12/2013 4:38 PM EST
Arbaco, Juun 12, 2013 (HOL) — Madaxweynaha Soomaaliya, Xasan Sheekh Maxamuud ayaa maanta xaflad sagootin ah ugu sameeyay Villa Soomaaliya dajirihii hore ee Britain u joogay Soomaaliya, Matt Baugh kaddib markii ay u dhamaatay howshiisii shaqo ee Soomaaliya.

6/12/2013 12:15 PM EST
Arbaco, June 12, 2013 (HOL) - Tan iyo markii loo doortay inuu madaxweyne ka noqdo maamulka Jubbaland Sheekh Maxamed Islaan (Axmed Madoobe) ayaa waxaa kala qaybsanaani ay ka dhex jirtay dhinacyada Soomaalida oo kala taageeray madaxweynayaal dhowr ah oo halkaas looga dhawaaqay, iyadoo dawlada federaalka ah ee Soomaaliyana ay sharci darro ku tilmaantay dhammaan maamullada looga dhawaaqay Jubbooyinka.

6/12/2013 12:06 PM EST
Arbaco, Juun 12, 2013 (HOL) — Shir ay soo qabanqaabisay AMISOM oo gun-dhig u ah sidii loo sameyn lahaa sharciga horumarinta jingsiga (Ragga iyo Dumar Soomaalida) ayaa maanta ka furmay magaalada xarunta dalka Uganad, waxaana shirkaas kasoo qaybgalay dad ka socday dalal badan oo Afrikaan ah.

6/12/2013 10:24 AM EST
Arbaco, June 12, 2013(HOL)—Waxaa maalintii shalay aheyd ka dhacday magaalada Stockholm ee dalka Sweden mudaharaad ay dadka Soomaaliyeed ku sameeyey safaaradda South Africa. Mudaraadkaas oo ay ka soo qeyb galeen dad aad u badan oo isugu jira rag iyo dumar, caruur iyo dhallinyaro waxaa lagu muujinaayey sida ay dadka Soomaaliyeed ee magaalada Stockholm uga xun yihiin dilalka loo geystay Soomaalida deggan dalka South Africa oo gaar ahaan maalmihii ugu dambeeyey la kulmay dilal iyo dhac loo geystay ganacsigooda.

6/12/2013 9:54 AM EST
Arbaco, June 12, 2013(HOL)—Magaalada Geneva ee dalka Switzerland ayaa waxaa ka soconaya fadhigii 23aad ee Golaha Xuquuqul Insaanka ee QM waxaana si aad ah looga dareemayaa xaalada is badalaysa ee dalka Soomaaliya gaar ahaan midda Xuquuqul Insaanka.

6/12/2013 9:19 AM EST
Arbaco, Juun 12, 2013 (HOL) — Maayirka magaalada Hargeysa, C/iraxmaan Maxamuud Caydiid, ayaa xalay casho sharaf u sameeyey ciyaartoyga u ciyaarayey gobolka Maroodi jeex, kuwaas oo iskugu jiray ciyaartoyga kubadda cagta, kolayga iyo Orodadda.

6/12/2013 8:25 AM EST
Arbaco, Juun 12, 2013 (HOL) — Dibadbax looga soo horjeedo tacadiyada isugu jira dilalka, dhaca iyo boobka joogta ah ee lagu hayo Soomaalida ku dhaqan dalka Koonfur Africa ayaa maanta ka dhacay magaalada Baladweyne ee xarunta gobolka Hiiraan.

6/12/2013 7:55 AM EST
Arbaco, Juun 12, 2013 (HOL) — Afar qof ayaa lagu dilay laba kalena waa la dhaawacay iyadoo la la’yahay toddoba ruux oo kale, kaddib markii gaari ay dadkaan la socdeen ay kooxo hubeysan ku weerareen deegaanka Qooqe oo ka tirsan degmada Mandheera ee dalka Kenya.

6/12/2013 7:32 AM EST
Arbaco, Juun 12, 2013 (HOL) — Madaxweynaha Soomaaliya, Xasan Sheekh Maxamuud ayaa maanta kula kulmay xerada Xalane ee Muqdisho wafdi ka socday ururka Midowga Yurub, kuwaasoo uu kala hadlay xaaladda dalka Soomaaliya iyo kaalmada Midowga Yurub.

6/12/2013 7:31 AM EST
Arbaco, June 12, 2013Waxaa maanta magaalada Kismaayo soo gaaray wafdi uu horkacayay madaxweeynaha maamul goboleedka Jubbaland Sheekh Axmed Max’ed Islaam (Axmed Madoobe) oo mudooyinkii u danbeeyay ku maqnaa magaalada Nairobi ee dalka Kenya.

6/12/2013 3:17 AM EST
Arbaco, Juun 12, 2013 (HOL) — Xoogagga Al-shabaab ayaa xalay saqdii dhexe abbaare 11:00 habeenimo waxay weerar ku qaadeen degmada Baydhabo ee xarunta gobolka Bay.

6/12/2013 3:03 AM EST
Arbaco, Juun 12, 2013 (HOL) — Jaaliyadaha Soomaaliyeed ee ku kala nool dalalka Britain iyo Malaysia ayaa shalay iyo xalay sameeyay dibadbax iyo kulan baroor-diiq ah oo ay kaga horjeedeen dhibaatooyinka Soomaalida loogu geysnayo dalka Koonfur Afrika.