7/18/2019
Today from Hiiraan Online:  _
Wararka Maanta- Arbaco, Jun 12, 2013
Dibadbax ka dhan Dilalka iyo Soomaalida lagula Beegsanayo Dalka Koonfur Afrika oo ka dhacay Baladweyne (SAWIRRO)



Arbaco, Juun 12, 2013 (HOL) — Dibadbax looga soo horjeedo tacadiyada isugu jira dilalka, dhaca iyo boobka joogta ah ee lagu hayo Soomaalida ku dhaqan dalka Koonfur Africa ayaa maanta ka dhacay magaalada Baladweyne ee xarunta gobolka Hiiraan.

Banaanbaxa oo ay soo qaban qaabiyeen Ururka Midowgga Dhalinyarrada gobolka Hiiraan ayaa waxaa ka qeyb-gallay dad kooban qeybaha kala duwan ee bulshada kuwaasoo siweyn u falalka foosha xun oo ay dadka madowgga ah ee u dhashay dalka Koonfur Africa kula kacayaan Soomaalida ku dhaqan dalkaas.

Waxaa ay siteen boorar ay ku qornaayeen hal ku dhagyo ka dhan ah dowladda Koonfur Africa, iyaga oo ku qeylinayay erayo ay ku muujinayaan sida ay dareenka ula qeybsanayaan walaalaha Soomaaliyeed ee  ku nool dalka Koonfur Africa.

Guddoomiyaha Ururka Midowgga Dhalinyarrada Dhalinyarrada gobollka Hiiraan ee soo qaban-qaabiyay dibadbaxa Max'ed C/llaahi Buraale Raaxeeye ayaa sheegay in xadgudubyada ka dhanka ah xuquuqda aadanaha  ee lagula kacayo dadka Soomaalida noqon karaan danbiyo dagaal, isaga oo ugu baaqay dowladda Koonfur Africa in ay sida ugu dhaqsiyaha badan arintan wax uga qabato.

“Waxaan aragnaa falalka lagula kacayo Soomaalida ku nool dalka Koonfur Africa danbiyo dagaal oo ka dhan ah xuquuqda aadanaha, gaar ahaan dilkii arxan darrada ahaa ee loogu geystay dalkaas walaalkeen C/naasir Max'ed Good oo ahaa wiil dhalinyarro ah oo 25 sano jir ah, arinta aan la qaadan karin ayaa aheyd in shacabka reer Koonfur Africa iska daawanayeen dilka noocaas oo kale ah, '' ayuu yiri guddoomiyaha Ururka midowgga Dhalinyarrada gobolka Hiiraan.

Maxamed C/llaahi Buuraale Raaxeeya ayaa ugu baaqay dowladda federaalka Soomaaliya in ay si deg deg ah u fara-galiso tacadiyada ka dhanka ah Soomaalida ku dhaqan dalka Koonfur Africa oo hadda u muuqda ayuu yiri kuwa xadka ka sii baxaya, isaga oo taci gaar ah u dirray dhamaan ehelada muwaadininta  Soomaaliyeed ku dhimatay weerarada bahalnimada ah oo ay geysanayaan dadka South Africaanka ah.

Sidoo kale, isku soo baxa maanta ka dhacay magaalada Baladweyne waxaa ka hadllay guddoomiyihii hore ee gobolka Hiiraan Yuusuf Axmed Hagara Dabageed oo sheegay in marnaba dowladda Koonfur Africa ka sugeynin shacabka Soomaaliyeed in ay ugu abaal-gudaan falalka noocan oo kale ah, iyadoo la og-yahay ayuu yiri kaalitii ay Soomaaliya ka qaadatay sidii dalkaas looga gudbin lahaa nidaamkii midab takoorka.

“Ma'aheyn wax shacabka Soomaaliyeed ay ka sugayeen dowladda Koonfur Africa in loogu abaal-gudo falalka wuxuushnimada ah ee lagu hayo dadka Soomaalida ku nool dalkaas, laakiin waa arin waqtigeeda lagula xasaabtami doono dowladda Koonfur Africa,'' ayuu yiri guddoomiyihii hore ee gobolka Hiiraan.

Dibadbaxan ka dhacay maanta magaalada Baladweyne ayaa qeyb ka noqonayo isku soo baxyo dhowr ah oo maalmihii ugu danbeeyay ka dhacayay qeybo ka mid ah gobollada dalka iyo dalalka caalamka qaarkood.


C/raxmaan Diini, Hiiraan Online
[email protected]
Baladweyne, Soomaaliya










Click here
6/12/2013 4:38 PM EST
Arbaco, Juun 12, 2013 (HOL) — Madaxweynaha Soomaaliya, Xasan Sheekh Maxamuud ayaa maanta xaflad sagootin ah ugu sameeyay Villa Soomaaliya dajirihii hore ee Britain u joogay Soomaaliya, Matt Baugh kaddib markii ay u dhamaatay howshiisii shaqo ee Soomaaliya.

6/12/2013 12:15 PM EST
Arbaco, June 12, 2013 (HOL) - Tan iyo markii loo doortay inuu madaxweyne ka noqdo maamulka Jubbaland Sheekh Maxamed Islaan (Axmed Madoobe) ayaa waxaa kala qaybsanaani ay ka dhex jirtay dhinacyada Soomaalida oo kala taageeray madaxweynayaal dhowr ah oo halkaas looga dhawaaqay, iyadoo dawlada federaalka ah ee Soomaaliyana ay sharci darro ku tilmaantay dhammaan maamullada looga dhawaaqay Jubbooyinka.

6/12/2013 12:06 PM EST
Arbaco, Juun 12, 2013 (HOL) — Shir ay soo qabanqaabisay AMISOM oo gun-dhig u ah sidii loo sameyn lahaa sharciga horumarinta jingsiga (Ragga iyo Dumar Soomaalida) ayaa maanta ka furmay magaalada xarunta dalka Uganad, waxaana shirkaas kasoo qaybgalay dad ka socday dalal badan oo Afrikaan ah.

6/12/2013 10:24 AM EST
Arbaco, June 12, 2013(HOL)—Waxaa maalintii shalay aheyd ka dhacday magaalada Stockholm ee dalka Sweden mudaharaad ay dadka Soomaaliyeed ku sameeyey safaaradda South Africa. Mudaraadkaas oo ay ka soo qeyb galeen dad aad u badan oo isugu jira rag iyo dumar, caruur iyo dhallinyaro waxaa lagu muujinaayey sida ay dadka Soomaaliyeed ee magaalada Stockholm uga xun yihiin dilalka loo geystay Soomaalida deggan dalka South Africa oo gaar ahaan maalmihii ugu dambeeyey la kulmay dilal iyo dhac loo geystay ganacsigooda.

6/12/2013 9:54 AM EST
Arbaco, June 12, 2013(HOL)—Magaalada Geneva ee dalka Switzerland ayaa waxaa ka soconaya fadhigii 23aad ee Golaha Xuquuqul Insaanka ee QM waxaana si aad ah looga dareemayaa xaalada is badalaysa ee dalka Soomaaliya gaar ahaan midda Xuquuqul Insaanka.

6/12/2013 9:19 AM EST
Arbaco, Juun 12, 2013 (HOL) — Maayirka magaalada Hargeysa, C/iraxmaan Maxamuud Caydiid, ayaa xalay casho sharaf u sameeyey ciyaartoyga u ciyaarayey gobolka Maroodi jeex, kuwaas oo iskugu jiray ciyaartoyga kubadda cagta, kolayga iyo Orodadda.

6/12/2013 8:44 AM EST
Arbaco, Juun 12, 2013 (HOL) — Kulan aqoon korodhsi ah oo ay ka soo qaybgaleen ururadda maxaliga ah ee Soomaaliya iyo Somaliland, ayaa lagu qabtay hotel Maansoor ee magaaladda Hargeysa, kaas oo ay iskugu yeedhay Hay’adda Sweden u qaabilsan mucaawimooyinka ee magceedda la yidha Forum SYD.

6/12/2013 7:55 AM EST
Arbaco, Juun 12, 2013 (HOL) — Afar qof ayaa lagu dilay laba kalena waa la dhaawacay iyadoo la la’yahay toddoba ruux oo kale, kaddib markii gaari ay dadkaan la socdeen ay kooxo hubeysan ku weerareen deegaanka Qooqe oo ka tirsan degmada Mandheera ee dalka Kenya.

6/12/2013 7:32 AM EST
Arbaco, Juun 12, 2013 (HOL) — Madaxweynaha Soomaaliya, Xasan Sheekh Maxamuud ayaa maanta kula kulmay xerada Xalane ee Muqdisho wafdi ka socday ururka Midowga Yurub, kuwaasoo uu kala hadlay xaaladda dalka Soomaaliya iyo kaalmada Midowga Yurub.

6/12/2013 7:31 AM EST
Arbaco, June 12, 2013Waxaa maanta magaalada Kismaayo soo gaaray wafdi uu horkacayay madaxweeynaha maamul goboleedka Jubbaland Sheekh Axmed Max’ed Islaam (Axmed Madoobe) oo mudooyinkii u danbeeyay ku maqnaa magaalada Nairobi ee dalka Kenya.

6/12/2013 3:17 AM EST
Arbaco, Juun 12, 2013 (HOL) — Xoogagga Al-shabaab ayaa xalay saqdii dhexe abbaare 11:00 habeenimo waxay weerar ku qaadeen degmada Baydhabo ee xarunta gobolka Bay.

6/12/2013 3:03 AM EST
Arbaco, Juun 12, 2013 (HOL) — Jaaliyadaha Soomaaliyeed ee ku kala nool dalalka Britain iyo Malaysia ayaa shalay iyo xalay sameeyay dibadbax iyo kulan baroor-diiq ah oo ay kaga horjeedeen dhibaatooyinka Soomaalida loogu geysnayo dalka Koonfur Afrika.