10/15/2019
Today from Hiiraan Online:  _
Wararka Maanta- Arbaco, Jun 12, 2013
Madaxweynaha Soomaaliya oo Xarunta AMISOM kula kulmay Maanta Wafdi ka socday Ururka Midowga Yurub (SAWIRRO)



Arbaco, Juun 12, 2013 (HOL) — Madaxweynaha Soomaaliya, Xasan Sheekh Maxamuud ayaa maanta kula kulmay xerada Xalane ee Muqdisho wafdi ka socday ururka Midowga Yurub, kuwaasoo uu kala hadlay xaaladda dalka Soomaaliya iyo kaalmada Midowga Yurub.

Kulan albaabbadu u xirnaayeen kaddib ayaa waxaa shir jaraa’id wadajir u qabtay madaxweynaha Soomaaliya iyo madaxa guddiga siyaasadda iyo amniga Midowga Yurub, Olof Skoog oo hoggaaminayay wafdigan.

“Wafdigan waa kuwii ugu sarreeyay ee go’aan qaadashada Midowga Yurub waxayna nooga yimaadeen dalka Belgium si ay noogala hadlaan shirka lagu qaban doono bisha September ee sannadkan magaalada Brussels ee dalka Belgium kaasoo ay si wadajir ah u guddoomin doonaan aniga iyo Catherin Ashton,” ayuu yiri madaxweyne Xasan Sheekh.

Madaxweynuhu wuxuu hadalkiisa ku daray in wafdigan ay faahfaahin dheer ka siiyeen waxyaabihii dowladda u qabsoomay, wixii aan qabsoomin iyo sidoo kale waxa aan doonayno inaan hadda qabanno.

Sidoo kale, Xasan Sheekh ayaa sheegay inuu uga mahadceliyay wafdigan sida ay mar walba Midowga Yurub u garab taagan yihiin Soomaaliya, isagoo sheegay in dhawaan ay go’aamiyeen in Soomaaliya ay ka dib ugu noqoto xubinnimadii heshiiskii Cotonou oo fursad u siinaya Soomaaliya in dib u dhis ay hesho.

Dhanka kale, waxaa isagana goobta ka hadlay madaxii hoggaaminayay wafdiga, Olof Skoog oo sheegay in imaanshadooda Muqdisho ay tahay sidii ay ugu kuurgeli lahaayeen xaaladda dalka ayna ugala hadli lahaayeen madaxda Soomaalida shirka Brussels iyo horumarka la sameeyay.

“Waxaan u jeednaa Soomaaliya cusub oo dhalatay, waxaana diyaar u nahay inaan taageero la garab taagnaano tan iyo inta ay cagaheeda isaga taagayso,” ayuu Skoog ku yiri shirka jaraa’id.

Xubnaha wafdigan ayaa waxay ka koobnaayeen 18 xubnood oo ay ku jireen qaar ka mid ah danjirayaasha dalalka Yurub qaarkood u fadhiya Soomaaliya iyo kuwo kale, waxaana intii uu shirku socday ammaanka goobta sugayay ciidamada dowladda Somalia iyo kuwa AMISOM.






Maxamed Xaaji Xuseen, Hiiraan Online
[email protected]
Muqdisho, Soomaaliya










Click here
6/12/2013 4:38 PM EST
Arbaco, Juun 12, 2013 (HOL) — Madaxweynaha Soomaaliya, Xasan Sheekh Maxamuud ayaa maanta xaflad sagootin ah ugu sameeyay Villa Soomaaliya dajirihii hore ee Britain u joogay Soomaaliya, Matt Baugh kaddib markii ay u dhamaatay howshiisii shaqo ee Soomaaliya.

6/12/2013 12:15 PM EST
Arbaco, June 12, 2013 (HOL) - Tan iyo markii loo doortay inuu madaxweyne ka noqdo maamulka Jubbaland Sheekh Maxamed Islaan (Axmed Madoobe) ayaa waxaa kala qaybsanaani ay ka dhex jirtay dhinacyada Soomaalida oo kala taageeray madaxweynayaal dhowr ah oo halkaas looga dhawaaqay, iyadoo dawlada federaalka ah ee Soomaaliyana ay sharci darro ku tilmaantay dhammaan maamullada looga dhawaaqay Jubbooyinka.

6/12/2013 12:06 PM EST
Arbaco, Juun 12, 2013 (HOL) — Shir ay soo qabanqaabisay AMISOM oo gun-dhig u ah sidii loo sameyn lahaa sharciga horumarinta jingsiga (Ragga iyo Dumar Soomaalida) ayaa maanta ka furmay magaalada xarunta dalka Uganad, waxaana shirkaas kasoo qaybgalay dad ka socday dalal badan oo Afrikaan ah.

6/12/2013 10:24 AM EST
Arbaco, June 12, 2013(HOL)—Waxaa maalintii shalay aheyd ka dhacday magaalada Stockholm ee dalka Sweden mudaharaad ay dadka Soomaaliyeed ku sameeyey safaaradda South Africa. Mudaraadkaas oo ay ka soo qeyb galeen dad aad u badan oo isugu jira rag iyo dumar, caruur iyo dhallinyaro waxaa lagu muujinaayey sida ay dadka Soomaaliyeed ee magaalada Stockholm uga xun yihiin dilalka loo geystay Soomaalida deggan dalka South Africa oo gaar ahaan maalmihii ugu dambeeyey la kulmay dilal iyo dhac loo geystay ganacsigooda.

6/12/2013 9:54 AM EST
Arbaco, June 12, 2013(HOL)—Magaalada Geneva ee dalka Switzerland ayaa waxaa ka soconaya fadhigii 23aad ee Golaha Xuquuqul Insaanka ee QM waxaana si aad ah looga dareemayaa xaalada is badalaysa ee dalka Soomaaliya gaar ahaan midda Xuquuqul Insaanka.

6/12/2013 9:19 AM EST
Arbaco, Juun 12, 2013 (HOL) — Maayirka magaalada Hargeysa, C/iraxmaan Maxamuud Caydiid, ayaa xalay casho sharaf u sameeyey ciyaartoyga u ciyaarayey gobolka Maroodi jeex, kuwaas oo iskugu jiray ciyaartoyga kubadda cagta, kolayga iyo Orodadda.

6/12/2013 8:44 AM EST
Arbaco, Juun 12, 2013 (HOL) — Kulan aqoon korodhsi ah oo ay ka soo qaybgaleen ururadda maxaliga ah ee Soomaaliya iyo Somaliland, ayaa lagu qabtay hotel Maansoor ee magaaladda Hargeysa, kaas oo ay iskugu yeedhay Hay’adda Sweden u qaabilsan mucaawimooyinka ee magceedda la yidha Forum SYD.

6/12/2013 8:25 AM EST
Arbaco, Juun 12, 2013 (HOL) — Dibadbax looga soo horjeedo tacadiyada isugu jira dilalka, dhaca iyo boobka joogta ah ee lagu hayo Soomaalida ku dhaqan dalka Koonfur Africa ayaa maanta ka dhacay magaalada Baladweyne ee xarunta gobolka Hiiraan.

6/12/2013 7:55 AM EST
Arbaco, Juun 12, 2013 (HOL) — Afar qof ayaa lagu dilay laba kalena waa la dhaawacay iyadoo la la’yahay toddoba ruux oo kale, kaddib markii gaari ay dadkaan la socdeen ay kooxo hubeysan ku weerareen deegaanka Qooqe oo ka tirsan degmada Mandheera ee dalka Kenya.

6/12/2013 7:31 AM EST
Arbaco, June 12, 2013Waxaa maanta magaalada Kismaayo soo gaaray wafdi uu horkacayay madaxweeynaha maamul goboleedka Jubbaland Sheekh Axmed Max’ed Islaam (Axmed Madoobe) oo mudooyinkii u danbeeyay ku maqnaa magaalada Nairobi ee dalka Kenya.

6/12/2013 3:17 AM EST
Arbaco, Juun 12, 2013 (HOL) — Xoogagga Al-shabaab ayaa xalay saqdii dhexe abbaare 11:00 habeenimo waxay weerar ku qaadeen degmada Baydhabo ee xarunta gobolka Bay.

6/12/2013 3:03 AM EST
Arbaco, Juun 12, 2013 (HOL) — Jaaliyadaha Soomaaliyeed ee ku kala nool dalalka Britain iyo Malaysia ayaa shalay iyo xalay sameeyay dibadbax iyo kulan baroor-diiq ah oo ay kaga horjeedeen dhibaatooyinka Soomaalida loogu geysnayo dalka Koonfur Afrika.