12/8/2022
Today from Hiiraan Online:  _
Wararka Maanta- Khamiis, Feb 14, 2013
Burcad Koonfur Afrikaan ah oo Ganacsade Soomaaliyeed ku toogtay Duleedka Magaalada Cape Town ee dalka Koonfur Afrika

Khamiis, Feberaayo 14, 2013 (HOL) — Kooxo hubeysan oo Koonfur Afrikaan ah ayaa ku dilay shalay gallinkii dambe duleedka magaalada Cape Town ee dalka Koonfur Afrika ganacsade Soomaaliyeed oo lagu magacaabi jiray, Xuseen Cali Jimcaale.

Soomaalida ku nool dalka Koonfur Afrika ayaa sheegay in kooxaha hubeysan ay ugu galeen ganacsadaha dukaan uu lahaa, muran dheer kaddibna ay kooxuhu toogteen marxuumka Soomaaliyeed.

“Ganacsadaha la dilay waxaa lagu magacaabi jiray, Xuseen Cali Jimcaale, wuxuu ahaa ganacsade ay da’diisu u dhexeysay 50 illaa 60 sano, dalkanna wuxuu joogay saddex sano,” ayuu yiri Sayid Cumar oo ka mid ah ganacsatada Soomaaliyeed ee ku nool dalka Koonfur Afrika.

Kooxaha hubeysan ee dilka geystay ayaa la sheegay inay dhac u geysteen dukaanka marxuumka, halkaasna ay ka baxsadeen, iyadoo ciidamadu ay sheegeen inay baadi-goob ku hayaan kooxihii geystay dilka ganacsadaha Soomaailyeed.

Inkastoo aysan ahayn markii ugu horreysay oo ganacsade Soomaaliyeed lagu dilo dalka Koonfur Afrika, ayaa haddana waxay kusoo beegmaysaa iyadoo ciidamada ammaanka ee Koonfur Afrika ay billaabeen qorshe cusub oo ay ku ilaalinayaan hantida iyo nafta ganacsatada Soomaaliyeed ee ku nool dalka Koonfur Afrika.

Sannadkii hore oo keliya ayaa waxaa dalka Koonfur Afrika lagu dilay boqolaal qof oo Soomaali ah, kuwaasoo isugu jiray ganacsato, haween iyo caruur ku noolaa dalkaas.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
2/14/2013 12:35 PM EST
Khamiis, Feberaayo 14, 2013 (HOL) — Guddoomiyaha baarlamaanka Soomaaliya, Prof. Maxamed Sheekh Cismaan (Jawaari) iyo wafdi uu hoggaaminayo ayaa maanta kulan kula yeeshay xarunta dalka Itoobiya ee Addis Ababa, guddoonka baarlamaanka dalkaas.

2/14/2013 11:36 AM EST
Khamiis, Feberaayo 14, 2013 (HOL) — Ardayda wax ka barta Jaamacadda Nugaal faraceeda magaalada Laascaanood ayaa safar wajiyo badan kusoo maray deegaanno ka tirsan gobolka Sool, Sanaag iyo deegaanka Cayn.

2/14/2013 11:19 AM EST
Khamiis, Feberaayo 14, 2013 (HOL) — Mas’uuliyiin ka tirsan dowladda Soomaaliya ayaa maanta ka qeyb-galay aas balaaran oo degmada Guri-ceel ee gobollka Galguduud loogu sameeyay guddoomiyihii gollaha fulinta Ahlu Sunna Waljameeca Sheekh Max’ed Yuusuf Xeefoow oo maalintii shalay Muqdisho ku geeriyooday.

2/14/2013 7:00 AM EST
Khamiis, Feberaayo 14, 2013 (HOL) — Ciidamada dowladda Soomaaliya iyo kuwa AMISOM ayaa saakay la wareegay deegaanno hor leh oo ka tirsan gobolka Shabeellada Hoose, iyadoo saraakiisha dowladdu ay sheegeen inay la kulmeen iska-caabino aan xoog badnayn.

2/14/2013 6:59 AM EST
Khamiis, Feberaayo 14, 2013 (HOL) — Madaxweynaha Somaliland, Axmed Maxamed Maxamuud (Siilaanyo), ayaa safar shaqo kaga maqnaa dalka dibiiisa, ayaa maanta dalka dib ugu soo laabtay, kana hadlay kulamaddii uu la yeeshay dawladda Ingiriiska.

2/14/2013 2:45 AM EST
Khamiis, Feberaayo 14, 2013 (HOL) —Kooxo baastoolado ku hubeysan oo aan heybtooda la aqoon ayaa xalay fiidkii xaafadda Farjanno ee magaalada Kismaayo ku dilay nin ganacsade ah oo si weyn looga yaqaano magaalada Kismaayo.

2/14/2013 12:30 AM EST
Khamiis, Feberaayo 14, 2013 (HOL) — Xildhibaan Sheekh Nuur Cali Aadan oo ka mid ah mudanayaasha baarlamaanka Soomaaliya ayaa xanuun kusoo booday awgiis ugu geeriyooday xalay isbiaal ku yaalla magaalada Muqdisho.

2/14/2013 12:27 AM EST
Khamiis, Feberaayo 14, 2013 (HOL) —Al-shabaab ayaa ka hadashay geeridii ku timid guddoomiyihii golaha fulinta ee ururka Ahlusunna Waljamaaca, Sheekh Maxamed Yuusuf Xeefoow, iyagoo sheegay inuu ka mid ahaa dadka dhibaatada ku hayay shacabka muslimka ah ee Soomaaliyeed.