5/28/2023
Today from Hiiraan Online:  _
Wararka Maanta- Arbaco, Aug 7 , 2013
U diyaar-garowga Munaasabadda Ciidda oo laga dareemayo Suuqyada kala duwan ee ku yaalla Magaalada Boosaaso (SAWIRRO)


Arbaco, August 07, 2013 (HOL) — Iyadoo ay maalin keliya ka harsan tahay munaasabaddii Iidul Fidriga ayaa waxaa suuqa weyn ee magaalada Boosaaso laga dareemayaa dhaqdhaqaaq ganacsi oo xooggan.

Qaybaha suuqa ee lagu gado dharka iyo kabaha ayaa ah kuwo aad u mashquulsan. Dadweyne kumanaan qof gaaraya ayaa suuqa wax ka iibsanaya, arintaas oo keentay ciriiri badan.

Sidoo kale waxaa qaybaha kale ee suuqa ee saxmadda laga dareemayo kamid ah carwooyinka udugga, kuwa lagu gado qalabka ay ciyaalku ku ciyaaraan iyo dukaamada laga iibsado macmacaanka.

C/rashiid Salaad Hogato oo kamid ah ganacsatada suuqa ku leh carwooyinka dharka ayaa mar Hiiraan Online ay wax ka weydiisey iibka iyo in wax is beddel ahi uu ku yimid qiimaha badeecooyinka wuxuu sheegay in alaabooyinka qaar qiimahoodu uu kor u kacay.

Arrintaas ayuu u sababeeyey hoos u dhac ku yimid qiimaha lacagta Doolarka, maadaama sida uu sheegay ay suuqyada Puntland ku yaraatay lacagta Shilin Somaaliga Doolar badnina uu suuqa soo galay.

Qiimaha maciishadda daruuriga ah ayaan wax is beddel ahi ku imaan. Qqaar kamid ah ganacsatada iibiya raashinka ayaa Hiiraan Online u sheegay in qiimaha raashinku uu yahay mid fadhiya.

Munaasabadda Iidul Fidriga oo ay muslimiinta dunida oo dhami sannad walba u dabbaal degaan ayaa lagu wadaa in maalinta berri ah la xuso, inkasta oo aan weliba si rasmi ah la isugu raacin in berri ay ay iid tahay iyo in kale.






Maxamed Salaad Xaaji Dirir, Hiiraan Online
[email protected]
Puntland, Soomaaliya













Click here
Xukuumadda Soomaaliya oo ku dhawaadqay in Maalinta berri ah ay Ciida iyo Ra’iisul Wasaaraha oo Hambalyo diray
8/7/2013 3:32 PM EST
Arbaco, August 07, 2013 (HOL) — Xukuumadda Soomaaliya ayaa caawa ku dhawaaqay inay maalinta berri ah tahay ciid, waxaana hambalyo ku aaddan ciidda u diray shacabka Soomaaliyeed ra’iisul Soomaaliya, Cabdi Faarax Shirdoon Saacid.

Dowladda Soomaaliya oo deeqo waxbarasho oo ay ka heshay dalka Yemen qayb ka siisay Somaliland iyo Puntland
8/7/2013 3:30 PM EST
Arbaco, August 07, 2013 (HOL) — Wasiirka horumarinta adeegga bulshada Xukuumada Soomaaliya, Maryan Qaasim Axmed ayaa maanta oo Arbaco ah ku dhawaaqday in dowladda Soomaaliya ay ka heshay dalka Yemen deeqo waxbarasho jaamacadeed ah, kuwaasoo tiradoodu tahay 100, kuwasoo kala ah waxbarashada sare iyo shahaadaha koowaad ee Bachelor-ka.

Hay’adda HARO oo Zakaatul Fidri u qaybisay Indhoolayaal iyo Barakacayaal ku nool Muqdisho iyo Jubbada Hoose (SAWIRRO)
8/7/2013 10:01 AM EST
Arbaco, August 07, 2013 (HOL) — Hay’adda gargaarka bani’aadmanimo ee Afrika (HARO) ayaa gargaar raashin ah oo loogu talo-galay sakaatul fidriga ka qaybisay degmada Wadajir ee gobolka Banaadir iyo magaalada Kismaayo ee gobolka Jubbada Hoos, iyadoo loo qaybiyay dad dan-yar oo ay ku jireen kuwo indhoolayaal ah.

Bannaanabax looga horjeedo go’aanka uu Barclays Bank Xiriirka ugu jarayo Xawaaladaha oo ka dhacay Magaalada London
8/7/2013 8:47 AM EST
Arbaco, August 07, 2013 (HOL) — Bannaanbax looga horjeedo go’aankii uu ku gaaray bankiga Barclays inuu joojiyo adeegyadii uu u qaban jiray xawaaladaha Soomaalida ayaa maanta ka dhacay magaalada London, gaar ahaan afaafka hore ee xafiiska ra’iisul wasaaraha Britain, David Cameron.

Koox Dabley ah oo xalay meel Boosaaso u jirta 55-KM ku gubey Laba Gaari oo u Rarnaa Hay'adda Cunnada Adduunka ee WFP
8/7/2013 8:17 AM EST
Arbaco, August 07, 2013 (HOL) — Dabley hubeysan ayaa xalay ku gubey inta u dhexeysa magaalada Boosaaso iyo tuulada Kala-bayr labo gaari oo nooca xamuulka qaada ee ay Soomaalidu (Candho-meydlaha) u taqaan ah.

Munaasabad lagu Xusay Sanad-guuradii 2-aad ee Aasaasay Xisbiga DADKA oo lagu qabtay Magaalada Muqdisho (SAWIRRO)
8/7/2013 8:16 AM EST
Arbaco, August 07, 2013 (HOL) — Magaalada Muqdisho ayaa waxaa lagu qabtay munaasabad lagu xusayay sannadkii laabad ee kasoo wareegay markii la aasaasay xisbiga DADKA Soomaaliyeed oo ka mid ah xisbiyadii siyaasadeed ee ka qaybgalay doorashadii madaxnimo ee Soomaaliya.

Xoogagga Al-shabaab oo Dagaal xooggan ku qaaday degmada Afmadow oo ku taalla galbeedka Gobolka Jubbada Hoose
8/7/2013 4:57 AM EST
Arbaco, August 07, 2013(HOL) :- Xoogagga Al-shabaab ayaa dagaal xooggan ku qaaday degmada Afmadow ee gobolka Jubbada hoose, iyadoona dagaalkaasi uu sababay khasaarooyin lixaad leh oo kala gaaray dhinacyadii dagaalamay.

Dowladda Kenya oo Shuruud ku Xirtray Wareejinta Garoonka Diyaaradaha & Dekedda Magaalada Kismaayo ee Jubbada Hoose
8/7/2013 4:01 AM EST
Arbaco, August 07, 2013 (HOL) — Xukuumadda Kenya ayaa shuruud ku xirtay wareejinta garoonka diyaaradaha iyo dekedda magaalada Kismaayo ee xarunta goblka Jubbada Hoose, iyadoo dhawaan ay madaxda dalalka ay ciidamadu ka joogaan Somnalia ay kasoo saareen shir ay ku yeesheen Kampala in maamulka garoonka iyo dekedda Kismaayo lagu wareejiyo dowladda Soomaaliya.

Deeq Lacageed oo la gaarsiiyay Isbitaalka guud ee Magaalada Laascaanood ee Gobolka Sool oo Bukaanno ay Jiifaan (SAWIRRO)
8/7/2013 2:52 AM EST
Arbaco, August 07, 2013 (HOL) — Deeq lacageed oo gaareysa 1,440 dollar ayaa la gaarsiiyay bukaannada ku jira isbitaalka guud ee magaalada Laascaanood ee xarunta gobolka Sool.

Booliiska Puntland oo billaabay Howgallo Ammaanka lagu Xaqiijinayo iyo 94 Maxbuus oo Maamulku uu cafiyay [SAWIRRO]
8/7/2013 2:41 AM EST
Arbaco, August 07, 2013 (HOL) — Xilli ay muddo yari ka harsan tahay munaasabaddii Iidul Fidriga ayaa waxaa magaalooyinka waaweyn ee Puntland ka bilowday howlagallo ay ciidamada Boolisku ammaanka si weyn ugu adkeynayaan.

Dab Xooggan oo saakay ka kacay garoonka diyaaradaha Jommo Kenyatta & Duullimaadyadii Garoonkaas oo la Joojiyay (SAWIRRO)
8/7/2013 2:17 AM EST
Arbaco, August 07, 2013 (HOL) — Dab weyn oo aan la ogeyn wixii sababay ayaa saakay oo Arbaco ah ka kacay garoonka diyaaradaha Jommo Kenyata ee magaalada Nairobi, taasoo keentay in garoonka la xiro tan iyo inta amar kale laga soo saarayo.