6/2/2023
Today from Hiiraan Online:  _
Wararka Maanta- Arbaco, Aug 7 , 2013
Xoogagga Al-shabaab oo Dagaal xooggan ku qaaday degmada Afmadow oo ku taalla galbeedka Gobolka Jubbada Hoose

Arbaco, August 07, 2013(HOL) :- Xoogagga Al-shabaab ayaa dagaal xooggan ku qaaday degmada Afmadow ee gobolka Jubbada hoose, iyadoona dagaalkaasi uu sababay khasaarooyin lixaad leh oo kala gaaray dhinacyadii dagaalamay.

Dagaalka ayaa bilowday shalay gelinkii danbe waxa uuna socday ilaa xalay fiidkii, iyadoona dagaalkaasi uu sababay khasaarooyin isugu jira dhimasho iyo dhaawac oo kala gaaray dhinacyadii dagaalamay.

Goobjoogeyaal ku sugan degmada Afmadow ayaa HOL u xaqiijiyay in dagaalyahannada Al-shabaab ay gudaha u galeen magaalada, haseyeeshee dagaalka ayaa markii danbe waxa kubiiray ciidamada AMISOM ee ku sugan halkaasi.

Illaa hadda inta la ogyahay waxaa dagaalkaasi ku dhimatay in ka badan 17 qof iyadoona ay dhaawacyo kasoo gaareen tiro intaasi ka badan, waxaana dhamaan dadkaasi ay ahaayeen dhinacyadii ay dirirtu u dhexeeysay.

Taliyaha ciidamada maamulka Jubbaland Jen: Saxardiid oo warbaahinta la hadlay ayaa guulo ka sheegtay in dagaalkii xalay, isagoona xusay in ciidamadii weerarka soo qaaday ay gaarsiiyeen qasaarooyin lixaad leh.

Ilaa imika ma jiro wax war ah oo ku saabsan dagaalkaasi oo kasoo baxay dhanka Al-shabaab.

Xoogagga Al-shabaab ayaa laba jibaaray dagaalladii ay ka wadeen Soomaaliya, waxaana ay arintani ka danbeeysay kadib war kasoo baxay hogaanka sare ee Al-shabaab ay ku sheegeen in ay kordhin doonaan dagaallada ay ka wadaan Soomaaliya inta lagu gudo jiro bishan barakeeysan ee Ramadaanka.

Xasan Nuur, Hiiraan Online
[email protected]
Kismaayo-Soomaaliya













Click here
Xukuumadda Soomaaliya oo ku dhawaadqay in Maalinta berri ah ay Ciida iyo Ra’iisul Wasaaraha oo Hambalyo diray
8/7/2013 3:32 PM EST
Arbaco, August 07, 2013 (HOL) — Xukuumadda Soomaaliya ayaa caawa ku dhawaaqay inay maalinta berri ah tahay ciid, waxaana hambalyo ku aaddan ciidda u diray shacabka Soomaaliyeed ra’iisul Soomaaliya, Cabdi Faarax Shirdoon Saacid.

Dowladda Soomaaliya oo deeqo waxbarasho oo ay ka heshay dalka Yemen qayb ka siisay Somaliland iyo Puntland
8/7/2013 3:30 PM EST
Arbaco, August 07, 2013 (HOL) — Wasiirka horumarinta adeegga bulshada Xukuumada Soomaaliya, Maryan Qaasim Axmed ayaa maanta oo Arbaco ah ku dhawaaqday in dowladda Soomaaliya ay ka heshay dalka Yemen deeqo waxbarasho jaamacadeed ah, kuwaasoo tiradoodu tahay 100, kuwasoo kala ah waxbarashada sare iyo shahaadaha koowaad ee Bachelor-ka.

Hay’adda HARO oo Zakaatul Fidri u qaybisay Indhoolayaal iyo Barakacayaal ku nool Muqdisho iyo Jubbada Hoose (SAWIRRO)
8/7/2013 10:01 AM EST
Arbaco, August 07, 2013 (HOL) — Hay’adda gargaarka bani’aadmanimo ee Afrika (HARO) ayaa gargaar raashin ah oo loogu talo-galay sakaatul fidriga ka qaybisay degmada Wadajir ee gobolka Banaadir iyo magaalada Kismaayo ee gobolka Jubbada Hoos, iyadoo loo qaybiyay dad dan-yar oo ay ku jireen kuwo indhoolayaal ah.

Bannaanabax looga horjeedo go’aanka uu Barclays Bank Xiriirka ugu jarayo Xawaaladaha oo ka dhacay Magaalada London
8/7/2013 8:47 AM EST
Arbaco, August 07, 2013 (HOL) — Bannaanbax looga horjeedo go’aankii uu ku gaaray bankiga Barclays inuu joojiyo adeegyadii uu u qaban jiray xawaaladaha Soomaalida ayaa maanta ka dhacay magaalada London, gaar ahaan afaafka hore ee xafiiska ra’iisul wasaaraha Britain, David Cameron.

Koox Dabley ah oo xalay meel Boosaaso u jirta 55-KM ku gubey Laba Gaari oo u Rarnaa Hay'adda Cunnada Adduunka ee WFP
8/7/2013 8:17 AM EST
Arbaco, August 07, 2013 (HOL) — Dabley hubeysan ayaa xalay ku gubey inta u dhexeysa magaalada Boosaaso iyo tuulada Kala-bayr labo gaari oo nooca xamuulka qaada ee ay Soomaalidu (Candho-meydlaha) u taqaan ah.

Munaasabad lagu Xusay Sanad-guuradii 2-aad ee Aasaasay Xisbiga DADKA oo lagu qabtay Magaalada Muqdisho (SAWIRRO)
8/7/2013 8:16 AM EST
Arbaco, August 07, 2013 (HOL) — Magaalada Muqdisho ayaa waxaa lagu qabtay munaasabad lagu xusayay sannadkii laabad ee kasoo wareegay markii la aasaasay xisbiga DADKA Soomaaliyeed oo ka mid ah xisbiyadii siyaasadeed ee ka qaybgalay doorashadii madaxnimo ee Soomaaliya.

U diyaar-garowga Munaasabadda Ciidda oo laga dareemayo Suuqyada kala duwan ee ku yaalla Magaalada Boosaaso (SAWIRRO)
8/7/2013 8:10 AM EST
Arbaco, August 07, 2013 (HOL) — Iyadoo ay maalin keliya ka harsan tahay munaasabaddii Iidul Fidriga ayaa waxaa suuqa weyn ee magaalada Boosaaso laga dareemayaa dhaqdhaqaaq ganacsi oo xooggan.

Dowladda Kenya oo Shuruud ku Xirtray Wareejinta Garoonka Diyaaradaha & Dekedda Magaalada Kismaayo ee Jubbada Hoose
8/7/2013 4:01 AM EST
Arbaco, August 07, 2013 (HOL) — Xukuumadda Kenya ayaa shuruud ku xirtay wareejinta garoonka diyaaradaha iyo dekedda magaalada Kismaayo ee xarunta goblka Jubbada Hoose, iyadoo dhawaan ay madaxda dalalka ay ciidamadu ka joogaan Somnalia ay kasoo saareen shir ay ku yeesheen Kampala in maamulka garoonka iyo dekedda Kismaayo lagu wareejiyo dowladda Soomaaliya.

Deeq Lacageed oo la gaarsiiyay Isbitaalka guud ee Magaalada Laascaanood ee Gobolka Sool oo Bukaanno ay Jiifaan (SAWIRRO)
8/7/2013 2:52 AM EST
Arbaco, August 07, 2013 (HOL) — Deeq lacageed oo gaareysa 1,440 dollar ayaa la gaarsiiyay bukaannada ku jira isbitaalka guud ee magaalada Laascaanood ee xarunta gobolka Sool.

Booliiska Puntland oo billaabay Howgallo Ammaanka lagu Xaqiijinayo iyo 94 Maxbuus oo Maamulku uu cafiyay [SAWIRRO]
8/7/2013 2:41 AM EST
Arbaco, August 07, 2013 (HOL) — Xilli ay muddo yari ka harsan tahay munaasabaddii Iidul Fidriga ayaa waxaa magaalooyinka waaweyn ee Puntland ka bilowday howlagallo ay ciidamada Boolisku ammaanka si weyn ugu adkeynayaan.

Dab Xooggan oo saakay ka kacay garoonka diyaaradaha Jommo Kenyatta & Duullimaadyadii Garoonkaas oo la Joojiyay (SAWIRRO)
8/7/2013 2:17 AM EST
Arbaco, August 07, 2013 (HOL) — Dab weyn oo aan la ogeyn wixii sababay ayaa saakay oo Arbaco ah ka kacay garoonka diyaaradaha Jommo Kenyata ee magaalada Nairobi, taasoo keentay in garoonka la xiro tan iyo inta amar kale laga soo saarayo.