6/19/2019
Today from Hiiraan Online:  _
Wararka Maanta- Sabti, Aug 3 , 2013
AMSIOM oo Raalli-gelin ka bixisay Muwaadin Soomaaliyeed oo ay Maanta ku dileen bannaanka hore ee Xaruntooda Muqdisho


Sabti, August 03, 2013 (HOL) — AMISOM ayaa raallin-gelin ka bixisay darawal Soomaaliyeed oo ay maanta ciidamadoodu ku toogteen illinka hore ee Xalane oo ah xarunta ay AMISOM ka deggen tahay Muqdisho.

Ergayga gaarka ee Midowga Afrika u  qaabisan Soomaaliya, dajire Maxamed Saalax Anaadiif ayaa sheegay inuu aad uga naxay shilkan darawalkan lagu toogtay xilli uu ku sugnaa bannaanka hore ee xarunta AMISOM.

Warsaxafadeed ay AMISOM soo saartay ayay ku sheegtay in shilkan uu ahaa mid dhacay xilli amar lagu siiyay darawalka dhintay oo gaari xamuul waday inuu joogsado, balse uu kusoo dhawaaday illinka xarunta, markas kaddibna uu askari ka tirsan ilaalada albaabka xabado digniin ah ku riday ka hor intii uusan taayarada gaariga toogan, laakiinse nasiib-darro xabbad dhulka ku dhacday ay ku haleeshay dawaralka, dhaawac ahaanna loo geeyay isbitaalka AMISOM halkaasoo uu ku geeriyooday.

“Aad ayaan uga xumahay shilka nasiib-darrada ah ee dhacay. Waxaan sameyn doonnaa baaritaan ku saabsan sida uu shilku ku dhacay, waxaana marsiinaynaa hannaanka iyo shuruucda u aalla Midowga Afrika. AMISOM waxay ku shaqeysaa mas’uuliyad ku dhisan yareynta dhibaatooyinka kasoo gaaraya howgalkeeda dadka rayidka ah,” ayuu yiri Maxamed Anaadiif.

Ugu dambeyn, ergayga Midowga Afrika ee Soomaaliya wuxuu tacsi u diray ehelladii, saaxiibbadii iyo qoyskii uu ka geeriyooday darawalka, iyadoo aan caddeynayo in AMISOM ay halkan u joogto buu yiri taageeridda dowladda Soomaaliya iyo xaqiijinta ammaanka shacabka Soomaaliyeed.

Ma ahan markii ugu horreysay oo ciidamada AMISOM ay dad rayid ah ku dilaan Muqdisho tan iyo markii ay howgalldooda billlowdeen sannadkii 2007, waxaana dhowr jeer ay ciidammo ka tirsan AMISOM toogteen dad rayid ah oo aan waxba galabsan.

Saraakiisha AMISOM ayaa sheega in marka ay shilalka noocan oo kale ah dhacaan inay baaritaanno ku sameyn doonaan, inkastoo aan dib dambe loo arag natiijooyinka kasoo baxa baaritaannada la sameeyo.

Ciidamada Midowga Afrika ee Soomaaliya ku sugan oo tiradoodu ka badan tahay 17,000 oo askari ayaa waxay ka howlgalaan deegaanno iyo gobollo ka tirsan Soomaaliya ,waxayna ciidamada dowladda ka caawiyaan dagaallada ay kula jiraan Al-shabaab.

Maxamed Xaaji Xuseen, Hiiraan Online
[email protected]
Muqdisho, Soomaaliya










Click here
8/3/2013 7:15 PM EST
Sabti, 03 August 2013(HOL)—Taliska ciidanka booliska gobolka Minnesota gaar ahaan waaxda Metro Transit Police ayaa soo dhaweeyay 2 sarkaal oo Somali-America ah, kuwaas oo ka mid ahaa 19 saarkiil cusub oo shalay loo dhaariyay ka mid noqoshada ciidanka booliska gobolka.

8/3/2013 4:04 PM EST
Sabti, August 03, 2013 (HOL) — Eritrea ayaa sheegtay inay aqoonsan tahay madax-bannaanida dhuleed ee Soomaaliya iyo dowladda uu hoggaaminayo madaxweyne Xasan Sheekh Maxamuud; ayna taageerayaan dadaallada ay ku doonayso xasilinta dalkeeda.

8/3/2013 10:09 AM EST
Sabti, August 03, 2013 (HOL) — Madaxweynaha Soomaaliya, Xasan Sheekh Maxamud iyo wafdi uu hoggaaminayo ayaa soo gaaray magaalada Kampala ee xarunta dalka Uganda si ay uga qayb-galaan shirka dalalka ay ciidamada AMISOM ka joogaan Soomaaliya.

8/3/2013 10:03 AM EST
Sabti, August 03, 2013 (HOL) — Madaxweynihii hore ee maamulka Puntland, Jen. Cadde Muuse Xirsi ayaa iska fogeeyay eedeyn ku saabsan inuu mas’uul ka ahaa dagaallo ka dhacay Qardho, isagoo ku tilmaamay eedeyntaas mid aanay waxba ka jirin.

8/3/2013 9:24 AM EST
Sabti, August 03, 2013 (HOL) — Madaxweynaha Puntland, C/raxmaan Sheekh Maxamed Faroole ayaa ku eedeyay dowladda Somalia inay jabisay heshiisyo badan oo horay loo gaaray, isagoo ku goodiyay inay xiriirka u jari doonaan.

8/3/2013 8:29 AM EST
Sabti, August 03, 2013 (HOL) — Maxkamadda darajada koowaad ee ciidamada qalabka sida ee dowladda Soomaaliya ayaa dil toogasho ku ah ku xukuntay eedeysane, Aadan Sheekh Cabdi Sheekh Xuseen oo lagu helay in uu dilay 21-kii September, 2012 wariye Xasan Yuusuf Absuge oo ka mid ahaa wariyeyaasha ka howlgala magaalada Muqdisho.

8/3/2013 8:14 AM EST
Sabti, August 03, 2013 (HOL) — Ra’iisul wasaare ku xigeenka Somalia ahna wasiiradda arrimaha dibadda, Fowsiyo Yuusuf Xaaji Aadan ayaa ugu baaqday dalalka caalamka inay maal-gasho ku sameystaan Soomaaliya, kaddib isbedel dhinaca ammaanka ah oo ka dhacay sida ay ku sheegtay wareysi ay siisay wakaaladda wararka Shiinaha ee Shinwaa.

8/3/2013 7:38 AM EST
Sabti, August 03, 2013 (HOL) — Ugu yaraan afar qof oo dhinacyadii dagaalku u dhexeeyay ah ayaa ku dhintay, tiro kalena way ku dhaawacmeen dagaallo dagaal beeleed ka qarxay maanta deegaanka Baraag-Ciise oo ku taalla koonfurta gobolka Mudug.

8/3/2013 3:50 AM EST
Sabti, August 03, 2013 (HOL) — Afhayeenka ciidamada AMISOM, Col. Cali Aadan Xumad oo la hadlay warbaahinta ayaa sheegay inay ka shaqeynayaan sidii aanay Muqdisho mar kale uga dhici lahayn qaraxyo lagu dhibaateeyo shacabka Muqdisho.

8/3/2013 2:50 AM EST
Sabti, August 03, 2013 (HOL) — Madaxweeynaha jamhuuriyadda federaalka Soomaaliya Mudane Xasan Sheekh Max’uud iyo wafdi uu hogaaminayo ayaa maanta u ambabaxay magaalada Kampala ee dalka Uganda, halkaasoo uu uga qeybgali doono shirka madaxweeynayaasha wadamada ay ciidamada ka joogaan Soomaaliya.