5/10/2021
Today from Hiiraan Online:  _
Wararka Maanta- Talaado, Oct 15, 2013
MADAXWEYNE SIILAANYO: “Wax kasta oo aynu horay u soo qabanay waxaa ka badan howlaha dhiman ee noo yaalla” (SAWIRRO)



Talaado, Oktoobar 15, 2013 (HOL) — Waaberigii hore ee saakka, ayaa dadweynaha ku nool goboladda Somaliland ku dareereen garoomadda waaweyn si ay usoo gutaan waajibaadka labadda Ragcadood ee salaadda ciidda.

Shacabka ayaa si weyn looga dareemayey farxadda Ciidda , isla markaana waxa suuqyadda iyo wadooyinka buux dhaafiyey caruur ku labisan dharkoogii quruxda badnaa ee ay ugu tallogaleen inay maalintan oo kale xidhaan.

Dadweynaha ayaa isku salaamayey ciid mubaarak iyo saamaxnaa kum, sidoo kale waxa fariimo salaan iyo ducaba iskugu jirta ay dadweynuhu hawada iskugu marinayeen moobiladoodda.

Sidoo kale, wasiiradda Somaliland ayaa loo kala diray gobolada iyo magaalooyinka waaweyn si ay dadweynaha  ku kala dhaqan ula Ciidi lahaayeen, isla markaana ula hadli lahaayeen si ay ugu baraarujiyaan ka qaybqaadashada dhismayaasha wadooyinka iyo horumarka Somaliland.

Madaxweynaha Somaliland Axmed Maxamed Siilaanyo iyo xubno ka tirsan wasiiradiisa iyo hogaanka sare ee xisbiga KULMIYE ayaa saaka salaadii ciidda kula soo tukadday masjadka weyn ee ku yaalla badhtamaha magaalada Hargeysa, waxaanu madxweynuhu halkaasi ka jeediyey khudbad kooban oo uu kaga hadlayey munaasibadan  iyo ka qaybqaadashadda horumarka.

SAWIRRO BADAN HALKAN KA DAAWO:

Madaxweynuhu waxa uu Xuska Ciidal Adxa awgeed Hambalyo u diray Dhamaan Golayaasha Qaranka, Madax-dhaqameedka, Culimaa u-diinka, Xisbiyada Qaranka, dhammaan Bulshada reer Somaliland iyo guud ahaan bulsho-weynta Islaamka ee dunida.

“Dadaalkaasi waaka aynu maanta ku soo gaadhnay halka qarankeenu uu taagan yahay, waxaana xaqiiq ah wax kasta oo aan soo qabsannay waxa laf-dhabar u ahaa nabadgelyada aynu ku naaloonayno, taas oo ku timid Tabantaabaday laba gacmood tamar ku yeeshaane iskaashiga Shacbiga iyo Dawladda”ayuu yidhi madaxweynuhu isagoo ka hadlayey wax wada qabsiga bulshadda dhexdeedda.

Isagoo sii hadlaya ayuu intaas ku daray: “Wax kasta oo aynu soo qabsanay waxaa ka baaxad-weyn hawlaha qaran ahaan inoo yaalla, taas oo aynu kaga midho-dhalin karno in aynu dedaalkeena sii xoojinno, si aynu u gaadhno hiigsigeenna iyo halka aynu qaran ahaan u socono oo ay ugu mihiimsan tahay in qarankani helo aqoonsi buuxa”.

“Somaliland waxay u diyaar tahay in beesha caalamka iyo gaar ahaanba wadamada jaarka ay kala shaqayso nabadgelyada iyo deganaanshaha Gobolka”ayuu ku soo xidhay hadalkiisa.

Si kastaba ha ahaatee, jawiga magaaladda Hargeysa ayaa si weyn looga dareemayaa farxadda ciida, inkastoo ciidan dhaqdhaaqa suuqu yara, wallow xaga Xoolaha aad loo iibsanayey, isla markaan suuqa xooluhu uu xaami ahaa.

Barkhad-ladiif M. Cumar, Hiiraan online
[email protected]
Hargeysa, Somaliland












Click here
10/15/2013 7:22 PM EST
Sidee looga ciiday maanta munsaabadda Ciidul Adxaa. Daawo sawiro laga soo qaaday magaalada Minneapolis ee gobolka Minnesota.

10/15/2013 12:25 PM EST
Talaado, Oktoobar 15, 2013 (HOL) — Madaxweynaha Somalia Xasan Sheekh Maxamud, guddoomiyaha baarlamaanka, Maxamed Sh. Cusmaan Jawaari iyo ra’iisul wasaaraha xukuumadda, Cabdi Faarax Shirdoon (Saacid) ayaa maanta munaasabad qado-sharaf ah u sameeyey xildhibaannada golaha shacabka, waxaaba kasoo qaybgalay ra’iisul wasaare ku-xigeenka, xubno ka tirsan golaha wasiirrada iyo xubnaha baarlamaanka.

10/15/2013 12:24 PM EST
Talaado, Oktoobar 15, 2013 (HOL) — Magaalada Laascaanood ee xarunta gobolka Sool iyo degmada Buuhoodle ayaa maanta si wanaagsan looga ciiday, iyadoo ay boqolaal qof ay isugu soo baxeen goobo loo cayiray inay dadku ku tukadaan.

10/15/2013 9:33 AM EST
Talaado, Oktoobar 15, 2013 (HOL) — Madaxweynaha Soomaaliya, Xasan Sheekh Maxamuud ayaa wareysi uu siiyay wargeys wabaahinta caalamka qaarkeed ku sheegay ay ciidamada Mareykanku ku qaadeen toddobaad ka hor degmada Baraawe ee gobolka Shabeellada Hoose lagu soo wargeliyay.

10/15/2013 9:17 AM EST
Talaado, Oktoobar 15, 2013 (HOL) — Wakiilka Midowga Afrika ee arrimaha Soomaaliya Mahamet Salah Anndif iyo wafdi uu hogaaminayo oo uu ka mid yahay taliyaha guud ee ciidamada midowgga Africa AMISOM Jen Andrew Gutti ayaa gaaray magaalada Beledweyne ee xarunta gobolka Hiiraan.

10/15/2013 9:09 AM EST
Talaado, October 15, 2013(HOL) :- Munaasibadda ciidda barakeeysan ee ciidul Adxa ayaa maanta siweyn looga xusay magaalada Kismaayo, iyadoona kumannaan qof ay isugu soo baxeen fagaareyaal kala duwan oo ku yaal magaalada Kismaayo.

10/15/2013 8:57 AM EST
Talaado, Oktoobar 15, 2013 (HOL) — Munaasabada Ciidul-Adxaa oo ka mid ah munaasabadaha ku weyn quluubta shacabka muslim-ka ah meel kasta oo ay joogaan, ayaa guud ahaanba siweyn looga maamuusay gobollada dalka Soomaaliya.

10/15/2013 4:43 AM EST
Talaado, Oktoobar 15, 2013 (HOL) — Xukuumadda Soomaaliya ayaa rajo wanaagsan ka qabta in kordhinta ciidamada AMISOM ay sabab u noqon karaan in laga adkaado Al-shabaab oo ka talisa deegaanno badan oo ka tirsan Soomaaliya, kuwaasoo ay ku jiraan magaalooyinka muhiim ah oo ay ka mid tahay degmada Baraawe oo 200-km koonfur kaga beegan Muqdisho.

10/15/2013 4:22 AM EST
Talaado, Oktoobar 15, 2013 (HOL) — Wasiirka Arrimaha gudaha Somaliland Cali Maxamed Waran-cadde ayaa mamnuucay in Dad sita E-Passporka Soomaaliya aanay ka gudbi Karin xuduudda u dhexeysa Somaliland iyo Soomaaliya.

10/15/2013 4:13 AM EST
Talaado, Oktoobar 15, 2013 (HOL) — Ugu yaraan laba qof ayaa ku geeriyooday habeen hore, ruux kalana wuu ku dhaawacmay ka dib markii nin la sheegay inuu maskaxda ka xanuunsanayo rasaas oodda kaga qaaday xaflad aroos oo ka dhacaysay miyiga magaaladda Gabiley.

10/15/2013 3:49 AM EST
Talaado, Oktoobar 15, 2013 (HOL) — Madaxda dowladda Somalia ayaa kula tukaday maanta masaajidka isbahaysiga Islaamka salaaddii ciidul-adxa, iyadoo hadal uu madaxweynuhu ka jeediyay masaajidka uga dalbaday dadka Soomaaliyeed inay isku naxariistaan oo ay is-cafiyaan.