3/28/2024
Today from Hiiraan Online:  _
Wararka Maanta- Sabti, Mar 30, 2013
Wasiirka Arrimaha Dibadda Dalka Canada oo Shaaciyay inuu dhawaan booqan doono Dalka Soomaaliya


Sabti, Maarso 30, 2013 (HOL) — Wasiirka arrimaah dibadda Kanada, John Baird ayaa sheegay in sannadkan uu booqan doono dalka Soomaaliya, gaar ahaan magaalada Muqdisho, isagoo sheegay inay dowladdiisu gacan weyn siin doonto dowladda cusub ee Soomaaliya.

Mr. Baird ayaa hadalkan ka sheegay kulan lagu qabtay xalay magaalada Ottawa ee xarunta Kanada, kaasoo looga hadlayay sii daynta Bashiir Makhtal oo sannado badan ku xiran xabsi ku yaalla dalka Itoobiya.

“Sodaalka aan Soomaaliya ku tagayo wuxuu qayb ka yahay dadaal aan ku caawinayso dowladda cusub ee Soomaaliya, waxaana ka caawin doonnaa dhinaca ammaanka,” ayuu yiri wasiirka oo sharraxayay booqashada uu ku tagayo Soomaaliya.

Wasiirka arrimaha dibadda Kanada wuxuu sheegay in dowladdiis ay  si toos ah ula shaqeyn doonto dowladda cusub ee Soomaaliya ayna ugu talogaleen kaalmooyin fara badan maadaama ay kasoo kabanayso Soomaaliya coalado badan oo ragaadiyay.

Magaalada Muqdisho ayaa waxaa tan iyo sannadkii hore soo gaarayay mas’uuliyiin sarsare oo ka socda caalamka, kuwaasoo uu ka mid ahaa xoghayaha guud ee Qaramada Midoobay, Ban Ki-Moon, wasiirka arrimaha dibadda ee Ingiriiska William Hague, kaaliyaha arrimaha Afrika ee wasaaradda arrimaha dibadda Mareykanka, Johhnie Carson iyo mas’uuliyiin kale.

Dhanka kale, wasiirku wuxuu sheegay inuu booqan doono dalalka Carabta ee ku yaalla bariga iyo kuwa Islaamka, taasoo uu ku macneeyay inay tahay sidii dib loogu soo celin lahaa xiriirka Kanada iyo dalalka Carabta oo mugdi galay.

Khilaafka dalalka Carabta iyo Kanada soo dhexgalay ayaa salka ku haya kaddib markii dowladda ay iskaashi xoog leh la yeelatay Israa’iil oo cawaad badan ay kala dhexeyso dalalka Carabta ee bariga ku yaalla iyo kuwa Islaamka.

Xiriirka u dhexeeyay dalalka Kanada iyo Imaaraadka Carabta oo ahaa mid aad u wanaagsan ayaa waxaa soo dhexgalay mugdi, iyadoo dadka u dhashay dalka Kanada ee doonaya inay booqdaan Imaaraadka lagu xujeeyo Fiiso, halka markii hore ay ka qaadan jireen garoomada diyaaraha dalkaas.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
3/30/2013 3:51 PM EST
Sabti, Maarso 30, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) iyo wafdi uu hoggaaminayo oo isugu jira wasiirro iyo xildhibaanno, aynaka mid ahaayeen, wasiirka arrimaha gudaha iyo amniga Qaranka iyo wasiirka gaashaandhiga ayaa maanta booqasho ku tagay degmada Jowhar ee xarunta gobolka Shabeellada Dhexe, iyagoo la kulmay waxgaradka iyo maamulka.

3/30/2013 2:48 PM EST
Sabti, Maarso 30, 2013 (HOL) — Maxkamadda sare ee dalka Kenya ayaa ansixisay in Uhuru Kenyatta uu ku guuleystay doorashadii madaxnimo ee dalkaas ka dhacday horraantii bishan Maarso, natiijadii ay soo saareen guddiga doorashadana ay ahayd mid sax ah, waxaana go’aanka maxkamadda aad u soo dhaweeyay ra’iisul wasaaraha xilka banneynaya ee Kenya, Raila Odinga oo dacwad uu ku diidan yahay natiijada u gudbiyay maxkamadda sare ee Kenya.

3/30/2013 2:46 PM EST
Sabti, Maarso 30, 2013 (HOL) — Deegaanno hoos yimaada gobolka Bay qaarkood waxay dhaliil u soo jeediyeen hay’adaha samafalka qaarkood sida UNICEF, ICRC, FAO iyo NRC kuwaasoo kawada howlo gargaar deegaannada dhibaatada ka jirto,

3/30/2013 11:52 AM EST
Sabti, Maarso 30, 2013 (HOL) — Magaaladda Ceeryaan ee koonfur galbeed ee gobolka Sanaag, ayaa lagu soo afjaray khilaaf u dhexeeyey laba beelood oo wadda dega deegaankaasi.

3/30/2013 8:06 AM EST
Sabti, Maarso 30, 2013 (HOL) — Wasiirka Maaliyadda Somaliland C/casiis Maxamed Samaale,ayaa ka jawaabay eed loo soo jeediyey oo ahaa in gaadiid ay dawladu iibsanayso dad gaar ah uu ku siiyey qandaraasyo.

3/30/2013 8:02 AM EST
Sabti, Maarso 30, 2013 (HOL) — Dowladda Somaaliya ayaa wadda qaban-qaabada shir-weynaha Qaran oo looga tashanayo dib u habeynta garsoorka oo uu ku dhawaaqay madaxweynaha Soomaaliya, Xasan Sheekh Maxamuud uu ku dhawaaqay 11-kii bishii Febraayo ee sanadkan. Shirkan ayaa wuxuu billaabanayaa 01-da April wuxuuna soconayaa illaa 05-ta isla bisha April ee isla sanadkan 2013, wuxuuna ka dhacayaa magaalada Muqdisho.

3/30/2013 7:28 AM EST
Sabti, Maarso 30, 2013 (HOL) — Wafdi ay horkaceyso wasiirka wasaarrada hormarinta adeega bulshada ee dowladda federaalka Soomaaliya Dr. Maryan Qaasim Axmed ayaa maanta gaaray magaalada Baladweyne ee xarunta gobolka Hiiraan oo uu dhawaan ka dillaacay cudurka shuban-biyoodka.

3/30/2013 7:21 AM EST
Sabti, Maarso 30, 2013 (HOL) — Wafdi uu hoggaaminayo ra’iisul wasaaraha Soomaaliya, Cabdi Faarax Shirdoon (Saacid) ayaa gaaray degmada Jowhar ee xarunta gobolka Shabeellada dhexe, halkaasoo si weyn loogu soo dhaweeyay.

3/30/2013 6:49 AM EST
Sabti, Maarso 30, 2013 (HOL) — Dhaqaatiirta caafimaadka ciidamada Jabuuti ee howlgalka midowgga Africa AMISOM ayaa ku dhawaaqay in magaalada Baladweyne uu ka dillacay cudurka daacuunka.

3/30/2013 4:26 AM EST
Sabti, Maarso 30, 2013 (HOL) — Kaddib markii la magacaabay ra’iisul wasaaraha Soomaaliya, Cabdi Faarax Shirdoon (Saacid) ayaa wuxuu ku tagay gobollada dalka booqashooyin uu ugu kuugalayo xaaladaha ka jira gobollada dalka, taasoo ay shacabka Sooamaliyeed aad u soo dhaweeyeen.

3/30/2013 3:47 AM EST
Sabti, Maarso 30, 2013 (HOL) — Kulan looga hadlayay sii-daynta Bashiir Makhtal oo Somali-Canadian ah kuna xiran dalka Itoobiya muddo lix sano ayaa lagu qabtay xalay magaalada Ottawa ee dalka Kanada, iyadoo kulankaas ay kasoo qaybgaleen jaaliyadda Soomaaliyeed ee Ottawa, mas’uuliyiin uu ka mid yahay wasiirka arrimaha dibadda Kanada, xaaskii Bashiir Makhtal iyo walaalkiis iyo mas’uuliyiin kale.