3/28/2024
Today from Hiiraan Online:  _
Wararka Maanta- Khamiis, Jun 13, 2013
Dalalka Jabuuti iyo Shiinaha oo Qorsheynaya inay dib u dhis ku Sameeyaan Dekedda Weyn ee Magaalada Muqdisho


Khamiis, Juun 13, 2013 (HOL) — Wafdi ka socda dalalka Jabuuti iyo Shiinaha ayaa soo gaaray Muqdisho si ay u qiimeeyaan dib u dhis iyo casriyeyn lagu sameeyo dekedda weyn ee Muqdisho oo ah isha ay dowladda Soomaaliya ka hesho dhaqaalaha ugu badan ee gudaha dalka kasoo gala.

Xubnahan ka kooban labada dal ayaa soo gaaray Muqdisho Salaasadii lasoo dhaafay, si ay ugala hadlaan madaxda dekedda Soomaaliya iyo xubnaha kale ee dowladda sidii dib u dhis loogu sameyn lahaa dekedda.

“Wafdigan iyo xubnaha dowladdu waxay kawada hadlayaan sidii dib loogu casriyeyn lahaa dekedda Muqdisho,” ayuu yiri maareeyaha dekedda weyn ee Muqdisho, C/llaahi Cali Nuur oo warbaahinta la hadlay.

Maareeyuhu wuxuu hadalkiisa ku daray: “Waan soo dhaweynaynaa qorshe walba oo lagu casriyeynayo dekedda Muqdisho, waxaana si gaar ah u soo dhaweynaynaa wafdiga ka socda dalalka Jabuuti iyo Shiinaha.”

Sidoo kale, maareeyuhu wuxuu sheegay in dib u dhis iyo casriyeyn dekedda Muqdisho lagu sameeyo inay la macno tahay in la xoojiyo horumarka dalka Soomaaliya ee dhinaca ganacsiga iyo daqliga.

Inkastoo dowladaha Shiinaha iyo Jabuuti ay ku mashquulsan yihiin sidii ay dib u dhis ugu sameyn lahaayeen dekedda Muqdisho, ayaa haddana waxaa jira shirkad kale oo ka socota dalka Iiraan oo iyaduna doonaysa inay dib u dhis ku sameyso dekedda Muqdisho.

Shirkaddan Iiraan ka socota oo la sheegay inay ku shaqeynayso magaca ah Muqdisho Port Container Terminal (MPCT) ayaa dadaal weyn ugu jirta inay dowladda Soomaaliya u ogolaato inay dib u dhis ku sameeyaan dekedda Muqdisho.

Dowladda Soomaaliya ayaa dhankeeda doonaysa inay hesho shirkad dib u dhis ku sameysa dekedda Muqdisho oo ay ka hesho dhaqaalaha ugu badan ee gudaha dalka kasoo gala, iyadoo garoonka diyaaradaha ay gacanta ku hayso shirkadda SKA Air Logistic oo dib u dhis ku sameysay.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
6/13/2013 3:36 PM EST
Khamiis, June 13, 2013(HOL)—Shirkaan waxaa ujeedkiisa ahaa wadatashi ay qowmiyadda ka yeelatay arrimaha Soomaaliya gaar ahaan Jubbooyinka. Shirkaan waxaa kasoo qeyb galey Odayaal, Waayo-arag, Siyaasiyin, Dhalinyaro, Haween iyo culumaa'udiin.

6/13/2013 10:20 AM EST
Khamiis, Juun 13, 2013 (HOL) — Bandhig farshaxameed kii ugu horreeyay noociisa ayay hay’adda CRD ka furtay maanta magaalada Muqdisho, kaasoo socon doona muddo saddex maalmood ah, waxaana xafladda furitaanka goob-joog ka ahaa dad isugu jiray Soomaali iyo ajnabi.

6/13/2013 9:16 AM EST
Khamiis, Juun 13, 2013 (HOL) — Ergayga Qaramada Midoobay ee arrimaha Soomaaliya, Nicholas Kay iyo xubno la socday ayaa maanta tagay Hargeysa si uu kulammo ula yeesho madaxda Somailland oo uu ugu horreeyo Axmed Siilaanyo oo ah madaxweynaha maamulka Somaliland.

6/13/2013 8:03 AM EST
Khamiis, Juun 13, 2013 (HOL) — Madaxweyne iyo madaxweyne ku xigeen cusub ayaa maanta loo doortay maanta maamulka Ximan iyo Xeeb oo ka tiliya deegaanno ka yaalla bartamaha Soomaaliya, waxaana xubnahan cusub ee la doortay maanta u codeeyay 23-ka xubnood ee baarlamaanka maamulkaas uu ka kooban yahay.

6/13/2013 7:17 AM EST
Khamiis, Juun 13, 2013 (HOL) — Hay’adda xuquuqda aadanaha ee Human Rights Watch ayaa baarlamaanka Soomaaliya ugu baaqday inuu xoojiyo sharciga qabayada ah ee ilaalinta xuquuqda aadanaha, uuna kala tashado dhameystirkiisa bulshada Soomaaliyeed.

6/13/2013 3:06 AM EST
Khamiis, Juun 13, 2013 (HOL) — Madaxweynaha maamulka Jubaland Sheekh Axmed Maxamed Islaam (Sheekh Axmed Madoobe) oo magaalada Nairobi ugu warramay wargeyska Standard ayaa sheegay in dhismaha maamulkooda uusan ahayn mid ay ka dambeyso Kenya.