7/18/2019
Today from Hiiraan Online:  _
Wararka Maanta- Talaado, Jun 11, 2013
Axmed Madoobe oo shaaciyay inuu diyaar u yahay in dowladda Soomaaliya uu la shaqeynayo uusanna kasoo horjeedin


Talaado, Juun 11, 2013 (HOL) —Axmed Maxamed Islaam (Axmed Madoobe) oo ka mid ah ragga isku haysta xilka madaxweyne ee maamulka Jubbaland ee bishii hore looga dhawaaqay Kismaayo ayaa sheegay inuu diyaar u yahay inuu la shaqeeyo dowladda Soomaaliya ee uu hoggaaminayo Xasan Sheekh Maxamuud.

Hoggaamiyaha Raaskambooni wuxuu sheegay in maamulka uu hoggaamiyo ee Jubbaland uusan doonayn inuu ka go’o dowladda Soomaaliya, balse uu yahay mid loo sameeyay inuu maamulo Kismayo iyo deegaannada kale ee gobollada Jubbooyinka.

Isagoo ka hadlayay magaalada Nairobi oo uu ku sugan yahay ayuu sheegay Axmed Madoobe inuu rajeynayo inuu la kulmo madaxweynaha Soomaaliya uuna kula shaqeeyo dowladda habka federaalka ah ee lagu wado inay ka hirgeliso dowladdu dalka oo dhan.

“Maamulka aan madaxda ka ahay waxaa taageersan inta badan beelaha ku nool Jubbooyinka, waxaana doonayaa inaan beelaha kale ee tabashada qaba aan ka qayb-gelinno maamulka,” ayuu yiri Axmed Madoobe.

Sidoo kale, wuxuu sheegay in howlwadeennada maamulkiisa ay yihiin kuwo kasoo jeeda dhamaan beelaha ku nool gobollada Jubbooyinka sida: Baajuun, Cowro-male, Soomaali Bantu, Biya-maal, Majeerteen iyo Gaaljecel.

Axmed Madoobe wuxuu sheegay in maamulkiisa uusan ahay mid doonaya in uu xagal-daaciyo howlaha dowladda Soomaaliya, balse ay ula shaqeynayaan si wanaagsan oo aan hagar lahayn.

“Doorashadeydu waxay ahayd mid sameeyeen xubno wakiillo ka ah dadka ku nool gobollada Jubbooyinka oo dhan. Wufuuddii shirkii Kismaayo ka qaybgashayna waxay matalayeen dhammaan beelaha ku nool gobollada Jubbooyinka,” ayuu hadalkiisa raaciyay.

Axmed Madoobe ayaa hadalladan ka sheegay kulan uu la yeeshay xubno ka tirsan baarlamaanka dalka Kenya oo ay ka mid ahaayeen: Barre Aadan Shiil, Cabdullaahi Diiriye iyo Maxamed Shidiye iyo ganacsato reer Kenya ah.

Dhanka kale, Axmed Madoobe wuxuu ammaanay kaalinta ay ciidamada Kenya ka qaateen in Al-shabaab laga qabsado degmada Kismaayo oo ah xarunta gobolka Jubbada Hoose, wuxuuna xusay in ciidamada Kenya ay ka qaybqaateen tababarka ciidamada Soomaaliya.

Maxamed Xaaji Xuseen, Hiiraan Online
[email protected]
Muqdisho, Soomaaliya










Click here
6/11/2013 1:50 PM EST
Talaado, Juun 11, 2013 (HOL) —Maxaabiis iyo gaadiid muddo dheer ay kala haysteen maamullada Somaliland iyo Khaatumo ayaa makhribnimadii shalay oo Isniin ahayd lagula kala wareegay duleedka degmada Xuddun ee gobolka Sool.

6/11/2013 8:50 AM EST
Talaado, Juun 11, 2013 (HOL) — Maxkamadda gobolka Maroodi jeex, ayaa maanta soo saartay amar ay ku xayirayso wargeyska madaxa banaan ee Hubaal oo Hargeysa ka soo baxa.

6/11/2013 8:37 AM EST
Talaado, Juun 11, 2013 (HOL) — Howgallo lagu soo qabqabtay boqolaal qof oo dhallinyaro ah ayay booliiska Soomaaliya kuwa AMISOM waxay maanta ka sameeyeen degmada Huriwaa ee gobolka Banaadir, gaar ahaan xaafadda Suuqa xoolaha.

6/11/2013 8:22 AM EST
Talaado, Juun 11, 2013 (HOL) — Dab khasaare geystey ayaa abbaare 10:00-kii barqonimo ee maanta ka kacay mid kamid ah xeryaha barakacayaasha ee magaalada Garoowe ee xarunta gobolka Nugaal.

6/11/2013 7:54 AM EST
Talaado, Juun 11, 2013 (HOL) — Madaxda dowladda Soonaaliya ayaa ugu baaqay shacabka Soomaaliyeed inay ka qaybqataan sidii Soonmaaliya looga cirib-tiri lahaa cudurka halista ah ee dabeysha, kaddib markii ay madaxdu ka hadleen kulan ay soo qabanqaabisay wasaaradda arrimaha bulshada oo ka dhacday Muqdisho.

6/11/2013 7:05 AM EST
Talaado, Juun 11, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) ayaa sheegay maanta in xiisadaha ka taagan degmada Kismaayo ee gobolka Jubbada Hoose ay ku wajibi doonaan qaab wadahadal iyo nabad ah.

6/11/2013 4:01 AM EST
Talaado, Juun 11, 2013 (HOL) — Tababar soconaya muddo afar maamood ah ayaa wuxuu uga furmay dugsiga tababarrada Booliska Soomaaliyeed ee Jeneral Kaahiye 14-sarkaal oo ah taliyayaasha booliiska Soomaaliyeed ee gobollada dalka.