3/28/2024
Today from Hiiraan Online:  _
Wararka Maanta- Isniin, Dec 2 , 2013
Danjire Nicholas Kay oo ka hadlay Go’aankii Baarlamaanka Somalia uu xilka uga Xayuubiyay Ra’iisul Wasaare Saacid


Isniin, December 02, 2013 (HOL) — Ergayga Qaramada Midoobay u qaabilsan arrimaha Soomaaliya, Nicholas Kay oo qoraal soo saaray ayaa sheegay inuu soo dhaweynayo go’aankii baarlamaanka Soomaaliya ee xilka looga qaaday xukuumaddii uu horkacayay ra’iisul wasaare Saacid.

Danjire Kay ayaa sheegay in baarlamaanka Soomaaliya iyo afhayeennkooda Maxamed Sheekh Cismaan (Jawaari) ay door wanaagsan ciyaareen, isagoo xusay in fulinta howshan ay u mareen hab-sharciyeen dastuuri ah.

“Tallaabadan waa mid muhiim ah, waayo waxay qayb ka tahay howlaha uu u dhisan yahay baarlamaanka Soomaaliya. Waxayna u mareen fulinta arrintan hab sharciyeed dastuuri ah,” ayuu yiri Kay.

Xildhibannada baarlamaanka Soomaaliya ayaa maanta codka kalsoonida ah u qaaday xukuumadda ra’iisul wasaare Cabdi Faarax Shirdoon (Saacid), iyagoo si aqlabiyad ah ugu codeeyay in xukuumada kalsoonida lagala laabto.

“Hay’adaha dowladda muddo ayay soo shaqeynayeen. Qaramada Midoobay waxay halkan u joogtaa sidii ay uga qaybqaadan lahayd horumarka socda una eegi lahayd sida howsha horay loogu sii wado. Ra’iisul wasaaraha xilka ka dagaya ee Shirdoon wuxuu soo qaybtay howl badan oo horumarineed, wuxuuna door wanaagsan kasoo ciyaaray hirgelinta barnaamijka New Deal oo ah mid beesha caalamka iyo Soomaaliya isaga kaashanayaan sidii dib loogu dhisi lahaa dalka,” ayuu mar kale yiri dajire Kay.

Ergaygu wuxuu hoosta ka xariiqay in sida ugu dhaqsiyaha badan lagu soo magacaabo ra’iisul wasaare cusub, si howsha xukuumadda iyo horumarka la gaaray ay u sii socon lahaayeen.

“Waxaan rajeynayaa in madaxweynuhu uu wadatashiyo sameyn doono ka hor inta aanu soo magacaabin ra’iisul wasaare cusub. Dhammaanteen dan ayaa inoogu jirta, waxaase ku talinayaa inuu noqdo mid ka shaqeyn kara midnimada dalka, isla markaana keeni kara waxay shacabku doonayaan sida sudidda amni, sharci, dhaqaalaha oo la kobciyo iyo horumarinta howlaha ka dhexeeya bulshada.

Sidoo kale, wuxuu ku dhiirrigeliyay xildhibaanada baarlamaanka Soomaaliya inay ka shaqeeyaan danaha dadka Soomaaliyeed oo aysan marna ogolaan dano gaar ah oo la wato.

“Waxaanu doonaynaa in sannadaha soo socda ay si wadajir ah u shaqeeyaan baarlamaanka, xukuumadda ioy madaxweynaha, iyagoo ku shaqeynaya sida uu qabo dastuurka federaalka ah ee Soomaaliya u dagsan,” ayuu hadalkiisa kusoo gabgabeeyay danjire Kay.

Ergayga Qaramada Miodobay ee arrimaha Somalia ayaa wuxuu noqonayaa mas’uulkii ugu horreeyay oo caalami ah oo ka hadla go’aanka baarlamaanka uu ku tuuray ra’iisul wasaare Saacid.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
12/2/2013 12:17 PM EST
Isniin, December 02, 2013 (HOL) — Madaxweynaha Soomaaliya, Xasan Sh. Maxamuud oo ka hadlay xil ka qaadistii lagu sameeyay ra’iisul wasaare Saacid ayaa ku tilmaamay mid dastuuri ah, isagoo sheegay inay xildhibaanada baarlamaanku muujiyeen howl-karnimo iyo mas’uuliyad.

12/2/2013 10:55 AM EST
Ganacsade Maxamuud Xaaji Xassan Askar oo kamid ah ganacsatada waawayn ee Soomaalida ayaa geeri naxdin leh ku tilmaamay dhimashadii Axmed Maxamed Aadan (Qaybe) oo ahaa diblamaasigii ugu taariikhda dheeraa Soomaaliya soona maray xilal kala duwan oo ay kamid ahayd wasiirka arrimaha dibada ee Soomaaliya xilligii dawladii Maxamed Siyaad barre iyo sidoo kale C/laahi Maxamed Mire oo isna soo noqday wasiirkii waxbarashada ee Soomaaliya.

12/2/2013 8:26 AM EST
Isniin, December 02, 2013 (HOL) — Hay’adda la dagaalanka iyo xakameynta cudurka HIV/AIDS, ayaa ka warbixiyey halka uu Somaliland ka marayo cudurkaas, waxaanu sheegay inay dadku soo fahmayaan jiritaanka cudurkan, isla markaana ay dawooyinka si toos ah usoo doontaan.

12/2/2013 7:57 AM EST
Isniin, December 02, 2013 (HOL) — Waxaa lasoo gaba-gabeeyay codeyntii loo qaadayay xukuumadda ra’iisul wasaare Saacid, iyadoo xildhibaanada ay si aqlabiyad ah codka ugu diideen xukuumadda.

12/2/2013 7:20 AM EST
Isniin, December 02, 2013 (HOL) — Guddoomiyaha Baarlamaanka Somalia Maxamed Sheekh Cismaan Jawaari ayaa ku dhawaaqay in codka kalsoonida loo qaadayo xukuumadda, isagoo sheegay in codku uu noqon doono mid gacan-taag ah.

12/2/2013 6:52 AM EST
Isniin, December 02, 2013 (HOL) — Xildhibaannada Baarlamaanka Soomaaliya ayaa isku diyaarinaya hadda inay codka kalsoonida u qaadaan xukuumadda Saacid, kaddib markii ay dhammaadeen hadalladii ay jeedinayeen xildhibaannadii ka hadlayay mooshinka baarlamaanka.

12/2/2013 6:39 AM EST
Isniin, December 02, 2013 (HOL) — Ra’iisul wasaaraha Somali, Cabdi Faarax Shirdoon (Saacid) oo la hadlay warbaahinta ayaa sheegay in go’aan walba oo kasoo baxa baarlamaanka uu aqbalayo, isagoo mooshinka baarlamaanka laga geeyay ku tilmaamay mid abaabulan.

12/2/2013 2:18 AM EST
Isniin, December 02, 2013 (HOL) — Turjubaan u shaqeynayay Ciidamada AMISOM ayay kooxo hubeysan ku dileen xaafadda Suuqa Xoolaha ee degmada Huriwaa iyadoo kooxihii hubeysnaa ee dilkaas geystay iyagana la toogtay.

12/2/2013 1:56 AM EST
Isniin, December 02, 2013 (HOL) — Maanta ayaa lagu wadaa inay mar kale ka doodaan xildhibaannada baarlamaanka Soomaaliya mooshinka ka dhanka ah xukuumadda uu hoggaaminayo ra’iisul wasaare Saacid, iyadoo qorshuhu yahay in maanta lasoo gaba-gabeeyo doodda.