3/29/2024
Today from Hiiraan Online:  _
Wararka Maanta- Sabti, Aug 10, 2013
Tahriibayaal Soomaali iyo Eriteriyan isugu jira oo ku geeriyooday dooni kula degtay Xeebaha Waddanka Talyaaniga

Sabti, August 10, 2013 (HOL) — Ugu yaraan lix qof oo ka mid ah dad dooni ay kula dagtay xeebaha dalka Taliyaaniga ayaa dhintay kuwo kalena waa la badbaadiyay iyagoo khatar ugu jira inay dhintaan.

Saraakiisha dalka Talyaaniga ayaa sheegay in doomo ay leeyihiin ciidamada badda Talyaaniga ay u gurmadeen tahriibayashaas ay la dagtay doonidii ay ku safrayeen, iyagoo badbaadiyay tiro tahriibayaal ah oo aan la cayimin.

Tahriibayaasha dhintay iyo kuwa la badbaadiyay ayaa la sheegay inay kasoo jeedaan dalalka Soomaaliya iyo Eriteriya, ayna kasoo socdaaleen xeebaha dalka Liibiya si ay u gaaraan dalka Talyaaniga.

Maalmo ka hor ayay ahayd markii tahriibayaal doonayay inay gaaraan dalka Talyaaniga ay qaarkood ku dhinteen xeebaha u dhexeeya Afrika iyo Yurub halka kuwo kalena uu badbaadiyay markab ganacsi oo halkaas marayay.

Dhimashada tahriibayaashan ayaa waxay kusoo beegmaysaa iyadoo dhawaan ay Qaramada Midoobay sheegtay in sannadkan oo keliya ay gaareen xeebaha dalka Talyaaniga 7,800 oo tahriibayaal ah, kuwaasoo ka tagay xeebaha Afrika.

Sidoo kale, Qaramada Midoobay waxay sheegtay in sannadkii hore 2012 ay ku dhinteen xeebaha u dhexeeya Qaaradaha Afrika iyo Yurub in ka badan 500 qof oo isugu jiray rag iyo haween magan-galyo doon ah.

Muhaajiriin fara badan ayaa sannad walba ka baxa xeebaha dalka Liibiya iyagoo gaara xeebaha Talyaaniga iyo jasiiradda Malta, waxaana jira in kuwo badan oo tahriibayaashaas ka mid ah ay badda ku dhintaan iyagoo qorshahoodu yahay inay tagaan Yurub.

Maxamed Xaaji Xuseen, Hiiraan Online
[email protected]
Muqdisho, Soomaliya













Click here
8/10/2013 10:09 AM EST
Sabti, August 10, 2013 (HOL) — Dowladda Puntland ayaa dib u celisey markab sidey raashin ay ku deeqday hay'adda Bisha Cas ee dalka Turkiga. Markabkan ayaa dhowaan soo gaarey dekedda magaalada Boosaaso ee xarunta gobolka Bari.

8/10/2013 4:50 AM EST
Sabti, August 10, 2013 (HOL) — Xarakada Al-shabaab ayaa tartan mehrijaan ah ku qabatay shalay gellinkii dambe degmada Baraawe ee gobolka Shabeellada Hoose, kaasoo ay ka qaybgaleen dadweyne fara badan.

8/10/2013 3:50 AM EST
Sabti, August 10, 2013 (HOL) — Xildhibaanno ka tirsan golaha baarlamaanka Soomaaliya ayaa gaaray magaalada Garoowe ee xarunta Puntland iyagoo wada dadaallo ay ku doonayaan inay ku xalliyaan khilaafka siyaasadeed ee u dhexeeya Puntland iyo dowladda Soomaaliya.

8/10/2013 3:38 AM EST
Sabti, August 10, 2013 (HOL) — Saraakiil sar-sare oo Itoobiyaan ah ayaa ku dhintay shilkii diyaaradeed ee Jimcihii shalay ka dhacay garoonka diyaaradaha caalamiga ah ee Muqdisho sida uu daabacay wargeys kasoo baxa Addis Ababa oo lagu magacaabo Tadias.

8/10/2013 3:07 AM EST
Sabti, August 10, 2013 (HOL) — Ugu yaraan lix ka mid ah dhinacyadii dagaalamay ayaa ku dhintay tobaneeyo kalena way ku dhaawacmeen dagaal culus oo ciidamada dowladda Soomaaliya iyo kuwa Al-shabaab ku dhexmaray xalay duleedka degmada Ceelbarde ee gobolka Bakool.