10/2/2022
Today from Hiiraan Online:  _
Wararka Maanta- Axad, Sept 23, 2012
Dhakhaatiir Reer Kuweyt ah oo Hawlo Caafimaad ka billaabi doono Isbitaal ku yaalla Boorama oo si weyn loosoo dhaweeyay
Axad, September 23, 2012 (HOL) — Wasiirradda Caafimaadka iyo Beeraha Somaliland ayaa soo dhaweyey 11 dhakhtar oo reer Kuwayt ah oo u yimid Somaliland sidii ay qaliinno kala duwan u sameyn lahaayeenm kuwaasoo shaqadooda ka billaabi doona Isbitaalka Al-Xayaat oo ku yaalla magaalada Boorame ee xarunta gobolka Awdal.

Dhakhaatiirtan oo shan maalmood joogi doonaa, ayaa munaasibad soo dhoweyn ah loogu sameeyey magaaladda Boorama, kaas oo ay ka soo qaybgaleen maamulka Jaamacadda Cammuud, Masuuliyiinta cisbitaalka Al-xayaat, Madaxda Ha’yada Cammuud Foundation iyo maamulka gobolka.

Madaxa Cisbitaalka Al-xayaat, Maxamed Xuseen Fariid, ayaa si weyn u soo dhaweeyey dhakhaatiirtan hawlaha caafimaad ka fulin doono magaaladda  Boorame oo baahi weyn loo qabay, isagoo tilmaamay in dad badan oo meelo kala duwan ka yimid isdiiwaangeliyeen, kana faa’iidaysan doonaan hawl-galkaasi caafimaad.

madaxa hay’ada Camuud Foundation Maxamuud Faarax Cigaal oo isna madasha ka hadlay, ayaa sheegay in ay hay’ada Amuud Foundation ay dadaal u gashay dhismahii cisbitaalkan oo loogu tallo galay in dadka lagu daweeyo, sidoo kale dhaqaatiirtan Kuwait ee ay keeneen ay ugu tallo galeen inay wax ka qabtaan dawaynta dhinaca qaliinada ah ee ay baahidoodu ka jirto.

“Cid gaar ahi ma laha cisbitaalkan waxa iska leh bulshada, hadii aan wax wada qabsana wax badan ayaan qabsan karnaa, waxa intaasi dheer dhakhaatiirtani uma iman oo kaliya inay wax daweeyaan, balse waxa ay soo saari doonaan jiilkii bari na bedeli lahaa,” ayuu yidhi madaxa hay’ada samafalka ee Camuud Foundation Mr: Cigaal.

“Waa astaan horumar muujinaysa oo gobolka ka hana qaaday, sidaasi aawadeed waxa aan xukuumad ahaan diyaar u nahay inaan qaybtayada ka qaadano talaabo walba oo horumar ee dalka ka socota”ayuu yidhi WasiirkaWasaarada Beeraha ee Somaliland Md. Faarax Cilmi Geedoole oo kamid ah wasiiradii soo dhoweeyey dhakhaatiirtan, waxaanu u mahadnaqay cid kasta oo kaalin ka qaadatay keenista dhakhaatiirtan.

 Wasiirka Wasaarada Caafimaadka ee Somaliland Dr. Xuseen Maxamud Muxumed (Xuseen Xoog) oo isna munaasibadan soo dhawaynta ka hadlay, ayaa sheegay in wasaarad ahaan aad usoo dhoweynayaan hawlaha caafimaad ee dalka ka socda, isagoo amaanay hawlaha caafimaad ee dhakhaatiirani wadaan.

“Waxaan jeclaan lahaa in la karaameeyo dhakhaatiirtan oo si balaadhan loo qaabilo si mug lehna loo ii sagootiyo, hadii taasi suurawdo dareenka ay ka qaataan halkaasi ayaa waxa uu noqon doonaamid mar labaad u horseeda inay ku soo laabtaan dalka, waxaana aan u mahad naqayaa dhakhaatiirtan iyo Camuud Foundation oo ka oo shaqaysay imaatinkooda”ayuu yidhi Xuseen Xoog wasiirka wasaaradda Caafimaadka.

Sidoo kale, waxa halkaasi ka hadlay Gudoomiye ku xigeenka jaamcadda Camuud, hormoodka kuuliyadda Caafimaadka ee jaamacadda Camuud, Maayar ku xigeenka Boorame Mumin Gadiid iyo Badhasaabka gobolka Awdal Axmed Xadi Sicdi, waxaanay dhamaantood ka marag kaceen baahidda loo qabo dhakhaatiirtan, iyagoo u mahadnaqay dadkii ka soo shaqeeyey iyo dhakhaatiirta hawlaha caafimaad ee qaliinadda culculisi ku jira ka bilaabi doono magaaladda Boorame.

Barkhad-Ladiif  M. Cumar, Hiiraan Online
[email protected]
Hargeysa, Somaliland












Click here
9/23/2012 2:30 PM EST
Axad, September 23, 2012 (HOL) - Magaala madaxda Puntland ee Garoowe waxaa maanta soo gaarey wefdi uu horkacayo wakiilka cusub ee midowga Yurub u qaabilsan Soomaaliya Michal Caravan. Wefdigan oo si diiran loosoo dhoweeyey, waxay xarunta madaxtooyada kulan kula qaateen madaxweyne Cabdiraxmaan Maxamed Faroole, ku-xigeenkiisa Gen. Shire iyo xubno ka tirsan golaha wasiirada.

9/23/2012 9:24 AM EST
Axad, September 23, 2012 (HOL) — Kooxo bastoolado ku hubeysan ayaa xaafadda Suuqa Xoolaha ee degmada Huriwaa ku toogtay laba wiil oo dhallinyaro ah, kuwaas oo aan la garanayn sababta loo dilay iyo cidda dilkooda ka dambeysa.

9/23/2012 8:40 AM EST
Axad, September 23, 2012 (HOL) — Waxaa garoonka kubada cagta Cawaale ee degmada Gaalkacyo lagu soo gabagabeeyay tartan kubada cagta ah oo lagu maamuusayay Alle ha u naxatiirteen marxuum Eng Cali Xaaji Shirwac oo kol hore lagu dillay magaalada Baladweyne.

9/23/2012 8:23 AM EST
Axad, September 23, 2012 (HOL) — Dagaal culus oo u dhexeeyo ciidamada dowladda Soomaaliya oo kaashanaya kuwa Kenya iyo Xarakada Al-shabaab ayaa goor-dhawayd ka qarxay deegaanka Janaa cabdalle oo 60 KM dhanka galbeed kaga began magaalada Kismaayo ee xarunta gobolka jubada Hoose.

9/23/2012 8:16 AM EST
Axad, September 23, 2012 (HOL) — Wefti uu hoggaaminayo ergayga cusub ee Midowga Yurub u fadhiyi doona magaalada Muqdisho ayaa booqasho ku yimid magaalada Hargeysa, kaasoo la kulmay madaxweynaha Somaliland, Axmed Maxamed Maxamuud (Siillanayo) iyo shir-guddoonka golaha wakiillada Somaliland.

9/23/2012 7:12 AM EST
Axad, September 23, 2012 (HOL) — Xarakada Al-shabaab ayaa sheegtay inay ka dambeysay dil mudane ka tirsan baarlamaanka Soomaaliya loogu geystay xalay degmada Waaberi ee gobolka Banaadir, kaddib markii ay dabley bastoolado ku hubeysan ay gurigiisa ku weerareen.

9/23/2012 6:59 AM EST
Axad, September 23, 2012 (HOL) — Hay'adda shaqada adduunka ee ILO ayaa ka furtay maanta Muqdisho mashruuc lagu horumarinayo ganacsiga haweenka, taasoo ay ka qaybgaleen mas'uuliyiin ka socda dowladda Soomaaliya iyo xubno ka socday hay'adaha bulshada rayidka Soomaaliyeed.

9/23/2012 6:58 AM EST
Axad, September 23, 2012 (HOL) — Kulankan oo loogu baroordiiqayay wariyeyaashii lagu laayay magaalada Muqdisho ayaa waxa uu ka dhacay Hotel Bin-Ali oo ku yaal xaafadda Eastleigh, waxaana kasoo qeybgalay suxufiyiinta Soomaaliyeed ee ka howlgasha magaalada Nairobi iyo marti sharaf kale.

9/23/2012 6:07 AM EST
Axad, september 23, 2012(HOL): Munaasabad si weyn loo soo agaasimay oo ay ka qeybgaleen dad aad u faro badan, isla markaana lagu taageerayay dowladda cusub ee Soomaaliya ayaa ka dhacday Magaalada Katrineholm ee dalka Sweden.

9/23/2012 1:31 AM EST
Axad, September 23, 2012 (HOL) — Howlgallo lagu soo qabqabtay dad fara badan ayay cidamada amaanka dowladdu xalay ka sameeyeen degmooyinka, Waaberi, Hodan iyo Wadajir, iyadoo ciidamadu ay baaritaanno ku sameynayeen guryaha iyo gaadiidka.

9/23/2012 1:28 AM EST
Axad, September 23, 2012 (HOL) — Taliska ciidamada AMISOM ayaa sheegay inay isku soo dhiibeen shalay oo Sabti ahayd 200 dagaalyahan oo ka tisran Xarakada Al-shabaab, kuwaasoo ay sheegeen inay kasoo tageen degmada Jowhar ee gobolka Shabeellada dhexe.

9/23/2012 1:24 AM EST
Axad, September 23, 2012 (HOL) — Waxaa degmada Qardho ee xarunta gobolka Karkaar maalintii labaad ku sugan xubno ka tirsan gudiga madaxa banaan ee doorashooyinka Puntand oo uu horkacayo gudoomiyaha gudigaasi, Dr. Maxamed Xasan Barre.