3/29/2024
Today from Hiiraan Online:  _
Wararka Maanta- Axad, Sept 23, 2012
Kulan loogu Baroor-diiqayay Suxufiyiintii Siyaabaha kala duwan loogu dilay Muqdisho oo ka dhacay Magaalada Nairobi ee dalka Kenya
Axad, September 23, 2012 (HOL) — Kulankan oo loogu baroordiiqayay wariyeyaashii lagu laayay magaalada Muqdisho ayaa waxa uu ka dhacay Hotel Bin-Ali oo ku yaal xaafadda Eastleigh, waxaana kasoo qeybgalay suxufiyiinta Soomaaliyeed ee ka howlgasha magaalada Nairobi iyo marti sharaf kale.

Kulankan oo ahaa mid loogu baroordiiqayay wariyeyaasha kala Allaha u naxariistee Liibaan Cali Nuur iyo Cabdi Sataar Daahir Sabriye oo labaduba u shaqeyn jiray TV-ga iyo idaacadda Qaranka iyo Wariye  Xasan Yuusuf Absuge oo u shaqeyn jiray Radio Maanta iyo Yaasiin Cali oo ahaa agaasimaha idaacadda VOD ayaa waxaa goobjoog ka ahaa wariyeyaasha kahowlgala magaalada Nairobi iyadoona sidoo kale uu kasoo qeybgalay safiirka Soomaaliya u fadhiya dalka Kenya Max'ed Cali Ameeriko.

Kulanka ayaa waxa kahadlay saxafiyiin iyo culumaa'udiin kuwaasoo si kulul u cambaareeyay qaraxii ugu danbeeyay ee ka dhacay maqaayadda the Village ee ay dadka badani ku baaba'een, waxaana dadkii goobta ka hadlayay ay dhamaantoodba si isku mid ah u cambaareeyeen dilalka qorsheysan ee ka dhanka ah suxufiyiinta ka howlgasha magaalada Muqdisho.

Max'ed Axmed Ilkacase oo katirsan TV-ga qaranka Soomaaliya oo goobta ka hadlay ayaa sheegay in uu aad uga xunyahay dilka loo geystay wariyeyaashii qaranka, isagoona cambaareeyn dusha uga tuureen kooxihii falkaasi ka danbeeyay, wuxuuna sidoo kale ugu baaqay suxufiyiinta Soomaaliyeed in ay go'aan wadajir ah ka qaataan kooxaha kasoo horjeeda jiritaankooda islamarkaasina dilalka u geysanaya.

Sidoo kale Max'ed Gaarane oo goobta hadallo ka jeediyay ayaa ugu horeyn u tacsiyeeyay ehellada, qaraabada iyo asxaabta ay ka geeriyoodeen suxufiyiintii la laayay wuxuuna si kulul u cambaareeyay dilalka loo geysanayo suxufiyiinta isagoona ugu baaqay suxufiyiinta Soomaaliyeed in ay midoobaan islamarkaasina ay noqdaan dad isku duuban oo ugu yaraan awoodi kara in ay wax u qabtaan caruurta iyo ehellada suxufiyiinta lagu leynayo gudaha dalka Soomaaliya.

Kulanka ayaa laga aqriyay taariikh nololeedka qaar kamid ah suxufiyiintii lagu laayay Muqdisho, waxaana dhamaan dadkii goobta ka hadlay ay si kulul u cambaareeyeen dilalka loo geysanayo suxufiyiinta kahowlgasha gudaha dalka, waxayna ugu baaqeen dowladda Federaalka Soomaaliya in ay wax ka qabato ammaanka suxufiiyinta ka howlgasha gudaha dalka.

Ugu danbeyn waxa goobta ka hadlay Safiirka Soomaaliya u fadhiya Kenya Max'ed Cali Ameeriko oo isagu si kulul u cambaareeyay kooxaha bartilmaameedsanaya wariyeyaasha ka howlgala magaalada Muqdisho, wuxuuna sidoo kale tacsi u diray ehellada wariyeyaasha lagu dilay Muqdisho.

Kulankan ayaa kusoo beegmaya xilli ay isa soo tarayaan dilalka ka dhanka ah wariyeyaasha kahowlgala magaalada Muqdisho ilaa imikana ma muuqato tallaabo cad oo looga hortagayo dhiiga wariyayaasha ee sida xaqdarrada ah loogu daadinayo gudaha dalka Soomaaliya.
 
Xasan Nuur, Hiiraan Online
[email protected]
Kismaayo, Soomaaliya












Click here
9/23/2012 2:30 PM EST
Axad, September 23, 2012 (HOL) - Magaala madaxda Puntland ee Garoowe waxaa maanta soo gaarey wefdi uu horkacayo wakiilka cusub ee midowga Yurub u qaabilsan Soomaaliya Michal Caravan. Wefdigan oo si diiran loosoo dhoweeyey, waxay xarunta madaxtooyada kulan kula qaateen madaxweyne Cabdiraxmaan Maxamed Faroole, ku-xigeenkiisa Gen. Shire iyo xubno ka tirsan golaha wasiirada.

9/23/2012 9:24 AM EST
Axad, September 23, 2012 (HOL) — Kooxo bastoolado ku hubeysan ayaa xaafadda Suuqa Xoolaha ee degmada Huriwaa ku toogtay laba wiil oo dhallinyaro ah, kuwaas oo aan la garanayn sababta loo dilay iyo cidda dilkooda ka dambeysa.

9/23/2012 8:52 AM EST
Axad, September 23, 2012 (HOL) — Wasiirradda Caafimaadka iyo Beeraha Somaliland ayaa soo dhaweyey 11 dhakhtar oo reer Kuwayt ah oo u yimid Somaliland sidii ay qaliinno kala duwan u sameyn lahaayeenm kuwaasoo shaqadooda ka billaabi doona Isbitaalka Al-Xayaat oo ku yaalla magaalada Boorame ee xarunta gobolka Awdal.

9/23/2012 8:40 AM EST
Axad, September 23, 2012 (HOL) — Waxaa garoonka kubada cagta Cawaale ee degmada Gaalkacyo lagu soo gabagabeeyay tartan kubada cagta ah oo lagu maamuusayay Alle ha u naxatiirteen marxuum Eng Cali Xaaji Shirwac oo kol hore lagu dillay magaalada Baladweyne.

9/23/2012 8:23 AM EST
Axad, September 23, 2012 (HOL) — Dagaal culus oo u dhexeeyo ciidamada dowladda Soomaaliya oo kaashanaya kuwa Kenya iyo Xarakada Al-shabaab ayaa goor-dhawayd ka qarxay deegaanka Janaa cabdalle oo 60 KM dhanka galbeed kaga began magaalada Kismaayo ee xarunta gobolka jubada Hoose.

9/23/2012 8:16 AM EST
Axad, September 23, 2012 (HOL) — Wefti uu hoggaaminayo ergayga cusub ee Midowga Yurub u fadhiyi doona magaalada Muqdisho ayaa booqasho ku yimid magaalada Hargeysa, kaasoo la kulmay madaxweynaha Somaliland, Axmed Maxamed Maxamuud (Siillanayo) iyo shir-guddoonka golaha wakiillada Somaliland.

9/23/2012 7:12 AM EST
Axad, September 23, 2012 (HOL) — Xarakada Al-shabaab ayaa sheegtay inay ka dambeysay dil mudane ka tirsan baarlamaanka Soomaaliya loogu geystay xalay degmada Waaberi ee gobolka Banaadir, kaddib markii ay dabley bastoolado ku hubeysan ay gurigiisa ku weerareen.

9/23/2012 6:59 AM EST
Axad, September 23, 2012 (HOL) — Hay'adda shaqada adduunka ee ILO ayaa ka furtay maanta Muqdisho mashruuc lagu horumarinayo ganacsiga haweenka, taasoo ay ka qaybgaleen mas'uuliyiin ka socda dowladda Soomaaliya iyo xubno ka socday hay'adaha bulshada rayidka Soomaaliyeed.

9/23/2012 6:07 AM EST
Axad, september 23, 2012(HOL): Munaasabad si weyn loo soo agaasimay oo ay ka qeybgaleen dad aad u faro badan, isla markaana lagu taageerayay dowladda cusub ee Soomaaliya ayaa ka dhacday Magaalada Katrineholm ee dalka Sweden.

9/23/2012 1:31 AM EST
Axad, September 23, 2012 (HOL) — Howlgallo lagu soo qabqabtay dad fara badan ayay cidamada amaanka dowladdu xalay ka sameeyeen degmooyinka, Waaberi, Hodan iyo Wadajir, iyadoo ciidamadu ay baaritaanno ku sameynayeen guryaha iyo gaadiidka.

9/23/2012 1:28 AM EST
Axad, September 23, 2012 (HOL) — Taliska ciidamada AMISOM ayaa sheegay inay isku soo dhiibeen shalay oo Sabti ahayd 200 dagaalyahan oo ka tisran Xarakada Al-shabaab, kuwaasoo ay sheegeen inay kasoo tageen degmada Jowhar ee gobolka Shabeellada dhexe.

9/23/2012 1:24 AM EST
Axad, September 23, 2012 (HOL) — Waxaa degmada Qardho ee xarunta gobolka Karkaar maalintii labaad ku sugan xubno ka tirsan gudiga madaxa banaan ee doorashooyinka Puntand oo uu horkacayo gudoomiyaha gudigaasi, Dr. Maxamed Xasan Barre.