8/8/2022
Today from Hiiraan Online:  _
Wararka Maanta- Axad, Oct 21, 2012
Sayladaha Somaliland ee xoolaha oo dhaq-dhaaq ganacsi oo xawli ah ka socdaan iyo qiimihii xoolaha oo sare u kacay

Axad, October,21, 2012 (HOL)- Qiimaha Adhiga la kala siisanayo, ayaa maalmihii u dambeeyey sare u kacay ka dib markii baahidda xoolaha ee laga rabo mawsimka xajka ay sare u kacday,iyadoo dhaq-dhaqaaqa salayduhu ay aad u kordheen.

 

Sayladda ugu weyn ee magaaladda Burco ayaa si weyn looga dareemayaa sare u kaca qiimaha neefka adhiga ah la siisanayo, waxaana aroor walba sayladaasi yimaada xoolo lagu qiyaasay afartan kun oo neef oo ka kala yimaada guud ahaan dhulka soomaalida sida gobolada dhaxe ee soomaaliya, killilka shanaad ee itoobiya iyo guud ahaan Somaliland, taas oo saxmad galisay suuqa xoolaha, isla markaana ka dhigtay mid mashquul ah.

 

Dadka qaar ayaa ku doodaya in Sanadkan waxa kor u qaaday qiimaha xoolaha ay tahay tartanka shirkadaha dhoofiya xoolaha oo batay, kuwaas oo iskugu jira kuwa Carab ah iyo soomaali, iyadoo la kala laayahay xoolihii, isla markaana la doonayo in laga gaadhsiiyo inta aan la gaadhin Ciidal Adxa, waxaana faa’iido badan ka helay suuqa sare u kacay dad aad u faro badan oo qaybaha kala duwan ee bulshada ka kooban, waxa iyaguna aan kala joogsan gaadiidka guraya oo si  isdaba joog ah u gaynaya maxjarka Berbera ee xoolaha lagu baadho iyo kuwa xoolaha ka soo guray dhulka miyiga ah ee aad ka u fog fog, kuwaas oo keenaya saylada.

Dhaq-dhaqaaqan iibsiga xoolaha ayaa qoysas badan kor u qaaday noloshooddii, iyagoo ka faa’iidaystay suuqa xaamiga ah ee ka socda sayladaha kala duwan ee dalka, gaar ahaan Saylada ugu weyn ee magaaladda Burco oo xoolo aad u faro badan ay maalintii iskugu yimaadaan.

 

Qiimayaasha adhiga ee sayladaha Xoolaha ee haatani dhanka ahminka ayaa isugu u dhexeeya 75-85 oo Dollar neefka adhiga ah, kaasi oo noqonaya qiimihii ugu sareeyay ee dhawaanahan ay gaadhaan xoolaha lagu kala iibsado sayladaha xoolaha ee dalka.

 

 “xoolaha haatan Saylada imanayaana waa kuwo ka tiro badan oo caafimaadkooduna yahay mid fiican, markaas waxa runtii aan ku tilmaami karnaa sanadkani inuu yahay mid faa’iido weyn u leh dadkeenii xoola dhaqatada ahaa iyo kuwii ka ganacsanayayba”ayuu yidhi mid ka mid dilaaliinta xoolaha.

 

Suuqa xaamiga ah ee ka socda sayladaha ayaa faa’iido weyn ka heleen xoolo dhaqatadii oo neefkooddii qiimo wanaagsan u soo jaray, waxa kale oo iyana ka macaashay ganacsatadii iyo dadkii ka shaqaynayey daabulka xoolaha, kuwaas oo xagii nolosha wax iska bedelaan, iyadoo shirkad kasta maalintii iibsato in ka badan sodan kun oo neef, taasina ay keentay in xoolo la kala waayo, oo iyagii oo saylada soo gaadhin dhexda lagu kala iibsado.

 

Barkhad-Ladiif  M. Cumar, Hiiraan Online

[email protected]

Hargeysa, Somaliland













Click here
10/21/2012 3:20 PM EST
Axad, October, 21, 2012 (HOL)- Madaxweynaha Somaliland Mudane Axmed Maxamed Maxamud (Siilaanyo) ayaa maanta Xadhiga ka jaray mashaariic kala duwan oo laga hirgaliyey magaaladda Berbera ee gobolka Saaxiil.

10/21/2012 3:18 PM EST
Magaalada Nairobi waxaa ka qabsoomay shir ay soo qaban qaabiyeen Youth Forum Mandera, kaasoo looga hadlayey sida dhalin yarada ay qeyb uga noqon karaan horumarka ka socda County-ga Mandera ee Gobolka Waqooyi Bari ee dalkan Kenya.

10/21/2012 3:00 PM EST
Axad, Oktoobar, 21, 2012 (HOL) – Mas’uuliyiinta maamulka gobollka Hiiraan ayaa ka warbixiyay qarax culus oo maanta ka dhacay mid ka mid ah xaafaddaha magaalada Baladweyne, xili ay howlgal miino baaris ah ku guda jireen ciidamada dowladda Itoobiya.

10/21/2012 9:10 AM EST
Axad, October,21, 2012 (HOL)- Xarunta maamulka Puntland ee Garoowe, waxaa maanta soo gaarey wefdi heer sare ah oo ka socda ururka midowga Yurub, uuna horkacayey safiirka cusub ee midowga Yurub u qaabilsan arimaha Soomaaliya, Michele Cervone.

10/21/2012 9:04 AM EST
Axad, October 21, 2012(HOL): Safiirka Soomaaliya ee Rwanda Ambassador C/llaahi Shiikh Maxamed ayaa warqadaha aqoonsiga danjirenimo u gudbiyay Madaxweynaha dalkaas Mr. Paul Kagame, iyadoo maamuus aad u heer sarreeyana loogu sameeyay madaxtooyada Kigali ee Rwanda.

10/21/2012 7:13 AM EST
Axad, October, 21, 2012 (HOL)-Abaanbuulaha Ciidamada Dowladda Soomaaliya Jen. Cabdikariin Yuusuf Dhego-badan ayaa shaaciyay howlgallo baaxad leh oo ay qorsheynayaan in ay dhawaan sameeyaan, kuwaasi oo ay ku doonayaan in ay Magaalada Muqdisho iyo gobollada dalka isku xiraan.

10/21/2012 7:06 AM EST
Axad, October, 21, 2012 (HOL)-Ciidamada Booliska Dowladda Soomaaliya ayaa howlgallo ayaa saaka ka sameeyeen magaalada xaafado ka tirsan Degmooyinka Magaaalada Muqdisho ayaa waxay ku soo qabqabteen rag hubeysan oo dil iyo dhac ka geystay.

10/21/2012 6:29 AM EST
Axad, October, 21, 2012 (HOL)-Golaha Wakiiladda, ayaa guddagalay ka doodista xeerka mihnadleyaasha caafimaadka, kaas oo loo samayn doono bahda caafimaadka xeer dabri doona oo ay ku shaqayn doonaan.

10/21/2012 6:23 AM EST
Axad, October 21, 2012(HOL): Ciidamada dowladda Soomaaliya iyo kuwa Raaskaambooni ayaa xalay kusoo rogay magaalada Kismaayo Bandow, iyadoona dadka lagu wargeliyay dadka in ay guryahooda ku sugnaadaan saacadaha uu bandowga jiro.

10/21/2012 6:17 AM EST
Axad, October 21, 2012(HOL): Xildhibaan Yuusuf Xasan Cabdi oo ah xildhibaan Soomaaliyeed oo laga soo doortay xaafada Kama Kunji ee magaalada Nairobi ayaa waxaa uu maalmihii la soo dhaafay socdaal ku marayay gobollada Soomaalidu dagto ee dalka Maraykanka, waxa uuna xildhibaanku la hadlay jaaliyadaha Soomaalida oo uu ka codsanayay in ay ka garabsiiyaan dadaalka uu ugu jiro sidii uu markale u guulaysan lahaa.