8/8/2022
Today from Hiiraan Online:  _
Wararka Maanta- Axad, Oct 21, 2012
Wakiilka midowga Yurub u qaabilsan Soomaaliya iyo wefdi uu horkacayo oo Garoowe soo gaarey


Axad, October,21, 2012 (HOL)- Xarunta maamulka Puntland ee Garoowe, waxaa maanta soo gaarey wefdi heer sare ah oo ka socda ururka midowga Yurub, uuna horkacayey safiirka cusub ee midowga Yurub u qaabilsan arimaha Soomaaliya, Michele Cervone.

 

Wefdigan oo dhowr xubnood ka koobnaa, waxay xarunta madaxtooyada kulan muddo kooban socdey kula qaateen, madaxweyne Cabdiraxmaan Maxamed (Faroole), ku-xigeenkiisa Gen. Cabdisamed Cali Shire iyo xubno ka tirsan golaha wasiirada oo ay kamid ahaayeen: Wasiirka arimaha gudaha Gen. (Ilko-jiir) iyo wasiirka cadaaladda Cabdikhaliif (Ajaayo).

 

Markii uu kulankaasi soo gaba gaboobey kadib, ayaa waxaa warbaahinta la hadlay madaxweyne Cabdiraxmaan(Faroole), isagoo ka warbixiyey waxyaabihii ay wefdiga EU ka socda isla soo qaadeen.

 

Wuxuuna sheegay in ay ka wada hadleen sidii la isaga kaashan lahaa la dagaalanka Burcad badeeda, islamarkaana midowga Yurub uu gacan uga geysan lahaa tayeynta ciidamada badda ee Puntland.

 


"Waxan ka wada hadalnay sida la isaga kaashan karo la dagaalaka Burcad deeda iyo sidii ay gacan nooga siin lahayeen tayeynta ciidamada la dirira burcad badeeda" madaxweyne Faroole ayaa yiri.

 

Waa markii labaad ee uu wakiilka cusub ee midowga Africa u qaabilsan arimaha Soomaaliya uu Puntland soo gaaro tan iyo intii xilkaas loo magacaabay, waxayna ahayd markii ugu horeysey ee uu yimaado 23 bishii lasoo dhaafay ee September.

 

Michele Cervoni wuxuu shalay magaalada Muqdisho kula kulmay madaxweynaha Jamhuuriyadda Federaalka ah ee Soomaaliya mudane Xasan Sheekh Maxamuud, isagoo u gudbiyey waraaqo muujinaya aqoonsigiisa safiirnimo.

 

 

Maxamed Salaad Xaaji Dirir, Hiiraan Online

[email protected]

Puntland, Soomaliya













Click here
10/21/2012 3:20 PM EST
Axad, October, 21, 2012 (HOL)- Madaxweynaha Somaliland Mudane Axmed Maxamed Maxamud (Siilaanyo) ayaa maanta Xadhiga ka jaray mashaariic kala duwan oo laga hirgaliyey magaaladda Berbera ee gobolka Saaxiil.

10/21/2012 3:18 PM EST
Magaalada Nairobi waxaa ka qabsoomay shir ay soo qaban qaabiyeen Youth Forum Mandera, kaasoo looga hadlayey sida dhalin yarada ay qeyb uga noqon karaan horumarka ka socda County-ga Mandera ee Gobolka Waqooyi Bari ee dalkan Kenya.

10/21/2012 3:00 PM EST
Axad, Oktoobar, 21, 2012 (HOL) – Mas’uuliyiinta maamulka gobollka Hiiraan ayaa ka warbixiyay qarax culus oo maanta ka dhacay mid ka mid ah xaafaddaha magaalada Baladweyne, xili ay howlgal miino baaris ah ku guda jireen ciidamada dowladda Itoobiya.

10/21/2012 9:05 AM EST
Axad, October,21, 2012 (HOL)- Qiimaha Adhiga la kala siisanayo, ayaa maalmihii u dambeeyey sare u kacay ka dib markii baahidda xoolaha ee laga rabo mawsimka xajka ay sare u kacday,iyadoo dhaq-dhaqaaqa salayduhu ay aad u kordheen.

10/21/2012 9:04 AM EST
Axad, October 21, 2012(HOL): Safiirka Soomaaliya ee Rwanda Ambassador C/llaahi Shiikh Maxamed ayaa warqadaha aqoonsiga danjirenimo u gudbiyay Madaxweynaha dalkaas Mr. Paul Kagame, iyadoo maamuus aad u heer sarreeyana loogu sameeyay madaxtooyada Kigali ee Rwanda.

10/21/2012 7:13 AM EST
Axad, October, 21, 2012 (HOL)-Abaanbuulaha Ciidamada Dowladda Soomaaliya Jen. Cabdikariin Yuusuf Dhego-badan ayaa shaaciyay howlgallo baaxad leh oo ay qorsheynayaan in ay dhawaan sameeyaan, kuwaasi oo ay ku doonayaan in ay Magaalada Muqdisho iyo gobollada dalka isku xiraan.

10/21/2012 7:06 AM EST
Axad, October, 21, 2012 (HOL)-Ciidamada Booliska Dowladda Soomaaliya ayaa howlgallo ayaa saaka ka sameeyeen magaalada xaafado ka tirsan Degmooyinka Magaaalada Muqdisho ayaa waxay ku soo qabqabteen rag hubeysan oo dil iyo dhac ka geystay.

10/21/2012 6:29 AM EST
Axad, October, 21, 2012 (HOL)-Golaha Wakiiladda, ayaa guddagalay ka doodista xeerka mihnadleyaasha caafimaadka, kaas oo loo samayn doono bahda caafimaadka xeer dabri doona oo ay ku shaqayn doonaan.

10/21/2012 6:23 AM EST
Axad, October 21, 2012(HOL): Ciidamada dowladda Soomaaliya iyo kuwa Raaskaambooni ayaa xalay kusoo rogay magaalada Kismaayo Bandow, iyadoona dadka lagu wargeliyay dadka in ay guryahooda ku sugnaadaan saacadaha uu bandowga jiro.

10/21/2012 6:17 AM EST
Axad, October 21, 2012(HOL): Xildhibaan Yuusuf Xasan Cabdi oo ah xildhibaan Soomaaliyeed oo laga soo doortay xaafada Kama Kunji ee magaalada Nairobi ayaa waxaa uu maalmihii la soo dhaafay socdaal ku marayay gobollada Soomaalidu dagto ee dalka Maraykanka, waxa uuna xildhibaanku la hadlay jaaliyadaha Soomaalida oo uu ka codsanayay in ay ka garabsiiyaan dadaalka uu ugu jiro sidii uu markale u guulaysan lahaa.