8/8/2022
Today from Hiiraan Online:  _
Wararka Maanta- Axad, Oct 21, 2012
Abaanduulaha Ciidanka Xoogga Dalka Soomaaliya oo sheegay in ay Muqdisho iyo Gobollada dalka isku furi doonaan

Axad, October, 21, 2012 (HOL)-Abaanbuulaha Ciidamada Dowladda Soomaaliya Jen. Cabdikariin Yuusuf Dhego-badan ayaa shaaciyay howlgallo baaxad leh oo ay qorsheynayaan in ay dhawaan sameeyaan, kuwaasi oo ay ku doonayaan in ay Magaalada Muqdisho iyo gobollada dalka isku xiraan.

 

Jen. Dhego-badan waxaa uu sheegay in howlgallada ay sameynayaan ay yihiin kuwo amniga lagu hagaajinayo, sidoo kalena gobollada dalka iyo gobolka Banaadir ay isku xiri doonaan, “Waxaan dooneynaa in aan isku furno waddooyinka isku xira Baydhabo iyo Muqdisho, Kismaayo iyo Muqdisho iyo Beledweyne iyo Muqdisho, mana ahan mid aan qarineyno”ayuu yiri Jen. Dhego-badan oo u warramayay Laanta Afka Soomaaliga ee BBC-da.

 

Jen. Dhego-badan oo wax laga weydiiyay in meelihii ay horay u qabsadeen oo ay Magaalada Marka ka mid tahay in ay dadka magaalada ka cabanayaan ciidamada, wuxuuna sheegay in aysan arrintaas jirin, haddii ay dhacdana ay sharciga horkeeni doonaan qofkii dhibaato u geysta shacabka.

 

Ciidamada Dowladda Soomaaliya oo ay kaalmeynayaan kuwa Amisom oo muddo sanado ah ku sugnaa Muqudisho iyo daafaheeda ayaa hadda waxay gaareen degmooyin ka tirsan Gobolka Shabeelaha Hoose, iyadoo sida abaanduuluhu sheegayna  ay u sii dhaqaaqi doonaan gobollada Bay, Hiiraan iyo Jubbooyinka.

 

 

Maxamed Xaaji Xuseen, Hiiraan Online

[email protected]

Muqdisho, Soomaaliya













Click here
10/21/2012 3:20 PM EST
Axad, October, 21, 2012 (HOL)- Madaxweynaha Somaliland Mudane Axmed Maxamed Maxamud (Siilaanyo) ayaa maanta Xadhiga ka jaray mashaariic kala duwan oo laga hirgaliyey magaaladda Berbera ee gobolka Saaxiil.

10/21/2012 3:18 PM EST
Magaalada Nairobi waxaa ka qabsoomay shir ay soo qaban qaabiyeen Youth Forum Mandera, kaasoo looga hadlayey sida dhalin yarada ay qeyb uga noqon karaan horumarka ka socda County-ga Mandera ee Gobolka Waqooyi Bari ee dalkan Kenya.

10/21/2012 3:00 PM EST
Axad, Oktoobar, 21, 2012 (HOL) – Mas’uuliyiinta maamulka gobollka Hiiraan ayaa ka warbixiyay qarax culus oo maanta ka dhacay mid ka mid ah xaafaddaha magaalada Baladweyne, xili ay howlgal miino baaris ah ku guda jireen ciidamada dowladda Itoobiya.

10/21/2012 9:10 AM EST
Axad, October,21, 2012 (HOL)- Xarunta maamulka Puntland ee Garoowe, waxaa maanta soo gaarey wefdi heer sare ah oo ka socda ururka midowga Yurub, uuna horkacayey safiirka cusub ee midowga Yurub u qaabilsan arimaha Soomaaliya, Michele Cervone.

10/21/2012 9:05 AM EST
Axad, October,21, 2012 (HOL)- Qiimaha Adhiga la kala siisanayo, ayaa maalmihii u dambeeyey sare u kacay ka dib markii baahidda xoolaha ee laga rabo mawsimka xajka ay sare u kacday,iyadoo dhaq-dhaqaaqa salayduhu ay aad u kordheen.

10/21/2012 9:04 AM EST
Axad, October 21, 2012(HOL): Safiirka Soomaaliya ee Rwanda Ambassador C/llaahi Shiikh Maxamed ayaa warqadaha aqoonsiga danjirenimo u gudbiyay Madaxweynaha dalkaas Mr. Paul Kagame, iyadoo maamuus aad u heer sarreeyana loogu sameeyay madaxtooyada Kigali ee Rwanda.

10/21/2012 7:06 AM EST
Axad, October, 21, 2012 (HOL)-Ciidamada Booliska Dowladda Soomaaliya ayaa howlgallo ayaa saaka ka sameeyeen magaalada xaafado ka tirsan Degmooyinka Magaaalada Muqdisho ayaa waxay ku soo qabqabteen rag hubeysan oo dil iyo dhac ka geystay.

10/21/2012 6:29 AM EST
Axad, October, 21, 2012 (HOL)-Golaha Wakiiladda, ayaa guddagalay ka doodista xeerka mihnadleyaasha caafimaadka, kaas oo loo samayn doono bahda caafimaadka xeer dabri doona oo ay ku shaqayn doonaan.

10/21/2012 6:23 AM EST
Axad, October 21, 2012(HOL): Ciidamada dowladda Soomaaliya iyo kuwa Raaskaambooni ayaa xalay kusoo rogay magaalada Kismaayo Bandow, iyadoona dadka lagu wargeliyay dadka in ay guryahooda ku sugnaadaan saacadaha uu bandowga jiro.

10/21/2012 6:17 AM EST
Axad, October 21, 2012(HOL): Xildhibaan Yuusuf Xasan Cabdi oo ah xildhibaan Soomaaliyeed oo laga soo doortay xaafada Kama Kunji ee magaalada Nairobi ayaa waxaa uu maalmihii la soo dhaafay socdaal ku marayay gobollada Soomaalidu dagto ee dalka Maraykanka, waxa uuna xildhibaanku la hadlay jaaliyadaha Soomaalida oo uu ka codsanayay in ay ka garabsiiyaan dadaalka uu ugu jiro sidii uu markale u guulaysan lahaa.