3/28/2024
Today from Hiiraan Online:  _
Wararka Maanta- Axad, Oct 21, 2012
Magaalada Kismaayo oo xalay bandow ku jirtay iyo baaritaanno saaka ka billowday qaar ka tirsan Xaafadaha Magaalada

Axad, October 21, 2012(HOL): Ciidamada dowladda Soomaaliya iyo kuwa Raaskaambooni ayaa xalay kusoo rogay magaalada Kismaayo  Bandow, iyadoona dadka lagu wargeliyay dadka in ay guryahooda ku sugnaadaan saacadaha uu bandowga jiro.

 

Gaadiid ay ku xiran yihiin cod-baahiyayaal  ayaa loogu sheegay shacabka reer Kismaayo in wixii ka dambeeya salaadda Maqrib ay ku sugnaadaan guryahooda  isla markaasina ciddii jabisa ammarkaasi waxaa loogu hanjabay in laga qaadi doono tallaabo sharci ah.

 

Bandowga ayaa ka billowday abaare 6:30 maqribnimo, wuxuuna ku ekaa ilaa waaga ka baryay, waxaana saraakiisha ciidamada dowladda iyo kuwa Raaskaambooni ay sheegeen in bandowgani ay uga dan leeyihiin xaqiijinta ammaanka magaalada Kismaayo oo maalmihii u danbeeyay faraha kasii baxayay.

 

Dhinaca kale howlgallo baaritaanno ah ayaa saaka ka billowday qaar katirsan xaafadaha magaalada Kismaayo, waxaana ciidamada howlgalladani fulinaya ay guri guri u galayaan xaafadaha ay ka bilaabeen howlgalka.

 

“Howlgallada waxay ka socdaan Xaafadaha Faanoole iyo Farjanno, waxaana labadaasi xaafad lagu soo daadiyay ciidamo tiro badan,” sidaa waxa yiri goobjooge ku sugan magaalada Kismaayo oo HOL u waramay isagoo ka gaabsaday in magaciisa la xigto.

 

Ammaanka magaalada Kismaayo ayaa maalmihii u dambeeyay u muuqanayay mid faraha kasii baxayay kadib markii habeenno is xigxiga lagu laayay dad rayid ah oo aan waxba galabsan.

 

 

Xasan Nuur, Hiiraan Online

[email protected]

Kismaayo, Soomaaliya













Click here
10/21/2012 3:20 PM EST
Axad, October, 21, 2012 (HOL)- Madaxweynaha Somaliland Mudane Axmed Maxamed Maxamud (Siilaanyo) ayaa maanta Xadhiga ka jaray mashaariic kala duwan oo laga hirgaliyey magaaladda Berbera ee gobolka Saaxiil.

10/21/2012 3:18 PM EST
Magaalada Nairobi waxaa ka qabsoomay shir ay soo qaban qaabiyeen Youth Forum Mandera, kaasoo looga hadlayey sida dhalin yarada ay qeyb uga noqon karaan horumarka ka socda County-ga Mandera ee Gobolka Waqooyi Bari ee dalkan Kenya.

10/21/2012 3:00 PM EST
Axad, Oktoobar, 21, 2012 (HOL) – Mas’uuliyiinta maamulka gobollka Hiiraan ayaa ka warbixiyay qarax culus oo maanta ka dhacay mid ka mid ah xaafaddaha magaalada Baladweyne, xili ay howlgal miino baaris ah ku guda jireen ciidamada dowladda Itoobiya.

10/21/2012 9:10 AM EST
Axad, October,21, 2012 (HOL)- Xarunta maamulka Puntland ee Garoowe, waxaa maanta soo gaarey wefdi heer sare ah oo ka socda ururka midowga Yurub, uuna horkacayey safiirka cusub ee midowga Yurub u qaabilsan arimaha Soomaaliya, Michele Cervone.

10/21/2012 9:05 AM EST
Axad, October,21, 2012 (HOL)- Qiimaha Adhiga la kala siisanayo, ayaa maalmihii u dambeeyey sare u kacay ka dib markii baahidda xoolaha ee laga rabo mawsimka xajka ay sare u kacday,iyadoo dhaq-dhaqaaqa salayduhu ay aad u kordheen.

10/21/2012 9:04 AM EST
Axad, October 21, 2012(HOL): Safiirka Soomaaliya ee Rwanda Ambassador C/llaahi Shiikh Maxamed ayaa warqadaha aqoonsiga danjirenimo u gudbiyay Madaxweynaha dalkaas Mr. Paul Kagame, iyadoo maamuus aad u heer sarreeyana loogu sameeyay madaxtooyada Kigali ee Rwanda.

10/21/2012 7:13 AM EST
Axad, October, 21, 2012 (HOL)-Abaanbuulaha Ciidamada Dowladda Soomaaliya Jen. Cabdikariin Yuusuf Dhego-badan ayaa shaaciyay howlgallo baaxad leh oo ay qorsheynayaan in ay dhawaan sameeyaan, kuwaasi oo ay ku doonayaan in ay Magaalada Muqdisho iyo gobollada dalka isku xiraan.

10/21/2012 7:06 AM EST
Axad, October, 21, 2012 (HOL)-Ciidamada Booliska Dowladda Soomaaliya ayaa howlgallo ayaa saaka ka sameeyeen magaalada xaafado ka tirsan Degmooyinka Magaaalada Muqdisho ayaa waxay ku soo qabqabteen rag hubeysan oo dil iyo dhac ka geystay.

10/21/2012 6:29 AM EST
Axad, October, 21, 2012 (HOL)-Golaha Wakiiladda, ayaa guddagalay ka doodista xeerka mihnadleyaasha caafimaadka, kaas oo loo samayn doono bahda caafimaadka xeer dabri doona oo ay ku shaqayn doonaan.

10/21/2012 6:17 AM EST
Axad, October 21, 2012(HOL): Xildhibaan Yuusuf Xasan Cabdi oo ah xildhibaan Soomaaliyeed oo laga soo doortay xaafada Kama Kunji ee magaalada Nairobi ayaa waxaa uu maalmihii la soo dhaafay socdaal ku marayay gobollada Soomaalidu dagto ee dalka Maraykanka, waxa uuna xildhibaanku la hadlay jaaliyadaha Soomaalida oo uu ka codsanayay in ay ka garabsiiyaan dadaalka uu ugu jiro sidii uu markale u guulaysan lahaa.