8/18/2022
Today from Hiiraan Online:  _
Wararka Maanta- Jimco, Oct 19, 2012
Dabley hubeysan oo xalay ku Toogatay Bartamaha Magaalada Kismaayo Nabaddoon si weyn looga yaqaanay degmadaas

Jimco, Oktoobar 19, 2012 (HOL) — Kooxo dabley ah ayaa xalay ku toogtay gudaha magaalada Kismaayo ee xarunta gobolka Jubbada Hoose nabaddoon si weyn looga yaqaan degmadaas oo lagu magacaabi jiray, Xasan Sheekh kaddib markii ay kooxdu ku weerartay afaafka hore ee gurigiisa.

Dilkan ayaa waxaa geystay kooxo bastoolado ku hubeysan oo wajiga qarsaday sida uu sheegay mid ka mid ah nabaddoonnada ku sugan Kismaayo, iyadoo kooxihii dilka geystay ay goobta ka baxsadeen markiiba.

"Xasan Sheekh wuxuu ahaa 70-jir waxaana lagu toogtay illinka gurigiisa; kooxihii ka dambeeyay dilkiisa oo wajiga qarsadayna markiiba way baxsadeen," ayuu u sheegay warbaahinta nabaddoon kale oo sababo ammaan awgood magaciisa u qariyay.

Cidamada dowladda ayaa la sheegay inay goobta uu dilku ka dhacay tageen ayna billaabeen baaritaanno ay ku raadinayaan kooxihii dilkaas ka dambeeyay, iyadoo uu noqonayo nabaddoonkan kii labaad oo degamdaas lagu dilo tan iyo markii Al-shabaab lagala wareegay laba todobaad ka hor.

Ma jirto cid sheegatay inay mas'uul ka tahay dilka loo geystay nabaddoonka iyadoo sidoo kalena aysan saraakiisha dowladda ee Jubbooyinka sheegin cid ay u qabteen dilka loo geystay nabaddoonkan.

Tan iyo markii ciidamada dowladda, kuwa Kenya iyo Raaskambooni ay la wareegeen gacan ku haynta magaalada Kismaayo ee xarunta gobolka Jubbada Hoose waxaa ka dhacayay degmadaas dilal loo geysanayo dadka rayidka ah, kuwaasoo ay geysanayaan kooxo hubeysan oo aan la garanayn.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
10/19/2012 10:26 AM EST
Jimco, Oktoobar, 19, 2012 (HOL) - Shirkada Xawaalada Jubba Express ayaa maanta gaarsiiyay deeq lacageed qoysas dhibaateysan oo isugu jiray kuuwii ay saameynta ku yeelatay fatahaadii dhawaan ku dhuftay magaalada Baladweyne iyo qoysas ay la soo darseen daruufo kale oo dhinaca nolasha ah.

10/19/2012 4:51 AM EST
Jimco, Oktoobar 19, 2012 (HOL) — Ciidamada Nabadsugidda dowladda Soomaaliya ayaa xalay fiidkii xoriyadiisa dib ugu soo celiyay wariye Khadar Max’uud Xareed oo mudo sedex maalmood ah u xirnaa.

10/19/2012 4:23 AM EST
Jimco, Oktoobar 19, 2012 (HOL) — Xiriirka Sooamaliyeed ee Kubadda Cagta ayaa weydiisatay ciidamada AMISOM inay ka guuraan garoonka kubadda cagta Muqdisho (Stadium Muqdisho) si loogu qabto ciyaaraha kubadda cagta ah.

10/19/2012 4:03 AM EST
Jimco, Oktoobar 19, 2012 (HOL) — Maxkamad ku taalla gobolka Minnesota ee dalka Mareykanka ayaa ayaa dambiyo ku saabsan inuu taageero u fidiyay Al-shabaab ku heshay nin Soomaaliyeed oo lagu magacaabo, Maxamuud Siciid Cumar, kaddib dacwad toban maalmood socotay.

10/19/2012 3:51 AM EST
Jimco, Oktoobar 19, 2012 (HOL) - Ciidamada badda Puntland ayaa howlgal ay xalay ka sameeyeen meel u dhow degmada Qandala ee gobolka Bari, kusoo qabtay hub sharci daro ah oo laga soo dejiyey meel xeeb ah oo degmadaas wax yar ka durugsan.