3/29/2024
Today from Hiiraan Online:  _
Wararka Maanta- Jimco, Oct 19, 2012
Shirkada Xawaladda Jubba Express oo deeq lacageed gaarsiisya qoysas ku dhibaateysan magaalada Baladweyne


Jimco, Oktoobar, 19, 2012 (HOL) -  Shirkada Xawaalada Jubba Express ayaa maanta gaarsiiyay deeq lacageed qoysas dhibaateysan oo isugu jiray kuuwii ay saameynta ku yeelatay fatahaadii dhawaan ku dhuftay magaalada Baladweyne iyo qoysas ay la soo darseen daruufo kale oo dhinaca nolasha ah.

 

Cawaale Cabdi Faarax oo ah wakiilka shirkada Jubba Express oo deeqda garsisayay qoysaska dhibaateysan ayaa HOL uga waramay cadadka lacagta ay bixiyeen tirada dadka ka faa’ideystay gargaarka ay shirkadu bixisay.

 

‘’Marka qoysaska waxaa ka soo xulanay xeryaha ay ku barakaceen, shirkadu waa ay ugu talagalay ilaa 1000 qoys in qoyskiiba la siiyo lacag dhan $ 100 doolar, waayo sida aan ognahay maalmihii ugu danbeeyay dadkan waxaa la siinayay raashin, sidaa daraadeed waxaa garanay in aan lacag siino si ay ugu fushadaan adeeg kale oo ay u baahan yihiin,’’ Cawaale Cabdi Faarax.

 


Dadkii ka faa’ideystay gaargaarka ay maanta bixisay shirkada Jubba Express ayaa siweyn u sooo dhaweeyay deeqda la soo gaarsiiyay, waxaana ay sheegeen in gargaarkan uu noqonaya tii ugu balaarneyd oo soo gaarta.

 

Tan iyo wixii ka danbeeyay dhawaan markii ay fatahaadu ku dhufatay magaalada Baladweyne waxaa jiray gurmad xoog leh oo la gaarsiinayay dadka ay dhibaatadu soo gaartay, waxaana qeybta ugu weyn gurmadaas ka qaatay shirkadaha xawaaladaha, kuwa is gaarsiinta, jaaliyadaha dibada, iyo waliba dad kale oo iskood isku xil qaamay.



C/raxmaan Diini, Hiiraan Online

[email protected]
Baladweyne, Soomaaliya,













Click here
10/19/2012 4:51 AM EST
Jimco, Oktoobar 19, 2012 (HOL) — Ciidamada Nabadsugidda dowladda Soomaaliya ayaa xalay fiidkii xoriyadiisa dib ugu soo celiyay wariye Khadar Max’uud Xareed oo mudo sedex maalmood ah u xirnaa.

10/19/2012 4:23 AM EST
Jimco, Oktoobar 19, 2012 (HOL) — Xiriirka Sooamaliyeed ee Kubadda Cagta ayaa weydiisatay ciidamada AMISOM inay ka guuraan garoonka kubadda cagta Muqdisho (Stadium Muqdisho) si loogu qabto ciyaaraha kubadda cagta ah.

10/19/2012 4:06 AM EST
Jimco, Oktoobar 19, 2012 (HOL) — Kooxo dabley ah ayaa xalay ku toogtay gudaha magaalada Kismaayo ee xarunta gobolka Jubbada Hoose nabaddoon si weyn looga yaqaan degmadaas oo lagu magacaabi jiray, Xasan Sheekh kaddib markii ay kooxdu ku weerartay afaafka hore ee gurigiisa.

10/19/2012 4:03 AM EST
Jimco, Oktoobar 19, 2012 (HOL) — Maxkamad ku taalla gobolka Minnesota ee dalka Mareykanka ayaa ayaa dambiyo ku saabsan inuu taageero u fidiyay Al-shabaab ku heshay nin Soomaaliyeed oo lagu magacaabo, Maxamuud Siciid Cumar, kaddib dacwad toban maalmood socotay.

10/19/2012 3:51 AM EST
Jimco, Oktoobar 19, 2012 (HOL) - Ciidamada badda Puntland ayaa howlgal ay xalay ka sameeyeen meel u dhow degmada Qandala ee gobolka Bari, kusoo qabtay hub sharci daro ah oo laga soo dejiyey meel xeeb ah oo degmadaas wax yar ka durugsan.