8/18/2022
Today from Hiiraan Online:  _
Wararka Maanta- Jimco, Oct 19, 2012
Maxkamad ku taalla Gobolka Minnesota ee Waddanka Mareykanka oo nin Soomaali ah ku heshay inuu caawin jiray Al-shabaab
Jimco, Oktoobar 19, 2012 (HOL) — Maxkamad ku taalla gobolka Minnesota ee dalka Mareykanka ayaa ayaa dambiyo ku saabsan inuu taageero u fidiyay Al-shabaab ku heshay nin Soomaaliyeed oo lagu magacaabo, Maxamuud Siciid Cumar, kaddib dacwad toban maalmood socotay.


Ninkan Soomaaliga ah oo 46-jir ah ayaa lagu helay shan dambi oo ay ka mid yihiin inuu lacago ku taageeray Al-shabaab, inuu dhallinyarada u qori jiray iyo inuu ka qaybgalay dambiyo ay ka mid yihiin isku-ay afduub sida lagu sheegay warbixinta ay maxkamaddu soo saartay.

Garsoorayaasha maxkamadda ayaa sheegaya in dambiyada ay ku keeni karaan ruuxa lagu helay in lagu xukumo xabsi muddo dheer ah. Iyadoo la dhageystay ka hor inta aan la sheegin in dambiyada lagu helay ninkan markhaatiyaal saddex ah oo caruurtoodii ay ka tageen Minneapolis ayna ku biireen Al-shabaab.

Markhaatiyaasha la dhageystay ayaa waxaa ku jiray hooyo dhashay wiil 19-jir ah oo ku biiray Al-shabaab kuna dhintay Soomaaliya iyo gabar la dhalatay wiilkii ugu horreeyay ee Soomaali-Mareykan ah oo fal is-qarxin ah ka sameeya Soomaaliya.

Garyaqaannadii u doodayay Maxamuud Siciid ma aysan keenin wax markhaatiyaal ah, waxaana maxkamadda laga sheegay in lacago uu bixiyay Cumar lagu iibiyay qori AK-47 ah si ay Al-shabaab ugu dagaalanto.

Dadkii dacwadda ka qaybqaadanayay ayaa waxaa loo shiday cajalado dacaayado ah oo ay Al-shabaab sameysatay, kuwaasoo ay ka dhex muuqdeen weerar lagu qaadayo ciidammo Itoobiyaan ah oo ka mid ahaa kuwii caawinayay dowladdii Soomaaliya.

Dacwaddan ayaa waxay ka qayb ka ahayd dacwado ka dhan ah 19 ruux oo Soomaali ah Mareykan ah, kuwaasoo ay ku jiraan shan ku dhimatay gudaha dalka Soomaaliya iyagoo u dagaalamaya Xarakada Al-shabaab.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
10/19/2012 10:26 AM EST
Jimco, Oktoobar, 19, 2012 (HOL) - Shirkada Xawaalada Jubba Express ayaa maanta gaarsiiyay deeq lacageed qoysas dhibaateysan oo isugu jiray kuuwii ay saameynta ku yeelatay fatahaadii dhawaan ku dhuftay magaalada Baladweyne iyo qoysas ay la soo darseen daruufo kale oo dhinaca nolasha ah.

10/19/2012 4:51 AM EST
Jimco, Oktoobar 19, 2012 (HOL) — Ciidamada Nabadsugidda dowladda Soomaaliya ayaa xalay fiidkii xoriyadiisa dib ugu soo celiyay wariye Khadar Max’uud Xareed oo mudo sedex maalmood ah u xirnaa.

10/19/2012 4:23 AM EST
Jimco, Oktoobar 19, 2012 (HOL) — Xiriirka Sooamaliyeed ee Kubadda Cagta ayaa weydiisatay ciidamada AMISOM inay ka guuraan garoonka kubadda cagta Muqdisho (Stadium Muqdisho) si loogu qabto ciyaaraha kubadda cagta ah.

10/19/2012 4:06 AM EST
Jimco, Oktoobar 19, 2012 (HOL) — Kooxo dabley ah ayaa xalay ku toogtay gudaha magaalada Kismaayo ee xarunta gobolka Jubbada Hoose nabaddoon si weyn looga yaqaan degmadaas oo lagu magacaabi jiray, Xasan Sheekh kaddib markii ay kooxdu ku weerartay afaafka hore ee gurigiisa.

10/19/2012 3:51 AM EST
Jimco, Oktoobar 19, 2012 (HOL) - Ciidamada badda Puntland ayaa howlgal ay xalay ka sameeyeen meel u dhow degmada Qandala ee gobolka Bari, kusoo qabtay hub sharci daro ah oo laga soo dejiyey meel xeeb ah oo degmadaas wax yar ka durugsan.