11/14/2019
Today from Hiiraan Online:  _
Wararka Maanta- Sabti, Jun 23, 2012
Bulshadda Somaliland oo aragti kala duwan ka bixisay Qodobaddii kasoo baxay Shirkii dhexmaray Somaliland iyo Soomaaliya


Sabti, June 23, 2012 (HOL) — Dadka reer Somaliland ayaa siyaabo kala duwan uga hadlay Natiijaddii ka soo baxay wada hadalkii Somaliland iyo Somalia dhexmaray, iyagoo intoo badani qalbi furan ku soo dhoweeyey qodobaddaasi ka soo baxay shirkaasi.

Meelaha la iskugu yimaaddo ayaa dadku inta badani ku hadal hayeen wixii ka soo baxay labadda garab ee Somaliland iyo Somalia, iyadoo inta badan ay guul tirsanayeen shacabka Somaliland, wallow aanay guddidu ka wada hadal arrimihii ugu waaweynaa ee qadiyadda Somaliland ee madax banaanidda iyo midowga labadda dhinactoonna.

"Waxaa muhiim ah qodobka khuburadda loo soo kiraysanayo kuwaas oo Somaliland madax banaanideedda taageeri doona ama midnimo dambe taageeri doona, laakiin qodobkaasi waa muhiim, waana soo dhoweynaya in khuburadaasi lagu daro"ayuu yidhi Mukhtaar Suldaan oo ka mid ah dhalinyaradda Somaliland.

Maxamed Xaamud oo ka mid ah aqoonyahanka Somaliland ayaa sheegay in waxa laga wada hadlay ay ahayd wixii lagu heshiishka ahaa, balse ay hadhsan yihiin wixii Ad-adkaa, taasina ay tahay wax iska fudud "Horta waxay ka wada hadleen waa intii heshiishka lagu ahaa ee way hadhsan yihiin intii adkayd, waxa isna xusid mudan in war-murtiyeedka lagu soo saaray magaca Somaliland iyo Somalia, taas oo guul u ah Somaliland, waxaase dadku naqdinayaan sababta ay Somaliland wakhtigan ay dawladda ka jirta Somalia ee sii dhacayso wada hadalka loo bilaabay"

"Horta Somalia sidii lagu yaqaanay ee wadamo ajanabi ah ugu talin jireen ee loogu yeedhi jiray uun baa loo yeedhiyey oo la yidhi madaxweyneyaashuna meel heblaayo ayey ku shirayaan, ta labaad weftigii Somaliland markii ay baxayeen halkan waxay lahaayeen waxaanu ka soo wada hadlaynaa madax banaanideenna, balse arrimahaasi waa laga tuuray oo wax aan qorshaha Somaliland ku jirin ayaa laga wada hadlay in xidhiidh la sameeyo, in budhcad badeeda iyo argagixisadda lala dagaalamo, arrimahaasi waxay u muuqdaan uun in midnimo Somalia loo soo dhowaanayo mar haddii arrintii ugu weynayd laga wada hadal," ayuu yiri Maxamuud Xuseen oo aragtisiisa ka dhiibanayey qodobadan shirkaasi London ka soo baxay.

"Waan taageersanahay wixii ka soo baxay shirkaasi, waayo in badan bay Somalia sheegan jirtay dhulkan balse maanta haddii si siman loo wada fadhiistay waxa meesha ka baxday sheegashadii Somaliland waxaana loo wada hadlay laba dal oo siman"ayey tidhi Hooyo Sahra Cali oo ka mid ah hooyooyinka waaweyn ee magaaladda Hargeysa.

Garyaqaan Cabdiraxmaan Faysal oo isna aragtidiisa ka dhiibanayey waxa uu yidhi " arrinta ugu muhiimsani waa khuburadda la soo kiraysanayo, arrintaasi wax yar maaha, khuburo caalami ah oo arrimahan ka garnaqda oo siday wax u jiraan baadhaya waa loo baahan yahay, dhinacyo badanna way ka eegayaan, waxaana la qiimaynayaa dawladda ka jirta Somalia awoodda ay leedahay iyo xidhiidhka ay caalamka la leedahay iyo sidii loo midoobnay markii hore."

Si kastaba ha ahaatee, shacabka Somaliland ayaa guul u arka in laba dal loo kala qaaday, isla markaana caalamkii uu dhex fadhiyey markii ay wada hadlayeen, waxa sidoo kale aad loo soo dhoweeyey qodobka khuburada oo ay bulshaddu tilmaamayso inay Somaliland u dan tahay, oo khuburadaasi caalami ah eegayaan midowgii hore ee Somalia lala galay inuu sharci ahaa iyo in aanu sharci ahayn, taas oo ay sheegeen haddii ay eegaan in aan la helayn wax heshiish ah oo ay labadda dal wada galeen.

Sidoo kale, waxay dad badani dhaliileen qodobka sideedaad ee natiijaddii ka soo baxday wada hadalka, kaas oo tilmaamayey in Somalia lagu taageero in dawlada Somalia laga saaro ku meelgaadhka, taas oo dadku sheegeen in aanay ku meel gaadh iyo ku meelgaadh la’aani aanay khuseyn Somaliland, sidaa awgeedna qodobkaasi uu khalad ahaa in lagu soo daro wada hadalka.

Barkhad-Ladiif M. Cumar
[email protected]
Hargeysa, Somaliland










Click here
6/23/2012 5:10 PM EST
Xaflad si heer sare ah loo soo agaasimay oo lagu taageerayey xisbiga Tayo iyo Musharaxnimada xoghayaha xisbiga Tayo oo lagu wado inuu isu taago doorashada madaxweynenimada ee Soomaaliya ayaa lagu qabtay Birmingham ee dalka Ingariiska.

6/23/2012 9:37 AM EST
Waxaa magaalada Nairobi ee xarunta dalka Kenya lagu qabtey, munaasabdii labaad ee xaflad loogu magac darey (Easleigh Peace Festival).

6/23/2012 8:33 AM EST
Sabti, June 23, 2012 (HOL) — Madaxweynaha Puntland, C/raxmaan Sheekh Max'ed Faroole ayaa soo dhaweeyey go’aamadii kasoo baxay shirkii madaxda Soomaalidu ugu soo dhammaaday magaalada Nairobi ee dalka Kenya, isagoo ku taliyay in dalka loo doorto hoggaamiyeyaal samatabixin kara.

6/23/2012 8:13 AM EST
Sabti, June 23, 2012 (HOL) — Safaaradda Mareykanka ee Kenya ayaa maanta oo Sabti ah ka digtay weerarro qaraxyo ah oo ka dhaca magaalo xeebeedda Mombassa ee dalka Kenya oo ah magaalada labaad ee ugu weyn dalkaas.

6/23/2012 8:01 AM EST
Sabti, June 23, 2012 (HOL) — Magaalada Muqdisho oo ah xarunta Soomaaliya oo ay sannado badan ka socdeen dagaallo sokeeye ayaa waxaa ka socda dib u dhis iyo ganacsiga oo xoogeysanaya, iyadoo magaalada ay maalin walba soo gaaran dad kasoo laabanaya qurbaha.

6/23/2012 7:07 AM EST
Sabti, June 23, 2012 (HOL) — Ciidamada maamulka Xarakada Al-shabaab ee degmada Kismaayo ayaa gacanta ku dhigay nin gacan ku dhiigle ah kaasoo toori ku dilay nin kale.

6/23/2012 7:04 AM EST
Sabti, June 23, 2012 (HOL) — Maamulka Degmada Afmadow ee gobolka Jubada Hoose ayaa ka deyriyay xaaladda ay ku noolyihiin boqollaal qoys oo danyar ah, kuwaasoo degan magaalada Afmadow.

6/23/2012 4:01 AM EST
Sabti, June 23, 2012 (HOL) — Afhayeenkii hore ee Al-shabaab Sheekh Mukhtaar Rooboow Cali (Abuu-Mansuur) oo ka mid ah toddoba hoggaamiye oo Al-shabaab ka tirsan oo Mareynkanku uu madaxooda saaray madaxfurasho lacageed oo gaaraysa 33-milyan oo doollar ayaa sheegay inuusan ka baqayn Mareykanka uuna sii wadayo dagaalka uu kula jiro cadowga Islaamka.

6/23/2012 3:45 AM EST
Sabti, June 23, 2012 (HOL) — Dowladda Itoobiya ayaa sheegtay inay ciidamadeedu kusii sugnaanayaan Soomaaliya inta laga meel-marinayo dastuurka lagana dhisayo ciidammo milateri ah oo iska difaaci kara weerarrada kaga imaanaya Al-shabaab.

6/23/2012 3:43 AM EST
Sabti, June 23, 2012 (HOL) — Xoogagga Al-shabaab ee ka arimiya qeybo katirsan gobollada Jubooyinka ayaa hakad geliyay dhaqdhaqaaqii ganacsi ee ka dhexeeyay Degmada Kismaayo iyo Deegaanada Galbeed ee gobolka Jubada Hoose ee ay gacanta ku hayaan ciidamada dowladda KMG, kuwa Raaskaambooni iyo Militariga Kenya.

6/23/2012 3:28 AM EST
Sabti, June 23, 2012 (HOL) — Ugu yaraan saddex qof oo shacab ayaa ku dhintay qarax iyo tacshiirad xigtay oo saakay aroortii hore ka dhacay degmada Qansax-dheere ee gobolka Bayoo ay gacanta ku hayaan ciidamada DKMG Soomaaliya iyo kuwa garabka siinaya ee Itoobiya.

6/23/2012 3:19 AM EST
Sabti, June 23, 2012 (HOL) — Dowladda KMG ah ee Soomaaliya iyo AMSIOM ayaa sheegtay inay shalay la wareegeen dekedda garoonka diyaaradaha Cisalleey iyo dekedda macmalka ah ee Ceel-macaan oo ku yaalla duleedka Muqdisho.