3/28/2024
Today from Hiiraan Online:  _
Wararka Maanta- Sabti, Jun 23, 2012
Qarax khasaare nafeed gesytay oo saakay aroortii hore ka dhacay Degmada Qansax-dheere ee Gobolka Bay
Sabti, June 23, 2012 (HOL) — Ugu yaraan saddex qof oo shacab ayaa ku dhintay qarax iyo tacshiirad xigtay oo saakay aroortii hore ka dhacay degmada Qansax-dheere ee gobolka Bayoo ay gacanta ku hayaan ciidamada DKMG Soomaaliya iyo kuwa garabka siinaya ee Itoobiya.

Xarakada Al-shabaab ayaa sheegatay mas'uuliyadda weerarka oo loo adeegsaday miino lagu aasay goob shaaha lagu cabo oo ay fariistaan saraakiisha ciidamada dowladda Soomaaliya ee ku saugan degmadaas.

"Weerarka waxaa fuliyay guutada qaraxyada ee Al-shabaab, waxaana dhaawacyo culus ay kasoo gaareen saraakiil lagu kala magacaabo, Xasaneey iyo Cali Garabeey oo ka mid ahaa saraakiisha ciidamada dowladda ee ku sugan halkaas," ayaa lagu yiri war ay soo saareen Al-shabaab.

Qaraxa kaddib ayaa waxay ciidamada dowladdu toogasho ku dileen saddex ruux oo goobta ku sugnaa, kuwaasoo ay ku eedeeyeen inay ka tirsan yihiin Al-shabaab ayna ahaayeen kuwii ka dambeeyay qaraxa.

"Xaaladdu mar qura ayay isbedeshay, qarax weyn iyo rasaas xooggan oo daba socotay ayaa ka dhaday degmaada, waxaana aragnay dhismahada saddex wiil oo dhallinyaro ah iyo saraakiil ka tirsan ciidamada dowladda KMG ah," ayuu yiri ruux ku sugan degmada Qansax-dheere oo magaciisa ka gaabsaday sababo ammaan dartood.

Saraakiil DKMG ah ee ku sugan degmada ayaa beeniyay in qaraxii saakay ay ku dhaawacmeen saraakiil ka tirasn kuwa dowladda, waxayse sheegeen in hal askari uu dhaawac fudud kasoo gaaray, xaaladdiisuna ay wanaagsan tahay.

Degmada Qansax-dheere ayaa waxay ka mid tahay degmooyinka gobolka Bay ee laga qabsaday Al-shabaab horraantii sannadkan, waxaana degmadaas ka dhaca qaraxyo iyo dilal qorsheysan oo ay geysanayaan rag xiriir la leh Al-shabaab.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
6/23/2012 5:10 PM EST
Xaflad si heer sare ah loo soo agaasimay oo lagu taageerayey xisbiga Tayo iyo Musharaxnimada xoghayaha xisbiga Tayo oo lagu wado inuu isu taago doorashada madaxweynenimada ee Soomaaliya ayaa lagu qabtay Birmingham ee dalka Ingariiska.

6/23/2012 9:37 AM EST
Waxaa magaalada Nairobi ee xarunta dalka Kenya lagu qabtey, munaasabdii labaad ee xaflad loogu magac darey (Easleigh Peace Festival).

6/23/2012 8:33 AM EST
Sabti, June 23, 2012 (HOL) — Madaxweynaha Puntland, C/raxmaan Sheekh Max'ed Faroole ayaa soo dhaweeyey go’aamadii kasoo baxay shirkii madaxda Soomaalidu ugu soo dhammaaday magaalada Nairobi ee dalka Kenya, isagoo ku taliyay in dalka loo doorto hoggaamiyeyaal samatabixin kara.

6/23/2012 8:19 AM EST
Sabti, June 23, 2012 (HOL) — Dadka reer Somaliland ayaa siyaabo kala duwan uga hadlay Natiijaddii ka soo baxay wada hadalkii Somaliland iyo Somalia dhexmaray, iyagoo intoo badani qalbi furan ku soo dhoweeyey qodobaddaasi ka soo baxay shirkaasi.

6/23/2012 8:13 AM EST
Sabti, June 23, 2012 (HOL) — Safaaradda Mareykanka ee Kenya ayaa maanta oo Sabti ah ka digtay weerarro qaraxyo ah oo ka dhaca magaalo xeebeedda Mombassa ee dalka Kenya oo ah magaalada labaad ee ugu weyn dalkaas.

6/23/2012 8:01 AM EST
Sabti, June 23, 2012 (HOL) — Magaalada Muqdisho oo ah xarunta Soomaaliya oo ay sannado badan ka socdeen dagaallo sokeeye ayaa waxaa ka socda dib u dhis iyo ganacsiga oo xoogeysanaya, iyadoo magaalada ay maalin walba soo gaaran dad kasoo laabanaya qurbaha.

6/23/2012 7:07 AM EST
Sabti, June 23, 2012 (HOL) — Ciidamada maamulka Xarakada Al-shabaab ee degmada Kismaayo ayaa gacanta ku dhigay nin gacan ku dhiigle ah kaasoo toori ku dilay nin kale.

6/23/2012 7:04 AM EST
Sabti, June 23, 2012 (HOL) — Maamulka Degmada Afmadow ee gobolka Jubada Hoose ayaa ka deyriyay xaaladda ay ku noolyihiin boqollaal qoys oo danyar ah, kuwaasoo degan magaalada Afmadow.

6/23/2012 4:01 AM EST
Sabti, June 23, 2012 (HOL) — Afhayeenkii hore ee Al-shabaab Sheekh Mukhtaar Rooboow Cali (Abuu-Mansuur) oo ka mid ah toddoba hoggaamiye oo Al-shabaab ka tirsan oo Mareynkanku uu madaxooda saaray madaxfurasho lacageed oo gaaraysa 33-milyan oo doollar ayaa sheegay inuusan ka baqayn Mareykanka uuna sii wadayo dagaalka uu kula jiro cadowga Islaamka.

6/23/2012 3:45 AM EST
Sabti, June 23, 2012 (HOL) — Dowladda Itoobiya ayaa sheegtay inay ciidamadeedu kusii sugnaanayaan Soomaaliya inta laga meel-marinayo dastuurka lagana dhisayo ciidammo milateri ah oo iska difaaci kara weerarrada kaga imaanaya Al-shabaab.

6/23/2012 3:43 AM EST
Sabti, June 23, 2012 (HOL) — Xoogagga Al-shabaab ee ka arimiya qeybo katirsan gobollada Jubooyinka ayaa hakad geliyay dhaqdhaqaaqii ganacsi ee ka dhexeeyay Degmada Kismaayo iyo Deegaanada Galbeed ee gobolka Jubada Hoose ee ay gacanta ku hayaan ciidamada dowladda KMG, kuwa Raaskaambooni iyo Militariga Kenya.

6/23/2012 3:19 AM EST
Sabti, June 23, 2012 (HOL) — Dowladda KMG ah ee Soomaaliya iyo AMSIOM ayaa sheegtay inay shalay la wareegeen dekedda garoonka diyaaradaha Cisalleey iyo dekedda macmalka ah ee Ceel-macaan oo ku yaalla duleedka Muqdisho.