12/15/2019
Today from Hiiraan Online:  _
Wararka Maanta- Sabti, Jun 23, 2012
Magaalada Muqdisho oo Dib u dhis iyo Ganacsi xooggan uu ka socdo kaddib Sannado badan oo ay dagaallo ka socdeen



Sabti, June 23, 2012 (HOL) — Magaalada Muqdisho oo ah xarunta Soomaaliya oo ay sannado badan ka socdeen dagaallo sokeeye ayaa waxaa ka socda dib u dhis iyo ganacsiga oo xoogeysanaya, iyadoo magaalada ay maalin walba soo gaaran dad kasoo laabanaya qurbaha.

Sannadkii ka hor jidadka Muqdisho waxaa ka dhacayay rasaas dhexeysay ciidamada DKMG ah oo gacan ka helaya kuwa Midowga Afrika ee AMISOM iyo xoogagga Al-shabaab, waxayna dagaalladaas ay ku qasbeen inay guryahooda ka cararaan in ka badan hal milyan oo qof, sidoo kalena waxaa sare u kacay qiimaha raashinka lagu kala iibsado.

"Mar walba oo aad magaalada aaddo waxa keliya ee aad ka walwalayso waa inaad khatar ku dhacdo," ayuu yiri Maxamed Axmed oo ka mid ah dhallinyarada dibadda kasoo laabtay oo ganacsiga ka furtay Muqdisho.

Waddada Maka Al-Mukarama oo ah midda ugu mashquulka badan Muqdisho ayaa waxaa ka socda dayactirro xooggan, sidoo kale waxaa laga furayaa bankiyo iyo xawaalado, iyadoo maamulka gobolka uu muhiimad gaar ah siiyay soo celinta bilicda waddadaas.

Tan iyo markii ay Al-shabaab isaga baxeen Muqdisho waxaa dib ugu soo laabanayay dadkii horay uga barakacay, iyadoo bishii Ogoosto ee sannadkan uu booqasho ku yimid Soomaaliya ra'iisul wasaaraha dalka Turkiga, Recep Tayyip Erdogan taasoo ku qasabtay calaamka inuu mar kale dib u eego Soomaaliya.

"Soomaaliya waa waddan weyn," ayuu yiri Cabdulla Had Kokdaji oo ah xiriiriyaha barnaamijyada ee hay'adaha Turkiga. "Dagaallo ayaa ka socday muddo 20-sano ah kuwaasoo dhibaatooyin badan sababay. Laakiin waxaan u nimid sidii aan gacan uga geysan lahayn in dalkan laga dhigo mid wanaagsan."

Dowladda Turkiga ayaa waxay hay'ado badan u soo direen Soomaaliya sannadkii hore si ay u caawiyaan shacabka Soomaaliyeed oo la-daalaa-dhacyay abaaro xooggan oo ku dhuftay guud ahaan dalka.

"Sida aad arkayso waxaa magaaladan (Muqdisho) ka socda dib u dhis," ayuu yiri madaxa shirkadda dhismaha iyo qalabeynta ee shirkadda Star. "Qof walba wuxuu doonayaa Muqdisho ay noqoto meel nabadoon."

Guddoomiyaha gobolka Banaadir ahna duqa Muqdisho, Max'ud Axmed Nuur (Tarsan) ayaa sheegay inuu jiray shaki weyn oo ku saabsan in Muqdisho ay howshan ka qaban karaan shirkadaha Soomaalida iyo bulshada caalamka.

"Shakigaas hadda meesha wuu ka baxay, shirkadaha Soomaalida iyagoo adeegsanaya xirfadahooda shaqo inay howl wanaagsan ka qabteen Muqdisho," ayuu yiri guddoomiyaha gobolka Banaadir.

Mid ka mid ah injeerrada shirkadaha dhismaha kawada Muqdisho oo lagu magcaabo, Jamaal Xuseen Cumar ayaa sheegay in maalin walba ay shaqaale qortaan, isagoo xusay in dhismayaasha ka socda magaalada ay yihiin kuwii ugu badnaa ee uu arko 20-kii sano ee ugu dambeeyay.

Sarifka lacagaha qalaad ayaa hoos u dhacay iyadoo halkii dollar hadda lagu bedelo 22,000 oo shilling Soomaali ah halkii uu horay uga ahaa 35,000 shillig Soomaali ah, iyadoo ganacsatadu ay ku sheegeen hoos u dhacan isbedel dhinaca dhaqaalaha.

Maalinta Jimcaha ah waxaa maalin walba taga xeebaha Muqdisho boqolaal qof oo doonaya inay ku dabaashaan, iyadoo xeebuhu ay ahaayeen kuwo maran muddo ka badan shan sannadood oo Muqdisho ay dagaallo ka socdeen.

Inkastoo Muqdisho ay tahay goob ka ammaan badan sidii ay ahayd sannad ka hor ayaa haddana waxaa ka dhaca dilal qorsheysan oo ay geysanayaan kooxo xiriir la leh Al-shabaab iyo qaraxyo ay dad badan ku dhintaan.

Maxamed Xaaji Xuseen, Hiiraan Online
[email protected]
Muqdisho, Soomaaliya










Click here
6/23/2012 5:10 PM EST
Xaflad si heer sare ah loo soo agaasimay oo lagu taageerayey xisbiga Tayo iyo Musharaxnimada xoghayaha xisbiga Tayo oo lagu wado inuu isu taago doorashada madaxweynenimada ee Soomaaliya ayaa lagu qabtay Birmingham ee dalka Ingariiska.

6/23/2012 9:37 AM EST
Waxaa magaalada Nairobi ee xarunta dalka Kenya lagu qabtey, munaasabdii labaad ee xaflad loogu magac darey (Easleigh Peace Festival).

6/23/2012 8:33 AM EST
Sabti, June 23, 2012 (HOL) — Madaxweynaha Puntland, C/raxmaan Sheekh Max'ed Faroole ayaa soo dhaweeyey go’aamadii kasoo baxay shirkii madaxda Soomaalidu ugu soo dhammaaday magaalada Nairobi ee dalka Kenya, isagoo ku taliyay in dalka loo doorto hoggaamiyeyaal samatabixin kara.

6/23/2012 8:19 AM EST
Sabti, June 23, 2012 (HOL) — Dadka reer Somaliland ayaa siyaabo kala duwan uga hadlay Natiijaddii ka soo baxay wada hadalkii Somaliland iyo Somalia dhexmaray, iyagoo intoo badani qalbi furan ku soo dhoweeyey qodobaddaasi ka soo baxay shirkaasi.

6/23/2012 8:13 AM EST
Sabti, June 23, 2012 (HOL) — Safaaradda Mareykanka ee Kenya ayaa maanta oo Sabti ah ka digtay weerarro qaraxyo ah oo ka dhaca magaalo xeebeedda Mombassa ee dalka Kenya oo ah magaalada labaad ee ugu weyn dalkaas.

6/23/2012 7:07 AM EST
Sabti, June 23, 2012 (HOL) — Ciidamada maamulka Xarakada Al-shabaab ee degmada Kismaayo ayaa gacanta ku dhigay nin gacan ku dhiigle ah kaasoo toori ku dilay nin kale.

6/23/2012 7:04 AM EST
Sabti, June 23, 2012 (HOL) — Maamulka Degmada Afmadow ee gobolka Jubada Hoose ayaa ka deyriyay xaaladda ay ku noolyihiin boqollaal qoys oo danyar ah, kuwaasoo degan magaalada Afmadow.

6/23/2012 4:01 AM EST
Sabti, June 23, 2012 (HOL) — Afhayeenkii hore ee Al-shabaab Sheekh Mukhtaar Rooboow Cali (Abuu-Mansuur) oo ka mid ah toddoba hoggaamiye oo Al-shabaab ka tirsan oo Mareynkanku uu madaxooda saaray madaxfurasho lacageed oo gaaraysa 33-milyan oo doollar ayaa sheegay inuusan ka baqayn Mareykanka uuna sii wadayo dagaalka uu kula jiro cadowga Islaamka.

6/23/2012 3:45 AM EST
Sabti, June 23, 2012 (HOL) — Dowladda Itoobiya ayaa sheegtay inay ciidamadeedu kusii sugnaanayaan Soomaaliya inta laga meel-marinayo dastuurka lagana dhisayo ciidammo milateri ah oo iska difaaci kara weerarrada kaga imaanaya Al-shabaab.

6/23/2012 3:43 AM EST
Sabti, June 23, 2012 (HOL) — Xoogagga Al-shabaab ee ka arimiya qeybo katirsan gobollada Jubooyinka ayaa hakad geliyay dhaqdhaqaaqii ganacsi ee ka dhexeeyay Degmada Kismaayo iyo Deegaanada Galbeed ee gobolka Jubada Hoose ee ay gacanta ku hayaan ciidamada dowladda KMG, kuwa Raaskaambooni iyo Militariga Kenya.

6/23/2012 3:28 AM EST
Sabti, June 23, 2012 (HOL) — Ugu yaraan saddex qof oo shacab ayaa ku dhintay qarax iyo tacshiirad xigtay oo saakay aroortii hore ka dhacay degmada Qansax-dheere ee gobolka Bayoo ay gacanta ku hayaan ciidamada DKMG Soomaaliya iyo kuwa garabka siinaya ee Itoobiya.

6/23/2012 3:19 AM EST
Sabti, June 23, 2012 (HOL) — Dowladda KMG ah ee Soomaaliya iyo AMSIOM ayaa sheegtay inay shalay la wareegeen dekedda garoonka diyaaradaha Cisalleey iyo dekedda macmalka ah ee Ceel-macaan oo ku yaalla duleedka Muqdisho.