3/28/2024
Today from Hiiraan Online:  _
Wararka Maanta- Sabti, Jun 23, 2012
Maamulka Degmada Afmadow ee Gobolka Jubbada Hoose oo ka dayriyay xaaladda Qoysas Dan-yarta ah ee degmadaa ku nool

Sabti, June 23, 2012 (HOL) — Maamulka Degmada Afmadow ee gobolka Jubada Hoose ayaa ka deyriyay xaaladda ay ku noolyihiin boqollaal qoys oo danyar ah, kuwaasoo degan magaalada Afmadow.

Gudoomiyaha maamulka Afmadow C/xakiim Cumar Xaaji oo warbaahinta la hadlay ayaa sheegay in xaaladda qoysaska barakacayaasha ee ku nool Afmadow ay tahay mid aad u liidato, islamarkaasina ay qoysaskaasi u baahanyihiin in lala soo gaaro kaalmo bniaadanimo oo deg deg ah.

Masuulkani ayaa ugu baaqay hay'adaha samafalka in ay sida ugu dhaqsaha badan ugu soo gurmadaan dadka ku dhibaateeysan Afmadow, isagoona xusay in ay damaanad qaadayaan ammaanka hay'adahaasi.

Degmada Afmadow oo ay dhawaan gacanta ku dhigeen ciidamada dowladda KMG, ururka Raaskaambooni iyo Militariga Kenya oo iskaashanaya ayaa waxa ku nool qoysas danyar ah oo ay saameeyeen abaarihii ku dhuftay dalka, iyo weliba dagaalladii ba'naa ee gobolka ku dhexmaray ciidamada huwanta ah iyo Al-shabaab, waxayna qoysaskani u badanyihiin haween, carruur iyo weliba dad da' ah.

Xaaladaha nolol xumo ee ka jira degmada Afmadow kasokow waxaa jirto dhibaatooyin caafimaad darro ah oo heysta dadka ku dhaqan degmadaasi, waxaana lagu soo waramayaa in ay magaaladaasi ka jiraan cudurro u badan kuwa ka dhasha nafaqo darrida oo lasoo darsay dadka danyarta ah ee ku dhaqan degmadaasi.

Xoogagga Al-shabaab oo iyagu sanado badan gacanta ku hayay degmada Afmadow ayaa hore waxa ay gobolka Jubada Hoose uga ceyriyeen hay'adihii samafalka ee ka howlgeli jiray, kadib awaamiir ka dhan ah hay'adaha samafalka oo kasoo baxday maamulka guud ee xarakada Al-shabaab.

Xasan Nuur, Hiiraan Online
[email protected]
Kismaayo, Soomaaliya













Click here
6/23/2012 5:10 PM EST
Xaflad si heer sare ah loo soo agaasimay oo lagu taageerayey xisbiga Tayo iyo Musharaxnimada xoghayaha xisbiga Tayo oo lagu wado inuu isu taago doorashada madaxweynenimada ee Soomaaliya ayaa lagu qabtay Birmingham ee dalka Ingariiska.

6/23/2012 9:37 AM EST
Waxaa magaalada Nairobi ee xarunta dalka Kenya lagu qabtey, munaasabdii labaad ee xaflad loogu magac darey (Easleigh Peace Festival).

6/23/2012 8:33 AM EST
Sabti, June 23, 2012 (HOL) — Madaxweynaha Puntland, C/raxmaan Sheekh Max'ed Faroole ayaa soo dhaweeyey go’aamadii kasoo baxay shirkii madaxda Soomaalidu ugu soo dhammaaday magaalada Nairobi ee dalka Kenya, isagoo ku taliyay in dalka loo doorto hoggaamiyeyaal samatabixin kara.

6/23/2012 8:19 AM EST
Sabti, June 23, 2012 (HOL) — Dadka reer Somaliland ayaa siyaabo kala duwan uga hadlay Natiijaddii ka soo baxay wada hadalkii Somaliland iyo Somalia dhexmaray, iyagoo intoo badani qalbi furan ku soo dhoweeyey qodobaddaasi ka soo baxay shirkaasi.

6/23/2012 8:13 AM EST
Sabti, June 23, 2012 (HOL) — Safaaradda Mareykanka ee Kenya ayaa maanta oo Sabti ah ka digtay weerarro qaraxyo ah oo ka dhaca magaalo xeebeedda Mombassa ee dalka Kenya oo ah magaalada labaad ee ugu weyn dalkaas.

6/23/2012 8:01 AM EST
Sabti, June 23, 2012 (HOL) — Magaalada Muqdisho oo ah xarunta Soomaaliya oo ay sannado badan ka socdeen dagaallo sokeeye ayaa waxaa ka socda dib u dhis iyo ganacsiga oo xoogeysanaya, iyadoo magaalada ay maalin walba soo gaaran dad kasoo laabanaya qurbaha.

6/23/2012 7:07 AM EST
Sabti, June 23, 2012 (HOL) — Ciidamada maamulka Xarakada Al-shabaab ee degmada Kismaayo ayaa gacanta ku dhigay nin gacan ku dhiigle ah kaasoo toori ku dilay nin kale.

6/23/2012 4:01 AM EST
Sabti, June 23, 2012 (HOL) — Afhayeenkii hore ee Al-shabaab Sheekh Mukhtaar Rooboow Cali (Abuu-Mansuur) oo ka mid ah toddoba hoggaamiye oo Al-shabaab ka tirsan oo Mareynkanku uu madaxooda saaray madaxfurasho lacageed oo gaaraysa 33-milyan oo doollar ayaa sheegay inuusan ka baqayn Mareykanka uuna sii wadayo dagaalka uu kula jiro cadowga Islaamka.

6/23/2012 3:45 AM EST
Sabti, June 23, 2012 (HOL) — Dowladda Itoobiya ayaa sheegtay inay ciidamadeedu kusii sugnaanayaan Soomaaliya inta laga meel-marinayo dastuurka lagana dhisayo ciidammo milateri ah oo iska difaaci kara weerarrada kaga imaanaya Al-shabaab.

6/23/2012 3:43 AM EST
Sabti, June 23, 2012 (HOL) — Xoogagga Al-shabaab ee ka arimiya qeybo katirsan gobollada Jubooyinka ayaa hakad geliyay dhaqdhaqaaqii ganacsi ee ka dhexeeyay Degmada Kismaayo iyo Deegaanada Galbeed ee gobolka Jubada Hoose ee ay gacanta ku hayaan ciidamada dowladda KMG, kuwa Raaskaambooni iyo Militariga Kenya.

6/23/2012 3:28 AM EST
Sabti, June 23, 2012 (HOL) — Ugu yaraan saddex qof oo shacab ayaa ku dhintay qarax iyo tacshiirad xigtay oo saakay aroortii hore ka dhacay degmada Qansax-dheere ee gobolka Bayoo ay gacanta ku hayaan ciidamada DKMG Soomaaliya iyo kuwa garabka siinaya ee Itoobiya.

6/23/2012 3:19 AM EST
Sabti, June 23, 2012 (HOL) — Dowladda KMG ah ee Soomaaliya iyo AMSIOM ayaa sheegtay inay shalay la wareegeen dekedda garoonka diyaaradaha Cisalleey iyo dekedda macmalka ah ee Ceel-macaan oo ku yaalla duleedka Muqdisho.